ವಾಷಿಂಗ್ಟನ್ (ಯುಎಸ್ ): ಮೊಟ್ಟ ಮೊದಲ ಬಾರಿಗೆ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಕೆಲವು ಟ್ವೀಟ್ಗಳನ್ನು ಟ್ವಿಟರ್ ಸತ್ಯ ಪರಿಶೀಲನಾ ತಂಡ ಎಚ್ಚರಿಕೆ ನೀಡಿ ಫ್ಲ್ಯಾಗ್ ಮಾಡಿದೆ.
ಟ್ರಂಪ್ ಇತ್ತೀಚೆಗೆ ಮಾಡಿದ್ದ ಮೈಲ್-ಇನ್- ಬ್ಯಾಲೆಟ್ಸ್ ಸಂಬಂಧಿಸಿದ ಎರಡು ಟ್ವೀಟ್ಗಳನ್ನು ಟ್ವಿಟ್ಟರ್ ಫ್ಲ್ಯಾಗ್ ಮಾಡಿದೆ. ಇದರಿಂದ ಟ್ರಂಪ್ ಟ್ವೀಟ್ಗಳ ಜೊತೆ ಟ್ವಿಟ್ಟರ್ ಲಿಂಕ್ ಸೇರಿಸಿದ್ದು, ಬಳಕೆದಾರರು ಟ್ರಂಪ್ ಮಾಡಿರುವ ಆಧಾರ ರಹಿತ ಟ್ವೀಟ್ಗಳ ಕುರಿತು ಸತ್ಯ ಪರಿಶೋಧನೆ ಮಾಡಬಹುದಾಗಿದೆ.
ಇದುವರೆಗೆ ಅಮೆರಿಕದ ಅಧ್ಯಕ್ಷರೊಬ್ಬರ ಟ್ವೀಟ್ಗೆ ಟ್ವಿಟ್ಟರ್ ಫ್ಲ್ಯಾಗ್ ಮಾಡಿರಲಿಲ್ಲ. ಆದರೆ, ಇತ್ತೀಚೆಗೆ ಟ್ರಂಪ್ ತಪ್ಪು ಮಾಹಿತಿಯನ್ನು ಹೆಚ್ಚಾಗಿ ನೀಡುತ್ತಿದ್ದಾರೆ. ಅಲ್ಲದೆ ಸಾರ್ವಜನಿಕರ ಖಾಸಗಿ ವಿಷಯಗಳ ಮೇಲೆ ಆಕ್ರಮಣ ಮಾಡಿ ದುರ್ಬಳಕೆ ಮಾಡುತ್ತಿದ್ದಾರೆ ಎಂದು ಟ್ವಿಟ್ಟರ್ ಆರೋಪಿಸಿದೆ. ಅಲ್ಲದೆ ಟ್ರಂಪ್ ಮೇಲ್-ಇನ್-ಬ್ಯಾಲೆಟ್ ಬಗ್ಗೆ ಜನರಿಗೆ ತಪ್ಪು ಸುಳ್ಳು ಮಾಹಿತಿಯನ್ನು ನೀಡಿ, ಮತದಾನ ಪ್ರಕ್ರಿಯೆಯನ್ನು ತಪ್ಪು ದಾರಿಗೆ ಎಳೆಯುತ್ತಿದ್ದಾರೆ ಎಂದು ಹೇಳಿದೆ.
