ರಷ್ಯಾ ಅಧ್ಯಕ್ಷ ಪುಟಿನ್​​ಗೆ ದಿಢೀರ್​ ಹೃದಯಾಘಾತ.. ವೈದ್ಯರ ತಂಡದಿಂದ ತೀವ್ರ ನಿಗಾ..; ವರದಿ ತಳ್ಳಿ ಹಾಕಿದ ಕ್ರೆಮ್ಲಿನ್​

Putin Cardiac Arrest: ರಷ್ಯಾ ಅಧ್ಯಕ್ಷ ಪುಟಿನ್ ಅವರಿಗೆ ಹೃದಯಾಘಾತವಾಗಿದೆ. ಮಾಧ್ಯಮ ವರದಿಗಳ ಪ್ರಕಾರ, ಅವರು ನೆಲದ ಮೇಲೆ ಪ್ರಜ್ಞಾಹೀನ ಸ್ಥಿತಿಯಲ್ಲಿ ಕಂಡು ಬಂದಿದ್ದಾರೆ ಎಂದು ಹೇಳಲಾಗಿತ್ತು. ಆದರೆ ಈ ವರದಿಗಳನ್ನು ಕ್ರೆಮ್ಲಿನ್ ತಳ್ಳಿಹಾಕಿದೆ. ರಷ್ಯಾ - ಉಕ್ರೇನ್​​ ಯುದ್ಧ ಘೋಷಣೆ ಆದ ಬಳಿಕ ರಷ್ಯಾ ಅಧ್ಯಕ್ಷರ ವಿರುದ್ಧ ಇಂತಹ ಸುದ್ದಿಗಳು ವರದಿಯಾಗುತ್ತಲೇ ಇವೆ.

ಮಾಸ್ಕೋ: ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಅವರಿಗೆ ಹೃದಯಾಘಾತವಾಗಿದೆ ಎಂಬ ಸುದ್ದಿ ಹೊರ ಬಿದ್ದಿದೆ. ಅಂತಾರಾಷ್ಟ್ರೀಯ ಮಾಧ್ಯಮಗಳ ವರದಿಗಳ ಪ್ರಕಾರ, ಅವರು ನೆಲದ ಮೇಲೆ ಪ್ರಜ್ಞಾಹೀನ ಸ್ಥಿತಿಯಲ್ಲಿ ಪತ್ತೆಯಾಗಿದ್ದರು ಎನ್ನಲಾಗಿದೆ. ಆದರೆ ಈ ವರದಿಯನ್ನು ಕ್ರೆಮ್ಲಿನ್​​ ತಳ್ಳಿ ಹಾಕಿದೆ.

• Russian President Vladimir #Putin suffers #cardiac arrest in the presidential bedroom, an insider group reveals
  Russian President Vladimir Putin has suffered a cardiac arrest in his bedroom following months of speculation over his health, a source has claimed.
  
  General SVR /… pic.twitter.com/RJ38Adtuiu

  — Bruce P. Stuart (@brcplmrstrt) October 23, 2023 " class="align-text-top noRightClick twitterSection" data="

  Russian President Vladimir #Putin suffers #cardiac arrest in the presidential bedroom, an insider group reveals
  Russian President Vladimir Putin has suffered a cardiac arrest in his bedroom following months of speculation over his health, a source has claimed.
  
  General SVR /… pic.twitter.com/RJ38Adtuiu

  — Bruce P. Stuart (@brcplmrstrt) October 23, 2023

  ">

  Russian President Vladimir #Putin suffers #cardiac arrest in the presidential bedroom, an insider group reveals
  Russian President Vladimir Putin has suffered a cardiac arrest in his bedroom following months of speculation over his health, a source has claimed.
  
  General SVR /… pic.twitter.com/RJ38Adtuiu

  — Bruce P. Stuart (@brcplmrstrt) October 23, 2023

ವೈದ್ಯರ ತಂಡ ಅವರ ಚಿಕಿತ್ಸೆಯಲ್ಲಿ ತೊಡಗಿದೆ. ಮೂಲಗಳಿಂದ ಬಂದಿರುವ ಮಾಹಿತಿಯ ಪ್ರಕಾರ, ಪುಟಿನ್ ಅವರು ಸ್ವಲ್ಪ ಸಮಯದಿಂದ ಅಸ್ವಸ್ಥರಾಗಿದ್ದರು. ಅಷ್ಟರಲ್ಲಿ ಈ ಸುದ್ದಿ ಬಂದಿದೆ. ಕಾವಲುಗಾರ ಪುಟಿನ್​ ಅವರು ನೆಲದ ಮೇಲೆ ಮಲಗಿರುವುದನ್ನು ಕಂಡಿದ್ದಾರೆ. ಹೀಗೆ ಪುಟಿನ್​ ನೆಲದ ಮೇಲೆ ಇರುವುದನ್ನು ನೋಡಿದ ತಕ್ಷಣ ತಕ್ಷಣವೇ ವೈದ್ಯರಿಗೆ ಕರೆ ಮಾಡಿದ್ದಾರೆ.

