ಕಂಪಾಲಾ (ಉಗಾಂಡ): ಉಗಾಂಡದಲ್ಲಿ ಶಾಲೆಯೊಂದರ ಮೇಲೆ ಶಂಕಿತ ಬಂಡುಕೋರರ ದಾಳಿ ಮಾಡಿದ್ದು, ಇದರಲ್ಲಿ 38 ವಿದ್ಯಾರ್ಥಿಗಳು ಸೇರಿದಂತೆ 41 ಮಂದಿ ಸಾವನ್ನಪ್ಪಿದ್ದಾರೆ. ಮೃತರಲ್ಲಿ 38 ವಿದ್ಯಾರ್ಥಿಗಳೊಂದಿಗೆ ಓರ್ವ ಶಾಲಾ ಸಿಬ್ಬಂದಿ, ಸ್ಥಳೀಯ ಸಮುದಾಯದ ಇಬ್ಬರು ಸದಸ್ಯರು ಸೇರಿದ್ದಾರೆ ಎಂದು ಎಂಪೊಂಡ್ವೆ-ಲುಬಿರಿಹಾ ಮೇಯರ್ ಸೆಲೆವೆಸ್ಟ್ ಮಾಪೋಜ್ ತಿಳಿಸಿದ್ದಾರೆ.
ಶುಕ್ರವಾರ ರಾತ್ರಿ ಈ ದಾಳಿ ನಡೆದಿದ್ದು, ನಂತರ ಸಾಕಷ್ಟು ಸಂಖ್ಯೆಯ ಜನರನ್ನು ಬಂಡುಕೋರರು ಅಪಹರಿಸಿ ಗಡಿಯ ಮೂಲಕ ಕಾಂಗೋಗೆ ಓಡಿಹೋಗಿದ್ದಾರೆ. ಬಂಡುಕೋರರು ವಸತಿ ನಿಲಯಕ್ಕೆ ಬೆಂಕಿ ಹಚ್ಚಿ ಪರಿಣಾಮ ಕೆಲವು ವಿದ್ಯಾರ್ಥಿಗಳು ಮಾರಣಾಂತಿಕ ಸುಟ್ಟಗಾಯಗಳಿಂದ ಮೃತಪಟ್ಟಿದ್ದಾರೆ. ಅಲ್ಲದೇ, ಮಕ್ಕಳ ಮೇಲೆ ಗುಂಡು ಹಾರಿಸಿದ್ದಾರೆ ಮತ್ತು ಮಾರಕಾಸ್ತ್ರಗಳಿಂದ ದಾಳಿ ಕತ್ತರಿಸಿದ್ದಾರೆ ಎಂದು ಮೇಯರ್ ಮಾಪೋಜ್ ಹೇಳಿದ್ದಾರೆ.
ಬಾಷ್ಪಶೀಲ ಪೂರ್ವ ಕಾಂಗೋದಲ್ಲಿನ ತಮ್ಮ ನೆಲೆಗಳಿಂದ ಕೆಲ ವರ್ಷಗಳಿಂದ ಅಲೈಡ್ ಡೆಮಾಕ್ರಟಿಕ್ ಪಡೆಗಳ (ಎಡಿಎಫ್) ಬಂಡುಕೋರರು ದಾಳಿ ನಡೆಸುತ್ತಿದ್ದಾರೆ. ಶುಕ್ರವಾರ ರಾತ್ರಿ ಗಡಿ ಪಟ್ಟಣವಾದ ಎಂಪೊಂಡ್ವೆಯಲ್ಲಿರುವ ಲುಬಿರಿಹಾ ಮಾಧ್ಯಮಿಕ ಶಾಲೆಯ ಮೇಲೆ ಈ ಭೀಕರ ದಾಳಿ ಮಾಡಿದ್ದಾರೆ. ಈ ಶಾಲೆಯು ಖಾಸಗಿ ಒಡೆತನದಲ್ಲಿದೆ. ಇದು ಕಾಂಗೋ ಗಡಿಯಿಂದ ಸುಮಾರು 2 ಕಿಲೋಮೀಟರ್ ದೂರದಲ್ಲಿರುವ ಕಾಸೆಸೆಯ ಉಗಾಂಡಾ ಜಿಲ್ಲೆಯಲ್ಲಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಇದನ್ನೂ ಓದಿ: Sudan War: ಸುಡಾನ್ನಲ್ಲಿ ಮಾನವೀಯ ಬಿಕ್ಕಟ್ಟು ಮತ್ತಷ್ಟು ಉಲ್ಬಣ
