ಬೀಜಿಂಗ್: ಕೋವಿಡ್ ಅಬ್ಬರಕ್ಕೆ ಇಡೀ ಜಗತ್ತಿನ ಆರ್ಥಿಕತೆ ತತ್ತರಿಸಿ ಹೋಗಿದೆ. ಅದರಲ್ಲೂ ಆರ್ಥಿಕತೆಯಲ್ಲಿ ಅತಿ ವೇಗವಾಗಿ ಮುನ್ನುಗ್ಗುತ್ತಿದ್ದ ಚೀನಾಗೆ ಕೋವಿಡ್ ಬ್ರೇಕ್ ಹಾಕಿತ್ತು. ಆದರೆ, ಕಳೆದ ಮೂರು ತಿಂಗಳಲ್ಲಿ ದೇಶದ ಆರ್ಥಿಕತೆ ಶೇಕಡಾ 7.9 ರಷ್ಟು ಚೇತರಿಕೆ ಕಂಡಿದೆ. ಆದರೆ ವೇಗ ಕೊಂಚ ತಗ್ಗಿದೆ.
ಕೋವಿಡ್ ಮೊದಲನೆ ಅಲೆಯಲ್ಲಿ ಆರ್ಥಿಕತೆ ಶೇಕಡಾ 18.3 ರಷ್ಟು ಕುಸಿತ ಕಂಡಿದ್ದು, ನಂತರ ಚೇತರಿಕೆ ಕಂಡಿತ್ತು. ಎರಡನೇ ಅಲೆ ಕಾಣಿಸಿಕೊಂಡ ಬಳಿಕ ಮತ್ತೆ ಆರ್ಥಿಕತೆ ನೆಲ ಕಚ್ಚಿತ್ತು. ಇದೀಗ ಕೋವಿಡ್ ಪ್ರಕರಣಗಳ ಸಂಖ್ಯೆ ಕಡಿಮೆಯಾಗುತ್ತಿದ್ದು, ಆರ್ಥಿಕತೆ ನಿಧಾನವಾಗಿ ಚೇತರಿಸಿಕೊಳ್ಳುತ್ತಿದೆ.
ಉತ್ಪಾದನೆ ಮತ್ತು ಬೇಡಿಕೆಯನ್ನು ಹೆಚ್ಚಿಸುವುದರೊಂದಿಗೆ ಚೀನಾದ ಆರ್ಥೀಕತೆಯು ಸ್ಥಿರವಾದ ಚೇತರಿಕೆ ಕಾಣುತ್ತಿದೆ ಎಂದು ನ್ಯಾಷನಲ್ ಬ್ಯೂರೋ ಆಫ್ ಸ್ಟ್ಯಾಟಿಸ್ಟಿಕ್ಸ್ ಪ್ರಕಟಣೆಯಲ್ಲಿ ತಿಳಿಸಿದೆ.
ಚೀನಾದ ಕಮ್ಯುನಿಸ್ಟ್ ಪಕ್ಷವು ಕಳೆದ ಮಾರ್ಚ್ನಲ್ಲಿ ಕೋವಿಡ್ ಮಣಿಸಿದ್ದೇವೆಂದು ಘೋಷಿಸಿ, ಕೈಗಾರಿಕೆಗಳನ್ನು ತೆರೆಯಲು ಅವಕಾಶ ಮಾಡಿಕೊಟ್ಟಿತು. ಹಾಗಾಗಿ ಉತ್ಪಾದನೆ, ಮಾರಾಟ ಈ ಹಿಂದಿಗಿಂತಲೂ ಹೆಚ್ಚಳವಾಯಿತು.
ಅಂತಾರಾಷ್ಟ್ರೀಯ ಹಣಕಾಸು ನಿಧಿ ಮತ್ತು ಖಾಸಗಿ ವಲಯದ ಮುನ್ಸೂಚಕರು ಈ ವರ್ಷ ಸುಮಾರು ಶೇಕಡಾ 8 ರಷ್ಟು ಆರ್ಥಿಕ ಬೆಳವಣಿಗೆಯನ್ನು ನಿರೀಕ್ಷೆ ಮಾಡಿದ್ದಾರೆ. ಜೂನ್‌ನಲ್ಲಿ ಚಿಲ್ಲರೆ ವಹಿವಾಟು ಒಂದು ವರ್ಷದ ಹಿಂದಿನಕ್ಕಿಂತ ಶೇ.12.1 ರಷ್ಟು ಏರಿಕೆಯಾಗಿದೆ.
ಇದನ್ನೂ ಓದಿ:ಗ್ರಾಹಕರ ದತ್ತಾಂಶ ಭಾರತದಲ್ಲೇ ಸಂಗ್ರಹಿಸಿಡಲು ವಿಫಲ ; ಮಾಸ್ಟರ್‌ ಕಾರ್ಡ್‌ಗೆ ಆರ್‌ಬಿಐ ಶಾಕ್
