ಅಮೆರಿಕದಲ್ಲಿಯೇ ಮೊದಲ ಬಾರಿಗೆ ಜಾತಿ ಪಕ್ಷಪಾತ ನಿಷೇಧ ಜಾರಿಗೆ ತಂದ ಸಿಯಾಟಲ್​​

ಹಿಂದೂ ಸಂಘಟನೆಗಳ ಭಾರೀ ವಿರೋಧ - ಸಾರ್ವಜನಿಕರ ಸಹಿ ಆಧಾರದ ಮೇಲೆ ಜಾತಿ ತಾರತಮ್ಯ ನಿಷೇಧ- ಅಮೆರಿಕದ ಸಿಯಾಟಲ್​ನಲ್ಲಿ ಜಾರಿಗೆ

ನ್ಯೂ ಯಾರ್ಕ್​: ಹಿಂದೂಗಳನ್ನು ಪ್ರತಿನಿಧಿಸುವ ಹಲವಾರು ಸಂಘಟನೆಗಳ ವಿರೋಧದ ನಡುವೆಯೂ ಅಮೆರಿಕದ ಸಿಯಾಟಲ್​ ನಗರ ಜಾತಿ ತಾರತಮ್ಯವನ್ನು ನಿಷೇಧಿಸಿದ್ದು, ಈ ಕ್ರಮ ಕೈಗೊಂಡ ಮೊದಲ ಯುನೈಟೆಡ್​ ಸ್ಟೇಟ್​ ಸಿಟಿ ಎಂಬ ಖ್ಯಾತಿಗೆ ಪಾತ್ರವಾಗಿದೆ.

ಕೌನ್ಸಿಲರ್​ ಕ್ಷಾಮ ಸಾವಂತ್​​ ಅವರು ಮಂಡಿಸಿದ ಈ ಶಾಸಕಾಂಗ ಕ್ರಮವನ್ನು ಸಿಟಿ ಕೌನ್ಸಿಲ್ ಮಂಗಳವಾರ ಅನುಮೋದಿಸಿತು. ಜನಾಂಗೀಯ ಪಕ್ಷಪಾತದ ವಿರುದ್ಧ ಕಾನೂನುಗಳ ಮಾದರಿಯಲ್ಲಿ ಶಾಸನವು ಈ ಕ್ರಮ ನಡೆಸಿದೆ. ಕೆಲಸ, ಮನೆ ಬಾಡಿಗೆ ಮತ್ತು ಮಾರಾಟ, ಹೋಟೆಲ್​, ರೆಸ್ಟೋರೆಂಟ್​ ಮತ್ತು ಸ್ಟೋರ್​ನಂತಹ ಸಾರ್ವಜನಿಕ ಸ್ಥಳಗಳಲ್ಲಿ ಜಾತಿ ಆಧಾರದ ತಾರತಮ್ಯವನ್ನು ನಿಷೇಧಿಸುವಂತೆ ಕೇಳಲಾಯಿತು.

ಇದರ ವಿರುದ್ಧ ಕೆಲವು ಹಿಂದೂ ಸಂಘಟನೆಗಳು, ಎಡಪಂಥೀಯ ಗುಂಪುಗಳು, ನಾಗರಿಕ ಹಕ್ಕು ಗುಂಪುಗಳು ಕೂಡ ವಿರೋಧ ವ್ಯಕ್ತಪಡಿಸಿದವು. ಸಾರ್ವಜನಿಕರು ಈ ಕುರಿತು ಹೇಳಿಕೆ ನೀಡಲು ಅವಕಾಶ ನೀಡಿದ ನಂತರ ಚರ್ಚೆಯ ಬಳಿಕ ಈ ಶಾಸನವೂ ಅನುಮೋದನೆ ನೀಡಲಾಯಿತು. ಈ ಕುರಿತು ಮಾತನಾಡಲು ನೂರಾರು ಜನರು ಸಹಿ ಹಾಕಿದ್ದರು. ಆದರೆ, ಸಮಯದ ಮಿತಿ ಹಿನ್ನೆಲೆ ಕೆಲವರಿಗೆ ಮಾತ್ರ ಮಾತನಾಡಲು ಅವಕಾಶ ನೀಡಲಾಯಿತು. ಡೆಮೋಕ್ರಾಟ್‌ನ ಹೌಸ್ ಆಫ್ ರೆಪ್ರೆಸೆಂಟೇಟಿವ್ಸ್ ಕ್ಷೇತ್ರವು ಸಿಯಾಟಲ್‌ನ ಹೆಚ್ಚಿನ ಭಾಗವನ್ನು ಒಳಗೊಂಡಿದೆ.

ಇನ್ನು, ಈ ಕುರಿತು ಟ್ವೀಟ್​ ಮಾಡಿರುವ ನ್ಯಾಶನಲ್ ಪಬ್ಲಿಕ್ ರೇಡಿಯೋ ವರದಿಗಾರ್ತಿ ಲಿಲ್ಲಿ ಅನಾ ಫೌಲರ್, ಕೌನ್ಸಿಲ್ ಚೇಂಬರ್‌ನಿಂದ ಮತದಾನದ ಮೊದಲು ಸ್ವಲ್ಪ ಗೊಂದಲದ ವಾತಾವರಣ ಉಂಟಾಯಿತು. ಬಳಿಕ ಇದು ಶಮನವಾಯಿತು. ಜಾತಿವಾದ ನಿಲ್ಲಿಸಿ ಎಂಬ ಫಲಕಗಳನ್ನು ಹಿಡಿದಿರುವ ಜನರನ್ನು ಕಾಣಬಹುದಾಗಿದೆ. ಸುಳ್ಳುಗಳನ್ನು ಕೂಗುವುದರಿಂದ ಅದು ನಿಜವಾಗುವುದಿಲ್ಲ ಎಂದಿದ್ದಾರೆ.