ಶಾಲೆಯ ನಿಲಯಕ್ಕೆ ಬೆಂಕಿ ಹಚ್ಚಲಾಗಿದ್ದು, ಆಹಾರವನ್ನು ಲೂಟಿ ಮಾಡಲಾಗಿದೆ. ಇಲ್ಲಿಯವರೆಗೆ ಶಾಲೆಯಲ್ಲಿ ಬಿದ್ದ 25 ಶವಗಳನ್ನು ವಶಪಡಿಸಿಕೊಳ್ಳಲಾಗಿದೆ. ಇನ್ನೂ ಎಂಟು ಮಂದಿಯ ಸ್ಥಿತಿ ಗಂಭೀರವಾಗಿದೆ. ಉಗಾಂಡಾದ ಪಡೆಗಳು ಕಾಂಗೋದ ವಿರುಂಗಾ ರಾಷ್ಟ್ರೀಯ ಉದ್ಯಾನವನದಲ್ಲಿ ದಾಳಿಕೋರರನ್ನು ಪತ್ತೆ ಹಚ್ಚಿವೆ. ಅಲ್ಲದೇ, ಬಂಡುಕೋರರಿಂದ ಅಪಹರಣಕ್ಕೊಳಗಾದವರನ್ನು ರಕ್ಷಿಸಲು ಭದ್ರತಾ ಪಡೆಗಳು ಕ್ರಮ ವಹಿಸಿವೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.
ಅಲೈಡ್ ಡೆಮಾಕ್ರಟಿಕ್ ಪಡೆಗಳು ಇತ್ತೀಚಿನ ವರ್ಷಗಳಲ್ಲಿ ಪೂರ್ವ ಕಾಂಗೋದ ದೂರದ ಭಾಗಗಳಲ್ಲಿ ನಾಗರಿಕರನ್ನು ಗುರಿಯಾಗಿಸಿಕೊಂಡು ಅನೇಕ ದಾಳಿಗಳನ್ನು ನಡೆಸುತ್ತಿದೆ ಎಂದು ಆರೋಪಿಸಲಾಗಿದೆ. 1986ರಿಂದ ಅಧಿಕಾರದಲ್ಲಿರುವ ಉಗಾಂಡದ ಅಧ್ಯಕ್ಷ ಯೊವೆರಿ ಮುಸೆವೆನಿ ಅವರ ಆಡಳಿತವನ್ನು ಎಡಿಎಫ್ ದೀರ್ಘಕಾಲದಿಂದ ವಿರೋಧಿಸಿದೆ. ಈ ಗುಂಪನ್ನು 1990ರ ದಶಕದ ಆರಂಭದಲ್ಲಿ ಕೆಲವು ಉಗಾಂಡಾದ ಮುಸ್ಲಿಮರು ಸ್ಥಾಪಿಸಿದ್ದರು. ಇಸ್ಲಾಮಿಕ್ ಸ್ಟೇಟ್ ಗುಂಪಿನೊಂದಿಗೆ ಸಂಬಂಧವನ್ನು ಹೊಂದಿದೆ. 1998ರಲ್ಲಿ 80 ವಿದ್ಯಾರ್ಥಿಗಳನ್ನು ಎಡಿಎಫ್ ಕಗ್ಗೊಲೆ ಮಾಡಿತ್ತು.
ಇದನ್ನೂ ಓದಿ: ಗ್ರೀಸ್‌ ದೋಣಿ ದುರಂತದಲ್ಲಿ 78 ಜನರ ಸಾವು: 500 ಕ್ಕೂ ಅಧಿಕ ಮಂದಿ ನಾಪತ್ತೆ
