ವಾಷಿಂಗ್ಟನ್: ಭಾರತದಲ್ಲಿನ ಕೊರೊನಾ ಬಿಕ್ಕಟ್ಟು ಅಮೆರಿಕ ಅಧ್ಯಕ್ಷ ಜೋ ಬೈಡನ್ಗೆ ರಾಜತಾಂತ್ರಿಕ ಮತ್ತು ಮಾನವೀಯ ಸವಾಲುಗಳನ್ನು ಸೃಷ್ಟಿಸಿದ್ದರೆ, ಉಪಾಧ್ಯಕ್ಷೆ ಕಮಲಾ ಹ್ಯಾರಿಸ್ಗೆ ಇದು ವೈಯಕ್ತಿಕವಾಗಿದೆ.
ಕಮಲಾ ಹ್ಯಾರಿಸ್ ಭಾರತೀಯ ಮೂಲದವರಾಗಿದ್ದಾರೆ. ಅವರ ತಾಯಿ ಭಾರತದಲ್ಲೇ ಹುಟ್ಟಿದ್ದು, ಬಾಲ್ಯದಲ್ಲಿ ಅನೇಕ ಬಾರಿ ಕಮಲಾ ಹ್ಯಾರಿಸ್ ಭಾರತಕ್ಕೆ ಭೇಟಿ ನೀಡಿದ್ದಾರೆ. ಈ ಬಗ್ಗೆ ಯಾವಾಗಲೂ ಅವರು ಭಾವನಾತ್ಮಕವಾಗಿ ಮಾತನಾಡುತ್ತಾರೆ. ಇದೀಗ ಭೀಕರ ಕೋವಿಡ್ ಸ್ಥಿತಿ ಎದುರಿಸುತ್ತಿರುವ ಭಾರತದಲ್ಲೇ ಅವರ ಕುಟುಂಬ ಸದಸ್ಯರಿದ್ದಾರೆ.
ಕಮಲಾ ಹ್ಯಾರಿಸ್ರ ಸೋದರ ಮಾವನಾಗಿರುವ ಜಿ.ಬಾಲಚಂದ್ರನ್, ಹ್ಯಾರಿಸ್ ಅವರು ಭಾರತದಲ್ಲಿ ಈ ವರ್ಷ ತಮ್ಮ 80ನೇ ಜನ್ಮದಿನವನ್ನು ತಮ್ಮವರಿಲ್ಲದೇ ಕೇವಲ ದೂರವಾಣಿ ಕರೆಗಳೊಂದಿಗೆ ಆಚರಿಸಿಕೊಂಡಿದ್ದಾರೆ. ಪ್ರತಿವರ್ಷ ತಮ್ಮ ಹುಟ್ಟುಹಬ್ಬ ಆಚರಿಸಲು ಅಮೆರಿಕದಲ್ಲಿರುವ ಇವರ ಮಕ್ಕಳು, ಸಂಬಂಧಿಕರು ಬರುತ್ತಿದ್ದರು. ಆದರೆ ಇವೆಲ್ಲವನ್ನು ಕೊರೊನಾ ಹಿಡಿದಿಟ್ಟುಕೊಂಡಿದೆ ಎಂದು ನಿವೃತ್ತ ಶಿಕ್ಷಣ ತಜ್ಞ ಬಾಲಚಂದ್ರನ್ ಸುದ್ದಿ ವಾಹಿನಿಯೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ಹೇಳುತ್ತಾರೆ.
ಇದನ್ನೂ ಓದಿ: ಭಾರತೀಯರಿಗೆ ಒಗ್ಗಟ್ಟಿನ ಸಂದೇಶ ನೀಡಲಿರುವ ಕಮಲಾ ಹ್ಯಾರಿಸ್
ಸೋದರ ಸೊಸೆ ಕಮಲಾ ಹ್ಯಾರಿಸ್ ಹಾಗೂ ಅವರ ಪತಿಯೊಂದಿಗೆ ಕರೆ ಮಾಡಿ ಮಾತಾಡಿದ್ದು, ಚಿಂತಿಸಬೇಡಿ ಅಂಕಲ್ ಎಂದು ಹೇಳಿ ವಾಷಿಂಗ್ಟನ್‌ನಲ್ಲಿರುವ ನನ್ನ ಮಗಳನ್ನು ನೋಡಿಕೊಳ್ಳುವುದಾಗಿ ಅವರು ಭರವಸೆ ನೀಡಿದ್ದಾರೆ ಎಂದು ಬಾಲಚಂದ್ರ ತಿಳಿಸಿದ್ದಾರೆ. ಇನ್ನು ಬಾಲಚಂದ್ರನ್ ಅವರ ಸಹೋದರಿ ಸರಳಾ ಅವರು ಸೋಂಕಿನಿಂದ ಕಾಪಾಡಿಕೊಳ್ಳಲು ಚೆನ್ನೈನ ಅಪಾರ್ಟ್ಮೆಂಟ್ನಲ್ಲೇ ಐಸೋಲೇಷನ್ಗೆ ಒಳಗಾಗಿದ್ದಾರೆ.
ಭಾರತದಲ್ಲಿ ಕೋವಿಡ್ ನಿಯಂತ್ರಣ ತಪ್ಪಿದ್ದು, ರಾಷ್ಟ್ರದ ಆರೋಗ್ಯ ವ್ಯವಸ್ಥೆ ಸಂಕಷ್ಟದಲ್ಲಿ ಸಿಲುಕಿದೆ. ತೀವ್ರವಾದ ಲಸಿಕೆ ಕೊರತೆಯಿಂದ ಬಳಲುತ್ತಿದೆ ಎಂದು ಹೇಳುತ್ತಾರೆ ಬಾಲಚಂದ್ರನ್.
ಕೋವಿಡ್ ಹೋರಾಟದಲ್ಲಿರುವ ಭಾರತದ ಜನರೊಂದಿಗೆ ಒಗ್ಗಟ್ಟಿನ ಸಂದೇಶ ಸಾರುವ ಸಲುವಾಗಿ ಕಮಲಾ ಹ್ಯಾರಿಸ್ ಇಂದು ಯುಎಸ್ ವಿದೇಶಾಂಗ ಇಲಾಖೆ ಆಯೋಜಿಸಿದ ಆನ್ಲೈನ್ ಕಾರ್ಯಕ್ರಮ "ಬೋಲ್ಸ್ಟೆರಿಂಗ್ ಯುಎಸ್ ಕೋವಿಡ್ ರಿಲೀಫ್ ಇನ್ ಇಂಡಿಯಾ: ಪ್ರಿಸ್ಪೆಕ್ಟಿವ್ ಫ್ರಮ್ ದಿ ಡೈಸಪೋರ" ದಲ್ಲಿ ವಿಶೇಷ ಭಾಷಣ ಮಾಡಲಿದ್ದಾರೆ.
