'ಅಧ್ಯಕ್ಷ ಜೋ ಬೈಡನ್​​​ ಸರ್ವಾಧಿಕಾರಿ' ಎಂದು ಟೀಕಿಸಿದ್ದಕ್ಕೆ ಅಮೆರಿಕದ ಸುದ್ದಿ ವಾಹಿನಿ ವಿಷಾದ

ಅಮೆರಿಕದ ಫಾಕ್ಸ್​ ನ್ಯೂಸ್​ ಮಾಧ್ಯಮ ಅಧ್ಯಕ್ಷರನ್ನು ಟೀಕಿಸುವ ಭರದಲ್ಲಿ 'ಸರ್ವಾಧಿಕಾರಿ' ಎಂದು ಜರಿದಿದ್ದಕ್ಕೆ ವಿಷಾದಿಸಿದೆ. ಇತ್ತ, ಟ್ರಂಪ್​ ತನ್ನ ವಿರುದ್ಧ ಕೇಳಿ ಬಂದ ಆರೋಪಗಳಲ್ಲಿ ಯಾವುದೇ ತಪ್ಪು ಮಾಡಿಲ್ಲ ಎಂದು ಸಮರ್ಥಿಸಿಕೊಂಡಿದ್ದಾರೆ.

ನ್ಯೂಯಾರ್ಕ್: ಅಮೆರಿಕದ ಪ್ರಮುಖ ಮಾಧ್ಯಮಗಳಲ್ಲಿ ಒಂದಾದ ಫಾಕ್ಸ್​ ನ್ಯೂಸ್​ ಅಧ್ಯಕ್ಷ ಜೋ ಬೈಡನ್​​​ರನ್ನು ಸರ್ವಾಧಿಕಾರಿ (ವನ್ನಾಬೇ ಡಿಕ್ಟೇಟರ್) ಎಂದು ಜರಿದು ಸುದ್ದಿ ಮಾಡಿದ್ದು, ಟೀಕೆಗೆ ಗುರಿಯಾಗಿದೆ. ಇದರ ಬೆನ್ನಲ್ಲೇ ಅಪಮಾನಕರ ಪದ ಪ್ರಯೋಗದ ಬಗ್ಗೆ ಸುದ್ದಿಸಂಸ್ಥೆ ವಿಷಾದ ವ್ಯಕ್ತಪಡಿಸಿದೆ.

ಅಮೆರಿಕ ಅಧ್ಯಕ್ಷೀಯ ಚುನಾವಣೆಗೆ ಸಿದ್ಧತೆಗಳು ನಡೆಯುತ್ತಿದ್ದು, ಮಾಜಿ ಅಧ್ಯಕ್ಷ ಡೊನಾಲ್ಡ್​ ಟ್ರಂಪ್​ ಕಣ ಪ್ರವೇಶ ರಂಗೇರಿಸಿದೆ. ಗೌಪ್ಯ ದಾಖಲೆ ಕದ್ದೊಯ್ದ ಆರೋಪದ ಮೇಲೆ ಮೊನ್ನೆಯಷ್ಟೇ ಟ್ರಂಪ್​ ಅವರನ್ನು ಬಂಧಿಸಿ, ವಿಚಾರಣೆ ನಡೆಸಲಾಗಿತ್ತು. ಇದರ ಬಳಿಕ ಚುನಾವಣಾ ಪ್ರಚಾರದಲ್ಲಿ ಭಾಗಿಯಾಗಿದ್ದ ಟ್ರಂಪರ್​ನ್ನು ಬೆಂಬಲಿಸುವ ಭರದಲ್ಲಿ ಫಾಕ್ಸ್​ ನ್ಯೂಸ್​ ಅಧ್ಯಕ್ಷ ಜೋ ಬೈಡನ್​​​​​​​​ರನ್ನು ಟೀಕಿಸಿ ವರದಿ ಭಿತ್ತರಿಸಿತ್ತು.

