ಹೈದ್ರಾಬಾದ್: ಕೆಂಪು ಸಮುದ್ರದಲ್ಲಿ ವಾಣಿಜ್ಯ ಹಡಗುಗಳ ಮೇಲೆ ದಾಳಿ ನಿಲ್ಲಿಸುವಂತೆ ಪಾಶ್ಚಿಮಾತ್ಯ ರಾಷ್ಟ್ರಗಳು ನೀಡಿದ ಎಚ್ಚರಿಕೆಯನ್ನು ಇರಾನ್ ಬೆಂಬಲಿತ ಹೌತಿ ಉಗ್ರರು ತಿರಸ್ಕರಿಸಿದ್ದಾರೆ. ಅಲ್ಲದೇ ಗಾಜಾ ಮೇಲಿನ ಯುದ್ದ ನಿಲ್ಲಿಸುವವರೆಗೆ ಇಸ್ರೇಲ್ ಸಂಬಂಧಿತ ಹಡುಗಗಳನ್ನು ಗುರಿಯಾಗಿಸಿ ದಾಳಿ ನಡೆಸುವುದಾಗಿ ತಿಳಿಸಿದ್ದಅರೆ.
ಈ ಸಂಬಂಧ ಹೇಳಿಕೆ ಬಿಡುಗಡೆ ಮಾಡಿರುವ ಹೌತಿ ವಕ್ತಾರ ಧೈಫಲ್ಲಾಹ್ ಅಲ್ ಶಮಿ, ಇಸ್ರೇಲ್ನ ಅಪರಾಧಗಳನ್ನು ಮುಚ್ಚಿಡುವ ಮತ್ತು ನೈತಿಕ ವೈಫಲ್ಯದ ಪ್ರಯತ್ನ ಇದಾಗಿದೆ. ಈ ಮೂಲಕ ಅಮೆರಿಕ ಮತ್ತು ಪಾಶ್ಚಿಮಾತ್ಯ ದೇಶಗಳು ಇಸ್ರೇಲ್ ಪ್ಯಾಲೇಸ್ತಿನಿಯರ ಮೇಲೆ ನಡೆಸುತ್ತಿರುವ ನರಮೇಧವನ್ನು ಬೆಂಬಲಿಸುತ್ತಿದೆ ಎಂದು ಕಿಡಿಕಾರಿದ್ದಾರೆ ಎಂದು ಕ್ಸಿನುವಾ ಸುದ್ದಿ ಸಂಸ್ಥೆ ವರದಿ ಮಾಡಿದೆ.
ಹಮಾಸ್ ನಿಯಂತ್ರಿತ ಪ್ರದೇಶಗಳ ಮೇಲೆ ದಾಳಿ ನಿಲ್ಲಿಸುವವರೆಗೆ ಇಸ್ರೇಲ್ಗೆ ಸಂಬಂಧಿತ ವಾಣಿಜ್ಯ ಹಡಗಿನ ಮೇಲೆ ಶಸ್ತ್ರಸಜ್ಜಿತ ದಾಳಿಯನ್ನು ಮುಂದುವರೆಸುವುದಾಗಿ ಹೌತಿ ನಾಯಕ ಒತ್ತಿ ಹೇಳಿದ್ದಾರೆ.
2023ರಲ್ಲಿ ನವೆಂಬರ್ನಲ್ಲಿ ಹೌತಿ ಉಗ್ರರು, ಕೆಂಪು ಸಮುದ್ರದಲ್ಲಿ ಸಂಚರಿಸುವ ಇಸ್ರೇಲ್ ಸಂಬಂಧಿತ 20ಕ್ಕೂ ವಾಣಿಜ್ಯ ಹಡಗುಗಳ ಮೇಲೆ ದಾಳಿ ನಡೆಸಿದ್ದಾರೆ. ಈ ದಾಳಿಗೆ ಅವರು ಹೌತಿ ಉಗ್ರರು, ಕ್ಷಿಪಣಿ, ಡ್ರೋನ್, ಫಾಸ್ಟ್ ಬೋಟ್ ಮತ್ತು ಹೆಲಿಕ್ಯಾಪ್ಟರ್ಗಳ ಮೇಲೆ ದಾಳಿ ನಡೆಸುತ್ತಿದೆ.
