ಮೊಗಾಡಿಶು (ಸೊಮಾಲಿಯಾ) : ಸೊಮಾಲಿಯಾದ ರಾಜಧಾನಿ ಮೊಗಾಡಿಶು ಪೊಲೀಸ್ ಅಕಾಡೆಮಿ ಬಳಿ ಆತ್ಮಾಹುತಿ ಬಾಂಬ್ ದಾಳಿ ನಡೆದಿದೆ. ಸ್ಫೋಟದಲ್ಲಿ ಐವರು ಮೃತಪಟ್ಟು ಎಂಟು ಜನ ಗಾಯಗೊಂಡಿದ್ದಾರೆ ಎಂದು ತಿಳಿದು ಬಂದಿದೆ.
ಮಂಗಳವಾರ ಸ್ಫೋಟ ಸಂಭವಿಸಿದ್ದು ಪೊಲೀಸರು ಆಗಾಗ್ಗೆ ಭೇಟಿ ನೀಡಲಾಗುತ್ತಿದ್ದ ಇಲ್ಲಿನ ರೆಸ್ಟೋರೆಂಟ್ ಅನ್ನು ಗುರಿಯಾಗಿಸಿಕೊಂಡು ಈ ದಾಳಿ ಮಾಡಲಾಗಿದೆ ಎಂದು ವಕ್ತಾರ ಸಾದಿಕ್ ಅದಾನ್ ಅಲಿ ಖಚಿತಪಡಿಸಿದ್ದಾರೆ.
ಸೊಮಾಲಿಯಾ ಮೂಲದ ಅಲ್-ಖಾಯಿದಾ ಸಂಪರ್ಕದ ಅಲ್-ಶಬಾಬ್ ಉಗ್ರಗಾಮಿ ಗುಂಪಿನದೇ ಕೃತ್ಯ ಎಂದು ಸೊಮಾಲಿಯಾ ಸರ್ಕಾರ ಆರೋಪಿಸಿದೆ. ಈ ಉಗ್ರಗಾಮಿ ಗುಂಪು ಸೊಮಾಲಿಯಾದ ಮೊಗಾಡಿಶು ಪ್ರದೇಶವನ್ನೇ ಹೆಚ್ಚಾಗಿ ಗುರಿಯಾಗಿಸಿಕೊಂಡಿದೆ.
ಅಲ್ ಖೈದಾಗೆ ನಿಷ್ಠೆ ತೋರಿದ ಅಲ್ ಶಬಾಬ್ ಎಂಬ ಭಯೋತ್ಪಾದಕ ಸಂಘಟನೆಯು ಮೊಗದಿಶುದಲ್ಲಿ ಪದೇ ಪದೇ ದಾಳಿ ನಡೆಸುತ್ತಲೇ ಇದೆ. ಮಧ್ಯ ಮತ್ತು ದಕ್ಷಿಣ ಸೊಮಾಲಿಯಾದ ಕೆಲವು ಭಾಗಗಳಲ್ಲಿ ಈ ಸಂಘಟನೆ ತನ್ನ ನಿಯಂತ್ರಣವನ್ನು ಹೊಂದಿದೆ.
