ವಾಷಿಂಗ್ಟನ್: ಸಂಜೆ ಸುಮಾರು ಆರು ಗಂಟೆಗೆ ಸ್ಥಳೀಯ ನ್ಯೂಸ್ ಚಾನೆಲ್ನಲ್ಲಿ ಇಬ್ಬರು ಆ್ಯಂಕರ್ಗಳು ನಗರ ಹವಾಮಾನ ಸಮಾಚಾರ ವಿಶ್ಲೇಷಿಸುತ್ತಿದ್ದರು. ಸ್ವಲ್ಪ ಸಮಯದ ಬಳಿಕ ವೀಕ್ಷಕರಿಗೆ ಆಘಾತವಾಗಿದೆ.
ಹೌದು, ಕುಟುಂಬ ಸದಸ್ಯರು ನ್ಯೂಸ್ ಚಾನೆಲ್ನಲ್ಲಿ ವೆದರ್ ರಿಪೋರ್ಟ್ ನೋಡುತ್ತಿರುವಾಗಲೇ ಅಶ್ಲೀಲ ವಿಡಿಯೋ ಪ್ರಸಾರವಾಗಿದೆ. ಅಮೆರಿಕಾಗೆ ಸೇರಿದ ಟಿವಿ ಬ್ರಾಡ್‌ಕಾಸ್ಟಿಂಗ್ ಸಂಸ್ಥೆಯ ‘ಕ್ರೇಮ್ 2’ ನ್ಯೂಸ್ ಚಾನೆಲ್ನಲ್ಲಿ ಸಂಜೆ ಆರು ಗಂಟೆಯ ಬುಲೆಟಿನ್ನಲ್ಲಿ 13 ಸೆಕೆಂಡ್ಗಳ ಅಶ್ಲೀಲ ವಿಡಿಯೋ ಪ್ರಸಾರವಾಗಿದೆ.
ಈ ಸುದ್ದಿ ಕಳೆದ ರವಿವಾರ ನಡೆದಿದೆ. ಆ ಸಮಯದಲ್ಲಿ ಹವಾಮಾನ ತಜ್ಞೆ ಮಿಶೆಲ್ ಬಾಸ್ ವಾತಾವರಣದ ಬಗ್ಗೆ ಮಾಹಿತಿ ನೀಡುತ್ತಿದ್ದರು. ಈ ವೇಳೆ ಟಿವಿ ಪರದೆ ಮೇಲೆ ಅಶ್ಲೀಲ ವಿಡಿಯೋ ಪ್ರಸಾರವಾಗಿದೆ. ಆದ್ರೆ ಈ ವಿಷಯದ ಬಗ್ಗೆ ಆಕೆಗಾಗಲಿ ಮತ್ತು ಆಕೆಯ ಜೊತೆ ಇದ್ದ ಸಹ ಆ್ಯಂಕರ್ಗೂ ತಿಳಿದಿರಲಿಲ್ಲ.
ಕೊನೆಗೆ ತಪ್ಪು ತಿಳಿದುಕೊಂಡ ಕ್ರೇಮ್ 2 ಚಾನೆಲ್ ರಾತ್ರಿ 11 ಗಂಟೆಗೆ ಪ್ರಜೆಗಳಿಗೆ ಕ್ಷಮಾಪಣೆ ಕೇಳಿದೆ. ಇಂತಹ ಪ್ರಸಂಗಗಳು ಮತ್ತೊಮ್ಮೆ ನಡೆಯದಂತೆ ಜಾಗ್ರತೆವಹಿಸುತ್ತೇವೆ ಎಂದು ಚಾನೆಲ್ನ ಮುಖ್ಯಸ್ಥ ಹೇಳಿದ್ದಾರೆ.