• Fox News chyron under split screen of Biden and Trump as Trump speaks live: "WANNABE DICTATOR SPEAKS AT THE WHITE HOUSE AFTER HAVING HIS POLITICAL RIVAL ARRESTED." pic.twitter.com/9eWZxhoXE4

  — Natasha Korecki (@natashakorecki) June 14, 2023 " class="align-text-top noRightClick twitterSection" data="

  Fox News chyron under split screen of Biden and Trump as Trump speaks live: "WANNABE DICTATOR SPEAKS AT THE WHITE HOUSE AFTER HAVING HIS POLITICAL RIVAL ARRESTED." pic.twitter.com/9eWZxhoXE4

  — Natasha Korecki (@natashakorecki) June 14, 2023

  ">

  Fox News chyron under split screen of Biden and Trump as Trump speaks live: "WANNABE DICTATOR SPEAKS AT THE WHITE HOUSE AFTER HAVING HIS POLITICAL RIVAL ARRESTED." pic.twitter.com/9eWZxhoXE4

  — Natasha Korecki (@natashakorecki) June 14, 2023

ಜೋ ಬೈಡನ್​​ ಮತ್ತು ಡೊನಾಲ್ಡ್​ ಟ್ರಂಪ್​ ಅವರು ಭಾಷಣ ಮಾಡುತ್ತಿದ್ದ ದೃಶ್ಯವನ್ನು ಎರಡು ಬದಿಯಲ್ಲಿ ತೋರಿಸುತ್ತಾ, 'ತನ್ನ ರಾಜಕೀಯ ಪ್ರತಿಸ್ಪರ್ಧಿಯ ಬಂಧನದ ಬಳಿಕ ದೇಶದ ಸರ್ವಾಧಿಕಾರಿಯಾಗಲು ಬಯಸುವ ವ್ಯಕ್ತಿ ಶ್ವೇತಭವನದಲ್ಲಿ ಮಾತನಾಡುತ್ತಿದ್ದಾರೆ' ಎಂದು ಅಡಿಬರಹ ನೀಡಿತ್ತು. ಇದೀಗ ಟೀಕೆಗೆ ಗುರಿಯಾಗಿದೆ.

ಪದಬಳಕೆಗೆ ವಿಷಾದಿಸಿದ ಸುದ್ದಿ ವಾಹಿನಿ: ಇದರ ಬೆನ್ನಲ್ಲೇ ಫಾಕ್ಸ್​ ನ್ಯೂಸ್​ ವಿಷಾದ ವ್ಯಕ್ತಪಡಿಸಿದೆ. ಅಧ್ಯಕ್ಷರ ವಿರುದ್ಧ ಬಳಸಲಾದ ಪದದ ಬಗ್ಗೆ ವಿಷಾದವಿದೆ. ಇದು ದುರುದ್ದೇಶಪೂರ್ವಕವಾಗಿ ಭಿತ್ತರಿಸಿದ್ದಲ್ಲ. ತಕ್ಷಣವೇ ಸರಿ ಮಾಡಲಾಗಿದೆ ಎಂದು ವಾಹಿನಿ ಸಮಜಾಯಿಷಿ ನೀಡಿದೆ. ಸರ್ವಾಧಿಕಾರಿ ಆಗಲು ಬಯಸುವ ಜೋ ಬೈಡನ್​​ ಎಂಬ ಸಾಲು ಟಿವಿ ಪರದೆಯ ಮೇಲೆ 27 ಸೆಕೆಂಡುಗಳ ಕಾಲ ಇತ್ತು ಎಂದು ವರದಿಯಾಗಿದೆ. ಇದು ಕಾರ್ಯಕ್ರಮದ ಮರುಪ್ರಸಾರದ ವೇಳೆಯೂ ಭಿತ್ತರವಾಗಿದೆ ಎಂದು ಹೇಳಲಾಗಿದೆ.

ಈ ಅಡಿಬರಹ ಟಿವಿ ಪರದೆ ಮೇಲೆ ಮೂಡಿ ಬಂದಿದ್ದು ಹೇಗೆ ಮತ್ತು ಯಾಕೆ ಎಂಬುದರ ಬಗ್ಗೆ ವಾಹಿನಿ ಯಾವುದೇ ಸ್ಪಷ್ಟನೆ ನೀಡಿಲ್ಲ. ಇದಲ್ಲದೇ ಫಾಕ್ಸ್​​ ನ್ಯೂಸ್​ ಮಾಜಿ ಅಧ್ಯಕ್ಷ ಡೊನಾಲ್ಡ್​​ ಟ್ರಂಪ್​ ಅವರ ಚುನಾವಣಾ ಪ್ರಸಾರದ ದೃಶ್ಯಗಳನ್ನು ನೇರಪ್ರಸಾರ ಮಾಡುವ ಏಕೈಕ ವಾಹಿನಿಯಾಗಿದೆ.

