ಎಲಾನ್​ ಮಸ್ಕ್​ ವಿಶ್ವದ ಕುಬೇರ; ಮುಖೇಶ್​ ಅಂಬಾನಿ ಭಾರತದ ಸಿರಿವಂತ

ಅಮೆರಿಕದ ಖ್ಯಾತ ನಿಯತಕಾಲಿಕೆ ಫೋರ್ಬ್ಸ್ ಬಿಡುಗಡೆ ಮಾಡುವ ವಿಶ್ವದ ಶ್ರೀಮಂತರ ಪಟ್ಟಿಯಲ್ಲಿ ಟೆಸ್ಲಾ ಸಿಇಒ ಎಲಾನ್​ ಮಸ್ಕ್​ ವಿಶ್ವದ ನಂ.1 ಶ್ರೀಮಂತರಾಗಿ ಹೊರಹೊಮ್ಮಿದ್ದಾರೆ. 2ನೇ ಸ್ಥಾನದಲ್ಲಿರುವ ಅಮೆಜಾನ್​ ಸಂಸ್ಥಾಪಕ ಜೆಫ್​ ಬೆಜೋಸ್​ಗಿಂತ 100 ಬಿಲಿಯನ್​ ಡಾಲರ್​ಗೂ ಅಧಿಕ ಆಸ್ತಿ ಮಸ್ಕ್​ ಹೊಂದಿದ್ದಾರೆ.

ನವದೆಹಲಿ: ಟೆಸ್ಲಾ ಮತ್ತು ಸ್ಪೇಸ್‌ಎಕ್ಸ್ ಸಿಇಒ ಎಲಾನ್ ಮಸ್ಕ್ ಈ ವರ್ಷವೂ ವಿಶ್ವದ ಅತ್ಯಂತ ಶ್ರೀಮಂತ ವ್ಯಕ್ತಿಯಾಗಿ ಹೊರಹೊಮ್ಮಿದ್ದಾರೆ. 274.3 ಬಿಲಿಯನ್​ ಡಾಲರ್​ ಸಂಪತ್ತನ್ನು ಇವರು ತಮ್ಮದಾಗಿಸಿಕೊಂಡಿದ್ದಾರೆ. ವಿಶ್ವದ ಶ್ರೀಮಂತ ವ್ಯಕ್ತಿಗಳಲ್ಲಿ ಒಬ್ಬರಾದ ಅಮೆಜಾನ್​ ಸಂಸ್ಥಾಪಕ ಜೆಫ್​ ಬೆಜೋಸ್​ ಅವರಿಗಿಂತ 100 ಕೋಟಿಗೂ ಅಧಿಕ ಸಂಪತ್ತನ್ನು ಮಸ್ಕ್‌ ಹೊಂದಿದ್ದಾರೆ.

2022ರ ಫೋರ್ಬ್ಸ್ ಬಿಲಿಯನೇರ್‌ಗಳ ಪಟ್ಟಿಯ ಪ್ರಕಾರ, ಎಲಾನ್​ ಮಸ್ಕ್‌ರ ನಿವ್ವಳ ಮೌಲ್ಯವು 270 ಬಿಲಿಯನ್​ ಡಾಲರ್​ಗೆ ಏರಿದೆ. ಇದು ಜೆಫ್​ ಬೆಜೋಸ್‌ನ ಮೌಲ್ಯವಾದ 180.2 ಬಿಲಿಯನ್​ ಡಾಲರ್​ಗಿಂತ ಸುಮಾರು 100 ಬಿಲಿಯನ್​ ಡಾಲರ್​ ಹೆಚ್ಚು. ಕೋವಿಡ್ ಸಾಂಕ್ರಾಮಿಕದ ಹೊಡೆತದ ಬಳಿಕ ಅತಿ ಹೆಚ್ಚು ನಷ್ಟ ಹೊಂದಿದವರಲ್ಲಿ ಎಲಾನ್​ ಮಸ್ಕ್​ ಕೂಡ ಒಬ್ಬರಾಗಿದ್ದರು.

2020 ರ ಆರಂಭದಲ್ಲಿ ಮಸ್ಕ್​ ಕೇವಲ 26.6 ಬಿಲಿಯನ್​ ಡಾಲರ್​ ಮೌಲ್ಯ ಸಂಪತ್ತನ್ನು ಹೊಂದಿದ್ದರು. ಈ ವರ್ಷ ಅವರ ಸಂಪತ್ತು ಏಕಾಏಕಿ 110 ಬಿಲಿಯನ್​ ಡಾಲರ್​ಗಳಷ್ಟು ವೃದ್ಧಿಸಿದೆ. ಇದು ಫೋರ್ಬ್ಸ್ ಇತಿಹಾಸದಲ್ಲಿಯೇ ಒಂದೇ ವರ್ಷದಲ್ಲಿ ದಾಖಲಾದ ಅತ್ಯಧಿಕ ಸಂಪತ್ತಾಗಿದೆ.