ಮಾಸ್ಕೋ ಸಮಯ 21:05 ರ ಸುಮಾರಿಗೆ ಈ ಘಟನೆ ನಡೆದಿದೆ ಎಂದು ವರದಿಯಾಗಿದೆ. ಈ ವೇಳೆ ಅವರ ಕೊಠಡಿಯಿಂದ ದೊಡ್ಡ ಶಬ್ದ ಬಂದಿದೆ. ಸದ್ದು ಕೇಳಿದ ಸೆಕ್ಯುರಿಟಿ ಗಾರ್ಡ್‌ಗಳು ಪುಟಿನ್​ ಇರುವ ಕೋಣೆಯನ್ನು ತಲುಪಿದಾಗ ಅವರು ನೆಲದ ಮೇಲೆ ಬಿದ್ದಿರುವುದನ್ನು ಕಂಡಿದ್ದಾರೆ. ಅದೇ ಸಮಯದಲ್ಲಿ ಊಟದ ತಟ್ಟೆಯೂ ಅವರ ಪಕ್ಕದಲ್ಲಿತ್ತು ಎನ್ನಲಾಗಿದೆ. ಈ ವಿಚಾರ ಸಿಕ್ಕ ತಕ್ಷಣವೇ ವೈದ್ಯರು ಅವರ ಕೊಠಡಿಗೆ ಆಗಮಿಸಿ ಪ್ರಥಮ ಚಿಕಿತ್ಸೆ ನೀಡಿದ್ದಾರೆ. ಬಳಿಕ ವೈದ್ಯರ ತಂಡ ಪುಟಿನ್​​ ಅವರ ಆರೋಗ್ಯದ ಮೇಲೆ ನಿಗಾ ಇರಿಸಿದೆ.

ಇತ್ತೀಚಿನ ಮಾಹಿತಿ ಪ್ರಕಾರ ಪುಟಿನ್ ಅವರಿಗೆ ಪ್ರಜ್ಞೆ ಬಂದಿದ್ದು, ಅವರ ಆರೋಗ್ಯ ಚೆನ್ನಾಗಿದೆ. ಟೆಲಿಗ್ರಾಮ್ ಗ್ರೂಪ್ ಜನರಲ್ ಎಸ್‌ವಿಆರ್ ಈ ಸುದ್ದಿಯನ್ನು ಮೊದಲಿಗೆ ಹಂಚಿಕೊಂಡಿದೆ ಎಂದು ವರದಿಯಾಗಿದೆ.

ಇದೇ ವೇಳೆ ಪುಟಿನ್ ಅವರ ಆಹಾರವನ್ನು ಪರೀಕ್ಷೆಗೆ ಒಳಪಡಿಸಲಾಗಿದ್ದು, ಆಹಾರದಲ್ಲಿ ವಿಷ ಬೆರೆಸಲಾಗಿದೆಯೇ ಎಂಬುದನ್ನು ಪತ್ತೆ ಹಚ್ಚಲಾಗುತ್ತಿದೆ. ಆದರೆ ಈ ಬಗ್ಗೆ ಇನ್ನಷ್ಟೇ ಹೆಚ್ಚಿನ ಮಾಹಿತಿ ತಿಳಿದು ಬರಬೇಕಿದೆ. ಆದರೆ ಈ ಎಲ್ಲ ವರದಿಗಳನ್ನು ಕ್ರೆಮ್ಲಿನ್​ ನಿರಾಕರಿಸಿದ್ದು, ಈ ವರದಿಗಳು ಉಹಾಪೋಹ ಅಷ್ಟೇ ಎಂದು ಹೇಳಿದೆ.

ಫಿಟ್ನೆಸ್​​ಗೆ ಹೆಚ್ಚು ಒತ್ತು ನೀಡುವ ಪುಟಿನ್​: ರಷ್ಯಾದ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಅವರಿಗೆ ಈಗ ಸುಮಾರು 70 ವರ್ಷ ವಯಸ್ಸಾಗಿದೆ. ಅವರ ವಯಸ್ಸು 70 ಆದರೂ ಅವರು ಯಂಗ್​ ಅಂಡ್​ ಎನರ್ಜಿಟಿಕ್​ ಆಗಿ ಕಾಣಿಸಿಕೊಳ್ಳುತ್ತಾರೆ. ಅವರು ತಮ್ಮ ಆರೋಗ್ಯ ಹಾಗೂ ಯೌವನವನ್ನು ಕಾಪಾಡಿಕೊಳ್ಳಲು ಹೆಚ್ಚು ಆದ್ಯತೆ ನೀಡುತ್ತಾ ಬಂದಿದ್ದಾರೆ. ಅವರ ಫಿಟ್ನೆಸ್​​ ಬಗ್ಗೆ ಹಲವು ದಂತಕತೆಗಳೇ ಇವೆ. ಒಟ್ಟಿನಲ್ಲಿ ಅವರು ತಮ್ಮ ಫಿಟ್ನೆಸ್ ವಿಚಾರದಲ್ಲಿ ರಾಜಿ ಮಾಡಿಕೊಂಡಿಲ್ಲ. ದಿನವಿಡೀ ಚಟುವಟಿಕೆಯಿಂದ ಇರಲು ಪುಟಿನ್ ಬಯಸುತ್ತಾರೆ. ಇದಕ್ಕಾಗಿ ಅವರು ವ್ಯಾಯಾಮ ಮಾಡುತ್ತಾರೆ. ರಷ್ಯಾದ ಅಧ್ಯಕ್ಷರಿಗೆ ಈಜು ಎಂದರೆ ತುಂಬಾ ಇಷ್ಟ.

ಇದನ್ನು ಓದಿ: ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್‌ ಪುಟಿನ್‌ಗೆ 'ರಕ್ತದ ಕ್ಯಾನ್ಸರ್‌, ಆರೋಗ್ಯ ಗಂಭೀರ': ವರದಿ