ಲಂಡನ್( ಯುಕೆ) : ಮಹಾಮಾರಿ ಕೊರೊನಾ ವೈರಸ್ಗೆ ಲಂಡನ್ ತತ್ತರಿಸಿ ಹೋಗಿದ್ದು, ಹೀಗಾಗಿ ಇಂದಿನಿಂದ ಲಾಕ್ಡೌನ್ 2 ಜಾರಿಗೊಳಿಸಲಾಗಿದೆ. ಇದೀಗ ಈ ಹಿಂದಿನಿಗಿಂತಲೂ ಕಠಿಣ ಕ್ರಮ ಜಾರಿಗೊಳಿಸಲು ಅಲ್ಲಿನ ಸರ್ಕಾರ ನಿರ್ಧರಿಸಿದೆ.
ವಿವಿಧ ದೇಶಗಳು ಕೊರೊನಾ ವೈರಸ್ನಿಂದ ಹೊರಬರುತ್ತಿರುವ ಮಧ್ಯೆ ಯಕೆಯಲ್ಲಿ ಲಕ್ಷಾಂತರ ಜನರು ಕೊರೊನಾ ಸೋಂಕಿಗೊಳಗಾಗಿರುವ ಕಾರಣ ಇದೀಗ ಕಠಿಣ ಲಾಕ್ಡೌನ್ ಜಾರಿಗೊಳಿಸಲು ನಿರ್ಧರಿಸಲಾಗಿದ್ದು, ವೆಲ್ಸ್ನಲ್ಲಿ ಸಂಪೂರ್ಣವಾಗಿ ವ್ಯಾಪಾರ ಸ್ಥಗಿತಗೊಳ್ಳಲಿದೆ.
ಪ್ರಮುಖವಾಗಿ ಗ್ರೇಟರ್ ಮ್ಯಾಂಚೆಸ್ಟರ್, ವೇಲ್ಸ್, ದಕ್ಷಿಣ ಯಾರ್ಕ್ಷೈರ್ನಲ್ಲಿ ಕಠಿಣ ಲಾಕ್ಡೌನ್ ಜಾರಿಗೊಳ್ಳಲಿದೆ. ಮನೆಯಿಂದ ಹೊರಬರದಂತೆ ಸೂಚನೆ ನೀಡಲಾಗಿದ್ದು, ಪಬ್, ಬಾರ್ ಸಂಪೂರ್ಣವಾಗಿ ಮುಚ್ಚಲಾಗಿದೆ. ಹಾಲ್ಗಳು, ಕ್ಯಾಸಿನೊ, ಬೆಟ್ಟಿಂಗ್ ಅಂಗಡಿ ಹಾಗೂ ಸಾಫ್ಟ್ ಪ್ಲೇ ಕೇಂದ್ರ ಬಂದ್ ಆಗಲಿವೆ.
ಖಾಸಗಿ ಉದ್ಯಾನವನ, ಹೊರಗಡೆ ಸೇರುವುದು ಜತೆಗೆ ಬೇರೆ ಸ್ಥಳಗಳಿಗೆ ಪ್ರಯಾಣ ಮಾಡುವುದನ್ನ ಸಂಪೂರ್ಣವಾಗಿ ನಿಷೇಧಿಸಲಾಗಿದೆ. ಹೀಗಾಗಿ ಮುಂದಿನ 17 ದಿನಗಳ ಕಾಲ ಜನರು ಮನೆಯಲ್ಲೇ ಕಾಲ ಕಳೆಯಬೇಕಾಗಿದೆ.
ಜನರು ತಮ್ಮ ಮನೆಯಿಂದ ಹೊರಬರುವುದು ಸಂಪೂರ್ಣ ನಿಷೇಧ, ವ್ಯಾಪಾರಿಗಳಿಗೆ ನಿರ್ಬಂಧ, ರೆಸ್ಟೋರೆಂಟ್, ಪಬ್ ರಾತ್ರಿ 10ರಿಂದ ಬೆಳಗ್ಗೆ 5ರವರೆಗೆ ಬಂದ್,ಆಹಾರ್ ಆನ್ಲೈನ್ ಮೂಲಕ ಆರ್ಡರ್ ಮಾಡಿದ್ರೆ ರಾತ್ರಿ 10ರ ನಂತರ ಮಾರಾಟಕ್ಕೆ ಅವಕಾಶ. ಆದರೆ ಶಾಲೆ ಮತ್ತು ವಿಶ್ವವಿದ್ಯಾಲಯ ಓಪನ್ ಮಾಡಲಾಗಿದೆ. ಪೂಜಾ ಸ್ಥಳ ಓಪನ್ ಇರಲಿದ್ದು, ಆರು ಜನರು ಪ್ರವೇಶಕ್ಕೆ ಅನುಮತಿ. ಲಂಡನ್ನಲ್ಲಿ ಸದ್ಯ 8,13,451 ಕೋವಿಡ್ ಕೇಸ್ಗಳಿದ್ದು, ಇದರಲ್ಲಿ ನಿನ್ನೆ ಒಂದೇ ದಿನ 21,242 ಕೇಸ್ಗಳು ಸಿಕ್ಕಿದ್ದು, 189 ಜನರು ಸಾವನ್ನಪ್ಪಿದ್ದಾರೆ.
