ಇರಾಕ್ ರಾಜಧಾನಿಯಲ್ಲಿನ ಅಮೆರಿಕ ರಾಯಭಾರ ಕಚೇರಿ ಬಳಿ ರಾಕೆಟ್ ದಾಳಿ

ಇರಾಕ್​​ ರಾಜಧಾನಿ ಬಾಗ್ದಾದ್​ನ ಯುಎಸ್ ರಾಯಭಾರ ಕಚೇರಿಯ ಬಳಿ ಇಂದು ಬೆಳಿಗ್ಗೆ ರಾಕೆಟ್ ದಾಳಿ ನಡೆದಿದೆ.

ಬಾಗ್ದಾದ್​​: ಇರಾಕ್‌ನ ರಾಜಧಾನಿ ಬಾಗ್ದಾದ್​​ನಲ್ಲಿರುವ ಯುಎಸ್ ರಾಯಭಾರ ಕಚೇರಿಯ ಬಳಿ ಇಂದು ಮುಂಜಾನೆ ರಾಕೆಟ್‌ ದಾಳಿ ನಡೆದಿದೆ ಎಂದು ಅಮೆರಿಕದ ಮಿಲಿಟರಿ ಮೂಲಗಳು ಖಚಿತಪಡಿಸಿವೆ.

ಈ ದಾಳಿಯು ರಾಜತಾಂತ್ರಿಕ ಕಚೇರಿ ಕಾಂಪೌಂಡ್​​ ಸುತ್ತ ಎಚ್ಚರಿಕೆಯ ಸೈರನ್‌ ಕಳುಹಿಸಿತು. ಆದರೆ ಏನಾಯಿತು ಮತ್ತು ಎಷ್ಟು ರಾಕೆಟ್‌ಗಳು ದಾಳಿ ನಡೆಸಿದವು ಎಂಬುದು ಸ್ಪಷ್ಟವಾಗಿ ತಿಳಿದುಬಂದಿಲ್ಲ ಎಂದು ಯುಎಸ್ ಮೂಲಗಳು ಮಾಹಿತಿ ನೀಡಿವೆ. ಘಟನೆಯಲ್ಲಿ ಯಾವುದೇ ಸಾವು-ನೋವುಗಳು ನಡೆದ ಬಗ್ಗೆ ವರದಿಯಾಗಿಲ್ಲ.

ಸುಮಾರು 5,200 ಯುಎಸ್ ಸೈನಿಕರನ್ನು ಗುರಿಯಾಗಿಸಿಕೊಂಡು ಅಕ್ಟೋಬರ್‌ನಿಂದ ಇಲ್ಲಿವರೆಗೆ ಯುಎಸ್​​ ರಾಯಭಾರ ಕಚೇರಿ ಮೇಲೆ ನಡೆದ 19 ನೇ ದಾಳಿ ಇದಾಗಿದೆ. ಇರಾಕ್​​ ಬೆಂಬಲಿತ ಸಂಘಟನೆಗಳ ಕೃತ್ಯ ಇದು ಎಂದು ಯುಎಸ್​​ ಆರೋಪಿಸಿದೆ.