• @Forbes REAL TIME TOP 10 BILLIONAIRES LIST:#ForbesBillionaires #Bloomberg #gautamadani #adanifoundation #mukeshambani #reliance #ElonMuskTwitter #India #Gujarat pic.twitter.com/grvFmpUBKg

  — Priyank Pandey (@Priyank03481425) April 11, 2022 " class="align-text-top noRightClick twitterSection" data="

  @Forbes REAL TIME TOP 10 BILLIONAIRES LIST:#ForbesBillionaires #Bloomberg #gautamadani #adanifoundation #mukeshambani #reliance #ElonMuskTwitter #India #Gujarat pic.twitter.com/grvFmpUBKg

  — Priyank Pandey (@Priyank03481425) April 11, 2022

  ">

@Forbes REAL TIME TOP 10 BILLIONAIRES LIST:#ForbesBillionaires #Bloomberg #gautamadani #adanifoundation #mukeshambani #reliance #ElonMuskTwitter #India #Gujarat pic.twitter.com/grvFmpUBKg

— Priyank Pandey (@Priyank03481425) April 11, 2022

ಇನ್ನು ಎಲ್​ವಿಎಂಎಚ್​ ಸಿಇಒ ಬರ್ನಾರ್ಡ್ ಅರ್ನಾಲ್ಟ್ ಅವರಿಗಿಂತ 115 ಬಿಲಿಯನ್​ ಡಾಲರ್​ನಷ್ಟು ಮುಂದಿದ್ದಾರೆ. ಬರ್ನಾರ್ಡ್​ 165.5 ಬಿಲಿಯನ್​ ಡಾಲರ್​ ಸಂಪತ್ತನ್ನು ಹೊಂದಿ ವಿಶ್ವದ ಮೂರನೇ ಶ್ರೀಮಂತ ವ್ಯಕ್ತಿಯಾಗಿದ್ದಾರೆ. ಅವರು ಮೈಕ್ರೋಸಾಫ್ಟ್ ಸಂಸ್ಥಾಪಕರಾದ ಬಿಲ್ ಗೇಟ್ಸ್ (134.2 ಬಿಲಿಯನ್​ ಡಾಲರ್​) ಮತ್ತು ಸ್ಟೀವ್ ಬಾಲ್ಮರ್ (97 ಬಿಲಿಯನ್​ ಡಾಲರ್​) ಅವರು ನಂತರದ ಸ್ಥಾನದಲ್ಲಿದ್ದಾರೆ.

ಮುಖೇಶ್​ ಅಂಬಾನಿ ಭಾರತದ ಶ್ರೀಮಂತ: ಫೋರ್ಬ್ಸ್ ಪಟ್ಟಿಯಲ್ಲಿ ಭಾರತದ ರಿಲಯನ್ಸ್​ ಕಂಪನಿ ಮುಖ್ಯಸ್ಥ ಮುಖೇಶ್​ ಅಂಬಾನಿ ಅಗ್ರ 10 ಶ್ರೀಮಂತರಲ್ಲಿ ಕಾಣಿಸಿಕೊಂಡಿದ್ದಾರೆ. 10 ನೇ ಸ್ಥಾನದಲ್ಲಿರುವ ಮುಖೇಶ್​ ಅಂಬಾನಿ ಅವರು ಭಾರತದ ಶ್ರೀಮಂತರಲ್ಲಿ ಪ್ರಥಮರಾಗಿದ್ದಾರೆ. ಗೌತಮ್​ ಅದಾನಿ 11 ಸ್ಥಾನದಲ್ಲಿದ್ದು, ದೇಶದ 2ನೇ ಶ್ರೀಮಂತರಾಗಿದ್ದಾರೆ.

ವಿಶ್ವಕ್ಕೆ ಅಮೆರಿಕನ್ನರೇ ಸಿರಿವಂತರು: ಪಟ್ಟಿಯಲ್ಲಿ ಇಡೀ ವಿಶ್ವದಲ್ಲಿಯೇ ಅಮೆರಿಕನ್ನರು ಶ್ರೀಮಂತರಾಗಿದ್ದಾರೆ. ಅಲ್ಲಿನ ಶ್ರೀಮಂತ ವ್ಯಕ್ತಿಗಳು 4.7 ಟ್ರಿಲಿಯನ್​ ಡಾಲರ್​ ಸಂಪತ್ತನ್ನು ಹೊಂದುವ ಮೂಲಕ ಅಮೆರಿಕ ಶ್ರೀಮಂತ ರಾಷ್ಟ್ರವಾಗಿದೆ. ಚೀನಾ ದೇಶ ಎರಡನೇ ಶ್ರೀಮಂತ ರಾಷ್ಟ್ರವಾಗಿದೆ. ಇದು 2.3 ಟ್ರಿಲಿಯನ್​ ಡಾಲರ್​ ಆಸ್ತಿ ಹೊಂದಿದೆ.

ಇದನ್ನೂ ಓದಿ: ಪಾಕ್​ ನೂತನ ಪ್ರಧಾನಿಯಾಗಿ ಶೆಹಬಾಜ್‌ ಷರೀಫ್‌ ಅವಿರೋಧ ಆಯ್ಕೆ: ಇಂದೇ ಪ್ರಮಾಣ ವಚನ