ಫೈಜರ್​ ಲಸಿಕೆ: ಸೋಮವಾರದಿಂದ ಅಮೆರಿಕದ ಎಲ್ಲ ರಾಜ್ಯಗಳಿಗೆ ಹಂಚಿಕೆ

ಫೈಜರ್ ಕೊರೊನಾ ವೈರಸ್ ಲಸಿಕೆಯ ಹಂಚಿಕೆ ಸೋಮವಾರದಿಂದ ಪ್ರಾರಂಭವಾಗಲಿದೆ. ದೇಶದ ಎಲ್ಲ ರಾಜ್ಯಗಳಿಗೆ ಔಷಧ ಹಂಚಲಾಗುವುದು ಎಂದು ಡೊನಾಲ್ಡ್ ಟ್ರಂಪ್ ನೇತೃತ್ವದ ಸರ್ಕಾರದ ಆಪರೇಷನ್ ವಾರ್ಪ್ ಸ್ಪೀಡ್ ಮುಖ್ಯಸ್ಥ ಜನರಲ್ ಗುಸ್ಟಾವ್ ಪೆರ್ನಾ ಹೇಳಿದ್ದಾರೆ.

ವಾಷಿಂಗ್ಟನ್​​: ಕೊರೊನಾ ಲಸಿಕೆ ಫೈಜರ್ ಅನ್ನು ಸೋಮವಾರ ಬೆಳಗ್ಗೆಯಿಂದ ದೇಶದ ಎಲ್ಲ ರಾಜ್ಯಗಳಿಗೆ ಹಂಚಲಾಗುವುದು ಎಂದು ಡೊನಾಲ್ಡ್ ಟ್ರಂಪ್ ನೇತೃತ್ವದ ಆಡಳಿತದ ಆಪರೇಷನ್ ವಾರ್ಪ್ ಸ್ಪೀಡ್ ಮುಖ್ಯಸ್ಥ ಜನರಲ್ ಗುಸ್ಟಾವ್ ಪೆರ್ನಾ ಹೇಳಿದ್ದಾರೆ.

ಸೋಮವಾರ 145 ವಿತರಣಾ ತಾಣಗಳಿಗೆ ಲಸಿಕೆ ಲಭ್ಯವಾಗಲಿದೆ. ಮಂಗಳವಾರ 425, ಬುಧವಾರ 66 ತಾಣಗಳು ಲಸಿಕೆ ಸ್ವೀಕರಿಸುತ್ತವೆ ಎಂದು ಪೆರ್ನಾ ಹೇಳಿದ್ದಾರೆ. ಫೈಜರ್​​ ಮತ್ತು ಬಯೋಟೆಕ್‌ನ ಕೋವಿಡ್ -19 ಲಸಿಕೆ ಭಾನುವಾರ ಮಿಚಿಗನ್‌, ಕಲಾಮಜೂದಿಂದ ಸಾಗಣೆ ಆಗಲಿದೆ.

16 ವರ್ಷ ಮತ್ತು ಅದಕ್ಕಿಂತ ಮೇಲ್ಪಟ್ಟವರಿಗೆ ತುರ್ತು ಸಂದರ್ಭದಲ್ಲಿ ಈ ಲಸಿಕೆಯನ್ನು ಬಳಸಲು ಯುಎಸ್​ನ ಫುಡ್ ಆ್ಯಂಡ್ ಡ್ರಗ್ ಅಡ್ಮಿನಿಸ್ಟ್ರೇಷನ್ ಒಪ್ಪಿಗೆ ನೀಡಿತ್ತು.

ಈ ಲಸಿಕೆಯನ್ನು ಬಳಸಲು ಯುಕೆ, ಬಹ್ರೇನ್, ಕೆನಡಾ, ಸೌದಿ ಅರೇಬಿಯಾ ಮತ್ತು ಮೆಕ್ಸಿಕೊ ದೇಶಗಳು ಒಪ್ಪಿಗೆ ನೀಡಿದ್ದು, ಯುಎಸ್ ಇದೀಗ ಆರನೇ ದೇಶವಾಗಿದೆ.