ಟ್ರಂಪ್ ಕೇಸಲ್ಲಿ ಬೈಡನ್​​ ಪಾತ್ರವಿಲ್ಲ: ಇತ್ತ, ಟ್ರಂಪ್​ ವಿರುದ್ಧ ಸರ್ಕಾರವೇ ಪಿತೂರಿ ನಡೆಸುತ್ತಿದೆ. ಹೀಗಾಗಿಯೇ ಗೌಪ್ಯ ದಾಖಲೆ ಕದ್ದೊಯ್ದ ಕೇಸ್​ನಲ್ಲಿ ಬೇಕಂತಲೇ ಅವರನ್ನು ಸಿಕ್ಕಿಸಲಾಗುತ್ತಿದೆ ಎಂಬ ಆರೋಪ ಕೇಳಿ ಬಂದ ಹಿನ್ನೆಲೆಯಲ್ಲಿ ಸ್ಪಷ್ಟನೆ ನೀಡಿರುವ ಶ್ವೇತಭವನ, ಟ್ರಂಪ್ ಅಕ್ರಮವಾಗಿ ರಹಸ್ಯ ದಾಖಲೆಗಳನ್ನು ಸಂಗ್ರಹಿಸಿದ್ದಾರೆ ಎಂದು ಆರೋಪಿಸಿರುವ ವಿಶೇಷ ಸಲಹೆಗಾರ ಜಾಕ್ ಸ್ಮಿತ್ ಅವರ ದೋಷಾರೋಪಣೆ ಹಿಂದೆ ಬಿಡೆನ್​ ಸರ್ಕಾರವಿಲ್ಲ. ಅಟಾರ್ನಿ ಜನರಲ್ ಮೆರಿಕ್ ಗಾರ್ಲ್ಯಾಂಡ್ ಅವರೊಂದಿಗೆ ಬಿಡೆನ್ ಯಾವುದೇ ಸಂಪರ್ಕವನ್ನೂ ಹೊಂದಿಲ್ಲ ಎಂದು ಸ್ಟಷ್ಟನೆ ನೀಡಿದೆ.

ತಪ್ಪು ಮಾಡಿಲ್ಲ- ಟ್ರಂಪ್: ಇತ್ತ ತಮ್ಮ ವಿರುದ್ಧ ಕೇಳಿಬಂದ ದಾಖಲೆ ಕಳವು ಆರೋಪದಲ್ಲಿ ತನ್ನ ತಪ್ಪಿಲ್ಲ. ತಾನು ಏನೂ ಮಾಡಿಲ್ಲ ಎಂದು ಟ್ರಂಪ್​ ತಮ್ಮ ವಾದವನ್ನು ಕೋರ್ಟ್​ ಮುಂದೆ ವಾದಿಸಿದ್ದಾರೆ. ಇದೇ ಪ್ರಕರಣದಲ್ಲಿ 2 ದಿನದ ಹಿಂದೆ ವಿಚಾರಣೆ ಹಾಜರಾದಾಗ ಬಂಧನವಾಗಿದ್ದರು ಎಂದು ಸುದ್ದಿಯಾಗಿತ್ತು. ಇದರ ಬೆನ್ನಲ್ಲೇ ಬಿಡುಗಡೆಯಾಗಿ ಅವರು ಮತ್ತೆ ಚುನಾವಣಾ ಪ್ರಚಾರದ ಕಾರ್ಯಗಳಲ್ಲಿ ತೊಡಗಿದ್ದಾರೆ.

ಇದನ್ನೂ ಓದಿ: Donald Trump: ಗೌಪ್ಯ ದಾಖಲೆ ಕದ್ದ ಕೇಸಲ್ಲಿ 2ನೇ ಸಲ ಡೊನಾಲ್ಡ್​ ಟ್ರಂಪ್​ ಬಂಧನ, ಬಿಡುಗಡೆ?