ಕಾಂಗ್ರೆಸ್ಸಶನಲ್​ ಪ್ರೊಗ್ರೆಸಿವ್​ ಕಾಸಸ್​​ ನೇತೃತ್ವದ ಪ್ರಮೀಳಾ ಜಯಪಾಲ್​ ಟ್ವೀಟ್​ ಮಾಡಿ, ತಮ್ಮ ಬೆಂಬಲ ಶಾಂಸಕಾಂಗಕ್ಕೆ ಇದೆ. ತಾರತಾಮ್ಯವನ್ನು ನಿಲ್ಲಿಸಲು ಸಿಯಾಟಲ್​ ಇಂತಹ ಮಹತ್ವದ ಹೆಜ್ಜೆ ಇಡುತ್ತಿರುವುದಕ್ಕೆ ನನಗೆ ಹೆಮ್ಮೆ ಆಗುತ್ತಿದೆ. ಎಲ್ಲ ಜನರು ಸ್ವತಂತ್ರವಾಗಿ ಇರಬಹುದು ಎಂಬ ಭರವಸೆ ಇದು ನೀಡುತ್ತದೆ ಎಂದರು. ಇನ್ನು, ಇದನ್ನು ವಿರೋಧಿಸಿದ್ದ ದಿ ಕೊಯಿಲೆಷನ್​ ಆಫ್​ ಹಿಂದೂಸ್​ ಆಫ್​ ನಾರ್ಥ್​ ಅಮೆರಿಕ, ಈ ಶಾಸನವೂ ದಕ್ಷಿಣ ಏಷ್ಯಾದ ಪೂರ್ವಗ್ರಹವನ್ನು ಬಿಂಬಿಸುತ್ತದೆ ಎಂದಿದ್ದಾರೆ.

ದಿ ಹಿಂದೂ ಅಮೆರಿಕನ್​ ಫೌಂಡೇಶನ್​ ಸಂಘಟನೆ ನಿರ್ವಹಣಾ ಅಧ್ಯಕ್ಷ ಸಮೀರ್​ ಕಲ್ರಾ ಮಾತನಾಡಿ, ಸಿಯಾಟೆಲ್​ ಅಪಾಯದ ಹೆಜ್ಜೆ ಇಟ್ಟಿದೆ. ತಾರತಮ್ಯವನ್ನು ತಡೆಯುವ ನಿಟ್ಟಿನಲ್ಲಿ ಭಾರತೀಯ ಮತ್ತು ದಕ್ಷಿಣ ಏಷ್ಯಾ ಮೂಲದ ಎಲ್ಲಾ ನಿವಾಸಿಗಳ ವಿರುದ್ಧ ಪಕ್ಷಪಾತವನ್ನು ಸಾಂಸ್ಥಿಕಗೊಳಿಸುತ್ತಿದೆ. ಸಿಯಟೆಲ್​ ಎಲ್ಲಾ ನಿವಾಸಿಗಳು ನಾಗರಿಕ ಹಕ್ಕನ್ನು ರಕ್ಷಣೆ ಮಾಡಬೇಕಾದ ಸಂದರ್ಭದಲ್ಲಿ ಎಲ್ಲಾ ಜನರನ್ನು ಸಮಾನವಾಗಿ ನೋಡಬೇಕು ಎನ್ನುತ್ತಾ, ಇದು ಅಮೆರಿಕದ ಮೂಲಭೂತ ಹಕ್ಕನ್ನು ಉಲ್ಲಂಘಿಸುತ್ತಿದೆ ಎಂದು ಆರೋಪಿಸಿದ್ದಾರೆ.

ಅಮೆರಿಕದ ಸಂವಿಧಾನದ ರಕ್ಷಣೆಯ ಖಾತರಿಗಳು ಹಕ್ಕುಗಳ ಉಲ್ಲಂಘನೆಯಾಗಿದೆ. ಅದು ರಾಜ್ಯವು ಜನರನ್ನು ಅವರ ರಾಷ್ಟ್ರೀಯ ಮೂಲ, ಜನಾಂಗೀಯತೆ ಅಥವಾ ಧರ್ಮದ ಕಾರಣದಿಂದಾಗಿ ಅಸಮಾನವಾಗಿ ನಡೆಸಿಕೊಳ್ಳುವುದನ್ನು ನಿಷೇಧಿಸುತ್ತದೆ. ಅಸ್ಪಷ್ಟ, ಮುಖದ ಆಧಾರದ ಮೇಲೆ ತಾರತಮ್ಯ ಮತ್ತು ಅನಿಯಂತ್ರಿತ ವರ್ಗ ತಾರತಮ್ಯದ ವಿರುದ್ಧ ಇದನ್ನು ಜಾರಿಗೊಳಿಸಲಾಗುತ್ತದೆ.

ಇದನ್ನೂ ಓದಿ: ಅಮೆರಿಕದ ಜೊತೆಗಿನ ರಷ್ಯಾ ಅಣು ಒಪ್ಪಂದ ಅಮಾನತು: ಉಕ್ರೇನ್​ ಮೇಲೆ ಪರಮಾಣು ಸಿಡಿತಲೆ ದಾಳಿ?