ಪಂಜಾಬ್/ಪಾಕಿಸ್ತಾನ : ನಾಂಕಿನ್ ಸಾಹಿಬ್ ಗುರುದ್ವಾರದಲ್ಲಿ ವಾರದ ಹಿಂದೆ ನಡೆದ ಹಿಂಸೆಯನ್ನು ಪ್ರಚೋದಿಸಿದ್ದಾನೆ ಎಂಬ ಆರೋಪದಡಿಯಲ್ಲಿ ಇಮ್ರಾನ್ ಚಿಶ್ತಿ ಎಂಬಾತನನ್ನು ಪೊಲೀಸರು ಭಾನುವಾರ ಬಂಧಿಸಿದ್ದಾರೆ.
ಗುರುದ್ವಾರದಲ್ಲಿ ನಡೆದ ಘಟನೆಯ ನಂತರ ಚಿಶ್ತಿ ಮನೆಯಲ್ಲಿ ಕುಳಿತು ಕ್ಷಮೆಯಾಚಿಸುವ ವಿಡಿಯೋ ಒಂದನ್ನು ಬಿಡುಗಡೆ ಮಾಡಿದ್ದ ಕಾರಣದಿಂದಾಗಿ ಚಿಶ್ತಿ ವಿರುದ್ಧ ಪೊಲೀಸರು ಕ್ರಮ ಕೈಗೊಂಡಿದ್ದಾರೆ.
ನಂಕನಾ ಗುರುದ್ವಾರ ಸಾಹಿಬ್ ಹೊರ ಭಾಗದಲ್ಲಿ ಸ್ಥಳೀಯ ನಿವಾಸಿಗಳು ಮತ್ತು ಚಿಶ್ತಿ ಬೆಂಬಲಿಗರು ಗುರುದ್ವಾರಕ್ಕೆ ಕಲ್ಲು ತೂರುವ ಮೂಲಕ ಚಿಶ್ತಿ ಯನ್ನು ಬಿಡುಗಡೆ ಮಾಡುವಂತೆ ಪ್ರತಿಭಟನೆ ನಡೆಸುತ್ತಿದ್ದರು. ನಂತರ ಎಚ್ಚೆತ್ತ ಪೊಲೀಸರು ಹಿಂಸಾಚಾರಕ್ಕೆ ಪ್ರೇರೇಪಿಸಿದವರ ವಿರುದ್ಧ ಕಠಿಣ ಕ್ರಮಕ್ಕೆ ಮುಂದಾಗಿದ್ದರು.
ಈ ಹಿಂಸಾಚಾರಕ್ಕೆ ಕಾರಣ ಏನು?
ಚಿಶ್ತಿ ಸಹೋದರ ಎಹ್ಸಾನ್ ಎಂಬಾತ ಸಿಖ್ ಹುಡುಗಿ ಜಗ್ಜಿತ್ ಕೌರ್‌ನನ್ನು ಅಪಹರಿಸಿ, ಮತಾಂತರ ಮಾಡಿದ್ದ ಎಂಬ ವಿಚಾರವಾಗಿ ಪೊಲೀಸರು ಎಹಾಸನ್ ಅವರನ್ನ ಬಂಧಿಸಿದ್ದರು. ಇದರಿಂದ ರೊಚ್ಚಿಗೆದ್ದ ಆ ಸಮುದಾಯದ ಹುಡುಗರು ನಂಕಾನಾ ಸಾಹಿಬ್ ಹೊರಭಾಗದಲ್ಲಿ ಸಿಖ್ ವಿರೋಧಿ ಘೋಷಣೆ ಕೂಗಿದ್ದಲ್ಲದೇ ಗುರುದ್ವಾರದ ಮೇಲೆ ಕಲ್ಲು ತೂರಾಟ ನಡೆಸಿದ್ದರು.