ಈ ದಾಳಿಯಿಂದಾಗಿ ಸಮುದ್ರದ ಸಂಚರಿಸುವ ನೌಕೆಗಳ ಭದ್ರತೆಗೆ ಧಕ್ಕೆ ಬಂದಿದ್ದು, ಇದು ಹಲವು ದೇಶಗಳಿಗೆ ಹೆಚ್ಚಿನ ವೆಚ್ಚಕ್ಕೆ ಕಾರಣವಾಗುತ್ತಿದೆ. ಈ ಹಿನ್ನಲೆ ಬುಧವಾರ 12 ಪಾಶ್ಚಿಮಾತ್ಯ ರಾಷ್ಟ್ರಗಳು ಹೌತಿ ಉಗ್ರರಿಗೆ ಕೆಂಪು ಸಮುದ್ರದ ಮೇಲೆ ದಾಳಿ ನಡೆಸದಂತೆ ಎಚ್ಚರಿಕೆಯನ್ನು ನೀಡಿದ್ದರು. ಈ ದಾಳಿಗಳು ಅಪರಾಧ, ಸಹಿಸಲಾಗದ ಮತ್ತು ಅಸ್ಥಿರಗೊಳಿಸುವ ಯತ್ನವಾಗಿದೆ.
ಜಾಗತಿಕ ವ್ಯಾಪಾರದ ಸುಮಾರು ಶೇ 15 ಪ್ರತಿಶತ ವಹಿವಾಟುಗಳು ಈ ಕೆಂಪು ಸಮುದ್ರದ ಜಲಮಾರ್ಗದ ಮೂಲಕ ನಡೆಯುತ್ತದೆ. ಪಾಶ್ಚಿಮಾತ್ಯದಿಂದ ಪೂರ್ವ ದೇಶಗಳಿಗೆ ಸಂಪರ್ಕಿಸುವ ಸುಲಭ ಮತ್ತು ಕಡಿಮೆ ವೆಚ್ಚದಾಯಕ ನಿರ್ಣಾಯಕ ಮಾರ್ಗ ಇದಾಗಿದೆ. ಇದೀಗ ಹೌತಿ ಉಗ್ರರ ದಾಳಿಯಿಂದಾಗಿ ಇದು ನಾವಿಕರ ಸ್ವಾತಂತ್ರ್ಯಕ್ಕೆ ಬೆದರಿಕೆ ಒಡ್ಡುತ್ತಿವೆ ಈ ಹಿನ್ನಲೆ ತಕ್ಷಣಕ್ಕೆ ಈ ದಾಳಿ ನಿಲ್ಲಿಸುವಂತೆ ಪಾಶ್ಚಿಮಾತ್ಯ ದೇಶಗಳು ತಿಳಿಸಿದೆ. ಆದರೆ, ಹೌತಿಗಳು ಮಾತ್ರ ಇಸ್ರೇಲ್ ಯುದ್ಧ ನಿಲ್ಲಿಸುವವರೆಗೆ ಈ ದಾಳಿಯು ಮುಂದುವರೆಯಲಿದೆ ಎಂದಿದೆ. (ಐಎಎನ್ಎಸ್)
ಇದನ್ನೂ ಓದಿ: ಕೆಂಪು ಸಮುದ್ರದಲ್ಲಿನ ದಾಳಿ ನಿಲ್ಲಿಸುವಂತೆ ಹೌತಿಗಳಿಗೆ ಪಾಶ್ಚಿಮಾತ್ಯ ರಾಷ್ಟ್ರಗಳ ಎಚ್ಚರಿಕೆ
