ಕ್ಯಾಪಿಟಲ್ ಮೇಲಿನ ದಾಳಿಗೆ ಟ್ರಂಪ್ ಖಂಡನೆ : ಬೈಡನ್ ಪರ ಬ್ಯಾಟಿಂಗ್

ಹೊಸ ವೀಡಿಯೊ ಸಂದೇಶವೊಂದರಲ್ಲಿ ಮಾತನಾಡಿದ ಟ್ರಂಪ್, ಸದ್ಯ ಕಾಂಗ್ರೆಸ್ ಚುನಾವಣಾ ಫಲಿತಾಂಶವನ್ನು ಅಧಿಕೃತವಾಗಿ ಒಪ್ಪಿಕೊಂಡಿದೆ. ಜನವರಿ 20 ರಿಂದ ಹೊಸ ಆಡಳಿತ ಪ್ರಾರಂಭವಾಗಲಿದೆ. ನಮ್ಮ ಗಮನವು ಸುಗಮ, ಕ್ರಮಬದ್ಧ ಅಧಿಕಾರ ವರ್ಗಾವಣೆಯತ್ತ ಇರಲಿದೆ ಎಂದಿದ್ದಾರೆ.

ವಾಷಿಂಗ್ಟನ್ : ಚುನಾಯಿತ ಅಧ್ಯಕ್ಷ ಜೋ ಬೈಡನ್ ಪರ ಮಾತನಾಡಿರುವ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್, ಕ್ಯಾಪಿಟಲ್ ಮೇಲಿನ ಹಿಂಸಾತ್ಮಕ ದಾಳಿಯನ್ನು ಖಂಡಿಸಿದ್ದಾರೆ.

ಹೊಸ ವೀಡಿಯೊ ಸಂದೇಶವೊಂದರಲ್ಲಿ ಮಾತನಾಡಿದ ಟ್ರಂಪ್, ಸದ್ಯ ಕಾಂಗ್ರೆಸ್ ಚುನಾವಣಾ ಫಲಿತಾಂಶವನ್ನು ಅಧಿಕೃತವಾಗಿ ಒಪ್ಪಿಕೊಂಡಿದೆ. ಜನವರಿ 20 ರಿಂದ ಹೊಸ ಆಡಳಿತ ಪ್ರಾರಂಭವಾಗಲಿದೆ. ನಮ್ಮ ಗಮನವು ಸುಗಮ, ಕ್ರಮಬದ್ಧ ಅಧಿಕಾರ ವರ್ಗಾವಣೆಯತ್ತ ಇರಲಿದೆ ಎಂದಿದ್ದಾರೆ.

ಕ್ಯಾಪಿಟಲ್ ಮೇಲಿನ ಹಿಂಸಾತ್ಮಕ ದಾಳಿಯ ವಿರುದ್ಧ ಮಾತನಾಡಿದ ಟ್ರಂಪ್, ಇದೊಂದು ಘೋರ ದಾಳಿ ಎಂದು ಕರೆದಿದ್ದು, ಹಿಂಸೆ, ಅರಾಜಕತೆ ವಿರುದ್ಧ ಕಿಡಿ ಕಾರಿದ್ದಾರೆ. ಕ್ಯಾಪಿಟಲ್ ಮೇಲಿನ ದಾಳಿಯಲ್ಲಿ ತನ್ನ ಪಾತ್ರವಿರುವುದಾಗಿ ಟ್ರಂಪ್ ಒಪ್ಪಿಕೊಂಡಿಲ್ಲ. ಆದರೂ, ತಮ್ಮ ಬೆಂಬಲಿಗರು ನಿರಾಶೆಗೊಂಡಿದ್ದಾರೆ ಎಂದು ಹೇಳಿದ್ದಾರೆ.