ವಾಷಿಂಗ್ಟನ್‌: ಜಗತ್ತನ್ನೇ ಭೀತಿಗೊಳಪಡಿಸಿರುವ ಕೊರೊನಾಗೆ ಹೆದರಿರುವ ಅಮೆರಿಕಾ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಕೂಡ ಕೊರೊನಾ ವೈರಸ್ ಪರೀಕ್ಷೆ ಮಾಡಿಸಿಕೊಂಡಿದ್ದಾರೆ.
ಜಗತ್ತಿನ ದೊಡ್ಡಣ್ಣ ಎನಿಸಿಕೊಂಡಿರುವ ಅಮೆರಿಕಾ ಕೂಡ ಕೊರೊನಾ ನಿಯಂತ್ರಣಕ್ಕೆ ಹಲವಾರು ಜಾಗೃತಿ ಕಾರ್ಯಕ್ರಮಗಳನ್ನು ಅನುಸರಿಸುತ್ತಿದ್ದು, ಸ್ವತಃ ಟ್ರಂಪ್ ಕೂಡ ವೈರಸ್ ಪರೀಕ್ಷೆಗೆ ಒಳಾಗಾಗುವ ಮೂಲಕ ಎಚ್ಚರಿಕೆ ವಹಿಸಿದ್ದಾರೆ.
ಅಲ್ಲದೆ ವೈಟ್ಹೌಸ್ಗೆ ತಮ್ಮನ್ನು ಹಾಗೂ ಉಪಾಧ್ಯಕ್ಷ ಮೈಕ್ ಪೆನ್ಸ್ರನ್ನು ಭೇಟಿಯಾಗಲು ಆಗಮಿಸುವವರೂ ಕಡಾ ಖಂಡಿತವಾಗಿ ಟೆಂಪರೇಚರ್ ಟೆಸ್ಟ್ ಮಾಡಿಸಿಕೊಳ್ಳಬೇಕು ಎಂದು ಆಜ್ಞೆ ಹೊರಡಿಸಿದ್ದಾರೆ.
ವೈಟ್ ವೈಸ್ನಲ್ಲಿ ನಡೆದ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು ಕೊರೊನಾ ಕುರಿತು ಆತಂಕಕ್ಕೊಳಗಾದ ಅಮೆರಿಕನ್ನರಿಗೆ ದೈರ್ಯ ತುಂಬಿದ್ದು, ತಾವೂ ಕೂಡ ಪರೀಕ್ಷೆಗೆ ಒಳಗಾಗಿದ್ದು ಒಂದೆರಡು ದಿನದಲ್ಲಿ ಪರೀಕ್ಷೆಯ ವರದಿ ಬರಲಿದೆ. ಕೊರೊನಾ ವೈರಸ್ಗೆ ಸಂಬಂಧಿಸಿದ ಯಾವುದಾದರೂ ಒಂದು ಲಕ್ಷಣ ಕಂಡು ಬಂದರು ಅವರನ್ನು ತಕ್ಷಣ ಪರೀಕ್ಷೆಗೆ ಒಳಪಡಿಸಲಾಗುತ್ತದೆ ಎಂದು ಅವರು ತಿಳಿಸಿದ್ದಾರೆ.
ಕೊರೊನಾ ಮಹಾಮಾರಿಯನ್ನು ಎದುರಿಸಲು ಫೆಡರಲ್ ನಿಧಿಯಲ್ಲಿ 50 ಬಿಲಿಯನ್ ಡಾಲರ್(3.65 ಲಕ್ಷ ಕೋಟಿ)ಯನ್ನು ಮೀಸಲಿಡುವುದಾಗಿ ಟ್ರಂಪ್ ಹೇಳಿದ್ದಾರೆ.
