ವಾಷಿಂಗ್ಟನ್: ರಿಪಬ್ಲಿಕ್ನ ಪಕ್ಷದ ಬೆಂಬಲವಿಲ್ಲದೇ ಕೊರೊನಾ ವೈರಸ್ ಪರಿಹಾರ ಯೋಜನೆ ತ್ವರಿತಗತಿಯಲ್ಲಿ ಸಾಗಿಸುವ ಪ್ರಮುಖ ಬಜೆಟ್ ನಿರ್ಣಯ ಯುಎಸ್ ಸೆನೆಟ್ನಲ್ಲಿ ಅನುಮೋದನೆಗೊಂಡಿದೆ. ಅಧ್ಯಕ್ಷ ಜೋ ಬೈಡನ್ ಅವರ 91.9 ಟ್ರಿಲಿಯನ್ ಬಜೆಟ್ಗಿಂದು ಅಂಕಿತ ಸಿಕ್ಕಿದೆ.
ಉಪಾಧ್ಯಕ್ಷೆ ಕಮಲಾ ಹ್ಯಾರಿಸ್ ಟೈ ಬ್ರೇಕಿಂಗ್ ಮತ ಚಲಾವಣೆ ಮಾಡುವ ಮೂಲಕ ಇದಕ್ಕೆ ಅನುಮೋದನೆ ಸಿಕ್ಕಿದೆ. ಅಲ್ಲಿನ ಸೆನೆಟರ್ಗಳು ಈ ಮಸೂದೆ ಪರ ಮತ ಚಲಾಯಿಸಿದ್ದಾರೆ. ಮಸೂದೆ ನಿರ್ಣಯ ದೇಶದ ಆರ್ಥಿಕತೆ ಚೇತರಿಕೆ ಹಾದಿಯಲ್ಲಿ ನಾವು ಇಡುತ್ತಿರುವ ದೊಡ್ಡ ಹೆಜ್ಜೆಯಾಗಿದೆ ಎಂದು ಸೆನೆಟ್ ಲೀಡರ್ ಚಕ್ ಶುಮರ್ ಡಿ ತಿಳಿಸಿದ್ದಾರೆ.
ಓದಿ: ಉಗ್ರರು- ಭದ್ರತಾ ಸಿಬ್ಬಂದಿ ನಡುವೆ ಗುಂಡಿನ ಚಕಮಕಿ; 26 ಸಾವು
ಕೊರೊನಾ ನಂತರ ಅಭಿವೃದ್ಧಿ ಹಾದಿಯಲ್ಲಿ ಸಾಗಬೇಕಾಗಿದ್ದು, ನಿರುದ್ಯೋಗ ಹೊಡೆದೋಡಿಸಲು ಕ್ರಮ ಕೈಗೊಳ್ಳಬೇಕಾಗಿದೆ ಎಂದು ಹೊಸ ಸರ್ಕಾರ ಪ್ರತಿಜ್ಞೆ ಮಾಡಿದೆ. ಇನ್ನು ಪ್ಯಾಕೇಜ್ ಬಗ್ಗೆ ಚರ್ಚಿಸಲು ಅಧ್ಯಕ್ಷ ಬೈಡನ್ ತಮ್ಮ ಪಕ್ಷದ ಮುಖಂಡರೊಂದಿಗೆ ಸಭೆ ನಡೆಸಿದ್ದು, ಶ್ವೇತಭವನದಲ್ಲಿ ಹೌಸ್ ಕಮಿಟಿ ಅಧ್ಯಕ್ಷರೊಂದಿಗೂ ಮಾತನಾಡಲಿದ್ದಾರೆ ಎಂದು ಹೇಳಲಾಗಿದೆ.
ಬಜೆಟ್ನಲ್ಲಿ ಕೆಲವೊಂದು ತಿದ್ದುಪಡಿ ಮಾಡುವ ಸಾಧ್ಯತೆ ದಟ್ಟವಾಗಿದ್ದು, ಕೋವಿಡ್ ವಿರುದ್ಧದ ಹೋರಾಟಕ್ಕೆ ಹೆಚ್ಚಿನ ಆದ್ಯತೆ ನೀಡಲಾಗುವುದು ಎಂದು ತಿಳಿದು ಬಂದಿದೆ. ಇದೇ ವೇಳೆ ಕನಿಷ್ಠ ವೇತನ ಹೆಚ್ಚಳ ವಿಚಾರ ಕೂಡ ಒಳಗೊಂಡಿದೆ ಎಂದು ವರದಿಯಾಗಿದೆ.
