ವಾಷಿಂಗ್ಟನ್ : ಅರಬ್ಬೀ ಸಮುದ್ರದ ಹಡಗೊಂದರಲ್ಲಿ ಅಕ್ರಮವಾಗಿ ಸಾಗಿಸಲಾಗುತ್ತಿದ್ದ ಶಸ್ತ್ರಾಸ್ತ್ರಗಳನ್ನು ವಶಪಡಿಸಿಕೊಂಡಿರುವುದಾಗಿ ಯುಎಸ್ ನೌಕಾಪಡೆ ತಿಳಿಸಿದೆ. ಇದು ಯೆಮನ್ನಲ್ಲಿ ನಡೆಯುತ್ತಿರುವ ದೀರ್ಘ ಕಾಲದ ಸಂಘರ್ಷದ ನಡುವೆ ಯುಎಸ್ ಸೇನೆ ನಡೆಸಿದ ಇತ್ತೀಚಿನ ಕಾರ್ಯಾಚರಣೆಯಾಗಿದೆ.
ಯುಎಸ್ ನೌಕಾಪಡೆಯ ಮಿಸೆಲ್ ಕ್ರೂಸರ್ ಯುಎಸ್ಎಸ್ ಮಾಂಟೆರೆ, ಶಸ್ತ್ರಾಸ್ತ್ರ ತುಂಬಿದ್ದ ಹಡಗನ್ನು ಪತ್ತೆ ಹಚ್ಚಿದೆ. ಈ ಹಡಗು ಯಾವುದೇ ನಿರ್ದಿಷ್ಟ ದೇಶಕ್ಕೆ ಸೇರಿದ್ದಲ್ಲ. ಸಾಮಾನ್ಯವಾಗಿ ಮಧ್ಯಪ್ರಾಚ್ಯದಲ್ಲಿ ಸಂಚರಿಸುವಂತದ್ದು ಎಂದು ಅಮೆರಿಕದ ಸೇನೆ ತಿಳಿಸಿದೆ. ಅರಬ್ಬೀ ಸಮುದ್ರದ ಉತ್ತರ ಭಾಗದಲ್ಲಿ ಕಾರ್ಯಾಚರಣೆ ನಡೆಸಿ ಈ ಹಡಗನ್ನು ಸೆರೆ ಹಿಡಿಯಲಾಗಿದೆ.
ಓದಿ : ಡಮಾಸ್ಕಸ್ ಗೇಟ್ನಲ್ಲಿ ನಡೆದ ಘರ್ಷಣೆ: 80 ಪ್ಯಾಲೆಸ್ತೀನಿಯರಿಗೆ ಗಾಯ
ವಶಪಡಿಸಿಕೊಂಡ ಶಸ್ತ್ರಾಸ್ತ್ರಗಳಲ್ಲಿ ಚೀನಿ ನಿರ್ಮಿತ ಕಲಾಶ್ನಿಕೋವ್ ರೈಫಲ್‌ಗಳು, ಸ್ನೈಪರ್ ರೈಫಲ್‌ಗಳು, ಹೆವಿ ಮಷಿನ್ ಗನ್ ಮತ್ತು ರಾಕೆಟ್ ಚಾಲಿತ ಗ್ರೆನೇಡ್ ಲಾಂಚರ್‌ಗಳು ಸೇರಿವೆ. ಇವುಗಳು ಎಲ್ಲಿಂದ ರವಾನೆ ಆಗುತ್ತಿದ್ದವು ಎಂಬುದು ಸಹ ನಿಗೂಢವಾಗಿದೆ.
