ಈ ಮೇಲಿನ ಫೋಟೋ ನೋಡಿದ್ರೆ, ಅರೇ.. ಇದೇನಿದು ರೈಲಿನ ಬೋಗಿಯೊಂದರಲ್ಲಿ ಇಷ್ಟೊಂದು ಜನರು ಪ್ರಯಾಣಿಸುತ್ತಿದ್ದಾರಲ್ಲ ಅಂತಾ ನಿಮಗೆ ಅನ್ನಿಸಬಹುದು. ಆದ್ರೆ, ಇದು ರೈಲಲ್ಲ, ಅಮೆರಿಕದ ವಿಮಾನ. ಇದೇನಿದು ವಿಮಾನ ಅಂತಿದ್ದಾರೆ, ನೋಡಿದ್ರೆ, ಪ್ಯಾಸೆಂಜರ್ ರೈಲಿಗಿಂತ ಕಡೆಯಾಗಿದೆಯಲ್ಲ ಅಂತಾ ಅಂದುಕೊಳ್ಳುತ್ತಿದ್ದೀರಾ. ಈ ದೃಶ್ಯ ಆಫ್ಘನ್ನರ ಸಂಕಷ್ಟಕ್ಕೆ ಹಿಡಿದ ಕೈಗನ್ನಡಿ.
ಹೌದು, ಕಾಬೂಲ್ಅನ್ನು ತಾಲಿಬಾನ್ ವಶಕ್ಕೆ ಪಡೆಯುತ್ತಿದ್ದಂತೆಯೇ, ಅಲ್ಲಿನ ಜನತೆ ಜೀವಭಯದಿಂದ ವಿದೇಶಗಳಿಗೆ ತೆರಳುತ್ತಿದ್ದಾರೆ. ನಿನ್ನೆ ಕಾಬೂಲ್ನಿಂದ ಅಮೆರಿಕಕ್ಕೆ ತೆರಳುತ್ತಿದ್ದ ವಿಮಾನದಲ್ಲಿ ಜನರು ಕಿಕ್ಕಿರಿದು ತುಂಬಿದ್ದರು. ಅದೆಷ್ಟೋ ಜನ ವಿಮಾನಗಳ ರೆಕ್ಕೆಯ ಮೇಲೆಲ್ಲಾ ಕುಳಿತು ಪ್ರಯಾಣಿಸುತ್ತಿದ್ದರು. ಒಂದು ವಿಮಾನದಲ್ಲಿ 640 ಕ್ಕೂ ಹೆಚ್ಚು ಜನರು ಪ್ರಯಾಣ ಬೆಳೆಸಿದ್ದಾರೆ ಎಂಬ ಮಾಹಿತಿ ಲಭ್ಯವಾಗಿದೆ.
