ನವದೆಹಲಿ: ಹೆಲಿಕಾಪ್ಟರ್ ಅನ್ನು ಪಯಣಿಸಲು ಬಳಸುತ್ತಾರೆ. ಆದರೆ, ಇಲ್ಲಿಬ್ಬರು ಕ್ರೇಜಿ ಯೂಟ್ಯೂಬರ್ಗಳು ಜೋತು ಬಿದ್ದು ಪುಲ್ಅಪ್ ಮಾಡಿದ್ದಾರೆ. ಹೆಲಿಕಾಪ್ಟರ್ ಹಾರುತ್ತಿರುವ ವೇಳೆ ಒಂದು ನಿಮಿಷದಲ್ಲಿ 25 ಬಾರಿ ಪುಲ್ ಅಪ್ ಮಾಡಿ ಗಿನ್ನೆಸ್ ದಾಖಲೆ ಬರೆದಿದ್ದಾರೆ.
- " class="align-text-top noRightClick twitterSection" data="">
ನೆದರ್‌ಲ್ಯಾಂಡ್ಸ್‌ನ ಸ್ಟಾನ್ ಬ್ರೌನಿ ಮತ್ತು ಅರ್ಜೆನ್ ಆಲ್ಬರ್ಸ್ ಜುಲೈ 6 ರಂದು ಬೆಲ್ಜಿಯಂನ ಆಂಟ್ವರ್ಪ್ನ ಹೋವೆನೆಲ್ ಏರ್ಫೀಲ್ಡ್ನಲ್ಲಿ ಈ ದಾಖಲೆ ಸೃಷ್ಟಿಸಿದರು. ಅರ್ಜೆನ್ ಆಲ್ಬರ್ಸ್ ಮೊದಲು ಹಾರುತ್ತಿದ್ದ ಹೆಲಿಕಾಪ್ಟರ್ಗೆ ಜೋತು ಬಿದ್ದು ಒಂದು ನಿಮಿಷದಲ್ಲಿ 24 ಬಾರಿ ಪುಲ್ ಅಪ್ ಮಾಡಿದರು. ಈ ಹಿಂದೆ ಅರ್ಮೇನಿಯನಾದ ರೋಮನ್ ಸಹರಾದ್ಯಾನ್ ನಿರ್ಮಿಸಿದ್ದ (23) ದಾಖಲೆಯನ್ನು ಮುರಿದರು.
ಇದಾದ ಬಳಿಕ ಸ್ಟಾನ್ ಬ್ರೌನಿ ಅದೇ ಹೆಲಿಕಾಪ್ಟರ್ನಲ್ಲಿ ಒಂದು ನಿಮಿಷದೊಳಗೆ 25 ಬಾರಿ ಪುಲ್ ಅಪ್ ಮಾಡುವುದರೊಂದಿಗೆ ಅರ್ಜೆನ್ ಆಲ್ಬರ್ಸ್ ದಾಖಲೆಯನ್ನು ಕೆಲವೇ ನಿಮಿಷಗಳಲ್ಲಿ ಪುಡಿ ಮಾಡಿದರು. ಈ ದಾಖಲೆಯ ವಿಡಿಯೋವನ್ನು ಇಬ್ಬರೂ ತಮ್ಮ ಯೂಟ್ಯೂಬ್ ಹ್ಯಾಂಡಲ್‌ನಲ್ಲಿ ಹಂಚಿಕೊಂಡಿದ್ದಾರೆ.
ಇದನ್ನೂ ಓದಿ: ಗಂಭೀರ ಆರೋಪ ಬಂದಾಗ ನ್ಯಾಯಾಧೀಶರು ಮಂಪರು ಪರೀಕ್ಷೆಗೆ ಒಳಪಡಬೇಕು: ನ್ಯಾ.ಕೃಷ್ಣ ಭಟ್
