ಟೋಕಿಯೋ(ಜಪಾನ್): ಮಹಿಳೆಯೊಬ್ಬಳು ಗಂಟಲಲ್ಲಿ ಏನೋ ಕಿರಿಕಿರಿಯಾಗುತ್ತಿದೆ ಎಂದು ವೈದ್ಯರಲ್ಲಿ ಚಿಕಿತ್ಸೆಗೆ ತೆರಳಿದ್ದಾರೆ. ಈ ವೇಳೆ ವೈದ್ಯರು ಚಿಕಿತ್ಸೆ ನೀಡಿದಾಗ ಆಕೆಗೆ ನಂಬಲಾಸಾಧ್ಯ ಎಂಬಂತೆ ಗಂಟಲ ನೋವಿಗೆ ಕಾರಣ ತಿಳಿದು ಬಂದಿದೆ.
25 ವರ್ಷದ ಮಹಿಳೆಯೊಬ್ಬಳು ಕೆಲ ದಿನಗಳ ಹಿಂದೆ ವಿವಿಧ ರೀತಿಯ ಸೆಶಿಮಿ(ಒಂದು ಬಗೆಯ ಆಹಾರ) ಸೇವಿಸಿದ್ದಳು. ಆ ಬಳಿಕ ಗಂಟಲ ನೋವಿನ ಸಮಸ್ಯೆ ಬಂದಿತ್ತಂತೆ. ಹೀಗಾಗಿ ಟೋಕಿಯೋದ ಸೇಂಟ್ ಲ್ಯೂಕ್ಸ್ ಅಂತಾರಾಷ್ಟ್ರೀಯ ಆಸ್ಪತ್ರೆಯಲ್ಲಿ ದೈಹಿಕ ಪರೀಕ್ಷೆಗೆ ಒಳಗಾಗಿದ್ದಾಳೆ. ಈ ವೇಳೆ, ಆಶ್ಚರ್ಯ ಎಂಬಂತೆ ಮಹಿಳೆಯ ಗಂಟಲಿನ ಎಡ ಭಾಗದ ಒಳಗೆ ಸುಮಾರು 1.5 ಇಂಚು ಉದ್ದದ ಕಪ್ಪು ಬಣ್ಣದ ಜೀವಂತ ಹುಳವೊಂದು ಪತ್ತೆಯಾಗಿದೆ. ಇದನ್ನು ನೋಡಿ ಮಹಿಳೆ ಮತ್ತು ವೈದ್ಯರು ಇಬ್ಬರೂ ಮೂಗಿನ ಮೇಲೆ ಬೆರಳಿಟ್ಟಿದ್ದಾರೆ. ಬಳಿಕ ವೈದ್ಯರು ವೈದ್ಯಕೀಯ ಸಾಧನಗಳನ್ನು ಬಳಸಿ ಹುಳವನ್ನು ಯಶಸ್ವಿಯಾಗಿ ಹೊರತೆಗೆದಿದ್ದಾರೆ.
ಈ ಮಾಹಿತಿಯು ದಿ ಅಮೆರಿಕನ್ ಸೊಸೈಟಿ ಆಫ್ ಟ್ರಾಪಿಕಲ್ ಮೆಡಿಸಿನ್ ಆ್ಯಂಡ್ ಹೈಜೀನ್ನ ಲ್ಲಿ ಪ್ರಕಟಗೊಂಡಿದೆ.
