ಬೀಜಿಂಗ್(ಚೀನಾ): ಚೀನಾದಲ್ಲಿ ಅಣ್ಣನನ್ನೇ ತಂಗಿಯೊಬ್ಬಳು ಮದುವೆಯಾಗಿರುವ ಘಟನೆ ನಡೆದಿರುವುದು ಬೆಳಕಿಗೆ ಬಂದಿದ್ದು, ಮಾರ್ಚ್ 31ರಂದು ಇಲ್ಲಿನ ಜಿಯಾಂಗ್ಸು ಪ್ರಾಂತ್ಯದಲ್ಲಿ ವಿಚಿತ್ರ ಕಾರ್ಯಕ್ರಮ ನಡೆದಿದೆ.
ಏನಿದು ಘಟನೆ?: ಕಳೆದ 20 ವರ್ಷಗಳ ಹಿಂದೆ ಮಹಿಳೆಯೊಬ್ಬಳು ತನ್ನ ಮಗಳನ್ನ ಕಳೆದುಕೊಂಡಿದ್ದಳು. ಆ ಮಗು ಅನಾಥಾಶ್ರಮ ಸೇರಿದ್ದರಿಂದ ಬೇರೆ ದಂಪತಿ ದತ್ತು ಪಡೆದುಕೊಂಡಿದ್ದರು. ಮಗಳನ್ನ ಕಳೆದುಕೊಂಡಿದ್ದ ಮಹಿಳೆ ತನ್ನ ಆಸರೆಗೋಸ್ಕರ ಗಂಡು ಮಗುವೊಂದನ್ನ ದತ್ತು ಪಡೆದುಕೊಂಡಿದ್ದಳು. ಇದೀಗ ಆತನಿಗೆ ಮದುವೆ ಮಾಡುವ ಉದ್ದೇಶದಿಂದ ವರ ನೋಡಿ, ಫಿಕ್ಸ್ ಮಾಡಿದ್ದಾರೆ.
ಮಗನ ಕೈ ಹಿಡಿಯುತ್ತಿರುವುದು ಕಳೆದು ಹೋಗಿರುವ ಮಗಳು ಎಂಬ ಮಾಹಿತಿ ಮದುವೆ ದಿನ ಮಹಿಳೆಗೆ ಗೊತ್ತಾಗಿದೆ. ಈ ವೇಳೆ, ಆಕೆ ಕಣ್ಣೀರು ಹಾಕಿದ್ದು, ಕಳೆದ ಹೋದ ಮಗಳು ಸಿಕ್ಕಳು ಎಂಬ ಖುಷಿಯಲ್ಲಿ ಸಂಭ್ರಮಿಸಿದ್ದಾಳೆ.
ಇದನ್ನೂ ಓದಿ: ಕೇಂದ್ರ ಸರ್ಕಾರದ ಹೊಸ ಆದೇಶ: 45 ವರ್ಷ ಮೇಲ್ಪಟ್ಟ ನೌಕರರು ಲಸಿಕೆ ಹಾಕಿಸಿಕೊಳ್ಳಲು ಸೂಚನೆ
ಮಗಳು ಪತ್ತೆಯಾಗಿದ್ದು ಹೇಗೆ?: ಕಳೆದು ಹೋಗಿದ್ದ ಮಗಳ ಕೈಯಲ್ಲಿ ಮಚ್ಚೆ ಇತ್ತು. ಇದೀಗ ದತ್ತು ಮಗನ ಮದುವೆ ಮಾಡಿಕೊಳ್ಳುತ್ತಿರುವ ಯುವತಿ ಕೈಯಲ್ಲಿ ಮಚ್ಚೆ ಇರುವುದನ್ನ ನೋಡಿದ್ದಾಳೆ. ಇದರ ಬಗ್ಗೆ ಖಚಿತ ಮಾಡಿಕೊಳ್ಳುವ ಉದ್ದೇಶದಿಂದ ಯುವತಿಯ ಹೆತ್ತವರನ್ನ ಸಂಪರ್ಕಿಸಿದ್ದಾಳೆ. ಆ ವೇಳೆ ಕಳೆದ 20 ವರ್ಷಗಳ ಹಿಂದೆ ಆಕೆಯನ್ನ ದತ್ತು ಪಡೆದುಕೊಂಡಿದ್ದಾಗಿ ಹೇಳಿದ್ದಾರೆ. ಆಗ ದತ್ತು ಮಗನ ಕೈಹಿಡಿಯುತ್ತಿರುವುದು ಕಳೆದು ಹೋಗಿರುವ ಮಗಳು ಎಂಬ ಮಾಹಿತಿ ಕನ್ಫರ್ಮ್ ಆಗಿದೆ. ಜತೆಗೆ ಮದುವೆಗೆ ಎರಡು ಕುಟುಂಬದವರು ಒಪ್ಪಿಗೆ ಸೂಚಿಸಿದ್ದಾರೆ.
ಮಹಿಳೆ ಗಂಡು ಮಗುವನ್ನ ದತ್ತು ಪಡೆದುಕೊಂಡಿದ್ದರಿಂದ ಈ ಮದುವೆಗೆ ಯಾವುದೇ ರೀತಿಯ ಆಕ್ಷೇಪ ವ್ಯಕ್ತವಾಗಿಲ್ಲ ಎಂದು ಅವರು ಇದೀಗ ತಿಳಿಸಿದ್ದಾರೆ. ಇನ್ನು ಕಾಣೆಯಾಗಿದ್ದ ಮಗಳು ಹುಡುಕುವ ಎಲ್ಲ ಭರವಸೆ ಕಳೆದುಹೋದ ನಂತರ ಮಹಿಳೆ ಗಂಡು ಮಗು ದತ್ತು ಪಡೆದುಕೊಂಡಿದ್ದಳು.
