ಮಾಸ್ಕ್ ​ಕುರಿತ ಅನಗತ್ಯ ಜಾಹೀರಾತು ನಿಷೇಧಿಸಲು ಮುಂದಾದ ಫೇಸ್​​ಬುಕ್​​​​

ಕೊರೊನಾ ವೈರಸ್​ ಎಲ್ಲೆಡೆ ಹಬ್ಬುತ್ತಿರುವುದರಿಂದ ಮಾಸ್ಕ್‌ (ಮುಖಗವಸು)​​ಗೆ ಬೇಡಿಕೆ ಹೆಚ್ಚಾಗಿದೆ. ಇದನ್ನೇ ಬಂಡವಾಳ ಮಾಡಿಕೊಂಡ ಕೆಲವರು ಅನಗತ್ಯ ಜಾಹೀರಾತು ನೀಡುತ್ತಿದ್ದಾರೆ. ಹಾಗಾಗಿ ಮಾಸ್ಕ್​​​ ಕುರಿತ ಜಾಹೀರಾತನ್ನು ತಾತ್ಕಾಲಿಕವಾಗಿ ನಿಷೇಧಿಸಲು ಫೇಸ್​ಬುಕ್​​ ಮುಂದಾಗಿದೆ.

ವಾಷಿಂಗ್ಟನ್: ಕೊರೊನಾ ವೈರಸ್​​ ಎಲ್ಲೆಡೆ ಹಬ್ಬುತ್ತಿದ್ದು,ಇದರಿಂದ ಜನರು ತೀವ್ರ ಆತಂಕಕ್ಕೆ ಒಳಗಾಗಿದ್ದಾರೆ. ಜನರ ಈ ಆತಂಕವನ್ನೇ ಕೆಲವರು ದುರ್ಬಳಕೆ ಮಾಡಿಕೊಳ್ಳುತ್ತಿರುವುದನ್ನು ತಡೆಯಲು ಮಾಸ್ಕ್​​​ ಕುರಿತ ಜಾಹೀರಾತನ್ನು ತಾತ್ಕಾಲಿಕವಾಗಿ ನಿಷೇಧಿಸಲು ಫೇಸ್​ಬುಕ್​​ ಮುಂದಾಗಿದೆ

ಮುಂದಿನ ಕೆಲವೇ ದಿನಗಳಲ್ಲಿ ಈ ನಿಯಮವನ್ನು ಜಾರಿಗೆ ತರುವುದಾಗಿ ಫೇಸ್‌ಬುಕ್ ತಿಳಿಸಿದೆ.

ನಮ್ಮ ತಂಡ COVID-19 ಪರಿಸ್ಥಿತಿಯನ್ನು ಸೂಕ್ಷ್ಮವಾಗಿ ಗಮನಿಸುತ್ತಿದೆ. ಒಂದು ವೇಳೆ ಯಾರಾದ್ರೂ ಜಾಹೀರಾತು ಮೂಲಕ ಇದನ್ನು ದುರ್ಬಳಕೆ ಮಾಡುತ್ತಿರುವುದು ಕಂಡು ಬಂದರೆ, ನಮ್ಮ ನೀತಿಗಳಲ್ಲಿ ಅಗತ್ಯವಾದ ಬದಲಾವಣೆ ಮಾಡುವ ಅವಶ್ಯಕತೆ ಇದ್ದರೆ ಮಾಡುತ್ತೇವೆ. ಈ ಹಿಂದೆ ನಾವು ಆರೋಗ್ಯ ಉತ್ಪನ್ನಗಳ ಕುರಿತ ಜಾಹೀರಾತನ್ನು ನಿಷೇಧಿಸುವುದಾಗಿ ಹೇಳಿದ್ದೇವೆ ಎಂದು ಫೇಸ್‌ಬುಕ್‌ನ ಉತ್ಪನ್ನ ನಿರ್ವಹಣೆಯ ನಿರ್ದೇಶಕ ರಾಬ್ ಲೆದರ್ನ್ ತಿಳಿಸಿದ್ದಾರೆ.

ಕೆಲವು ಸಾರ್ವಜನಿಕ ಆರೋಗ್ಯ ಅಧಿಕಾರಿಗಳು ಮುಖವಾಡಗಳನ್ನು(ಮಾಸ್ಕ್​​​) ಖರೀದಿಸುವುದನ್ನು ನಿಲ್ಲಿಸುವಂತೆ ಜನರನ್ನು ಒತ್ತಾಯಿಸಿದ್ದಾರೆ. ಯುಎಸ್ ಸರ್ಜನ್ ಜನರಲ್ ಡಾ. ಜೆರೋಮ್ ಎಮ್. ಆಡಮ್ಸ್ ಫೆಬ್ರವರಿ 29 ರಂದು ಮಾಡಿದ ಟ್ವೀಟ್‌ನಲ್ಲಿ ಸಾರ್ವಜನಿಕರನ್ನು ರಕ್ಷಿಸುವಲ್ಲಿ ಮುಖವಾಡಗಳು ಪರಿಣಾಮಕಾರಿಯಾಗಿಲ್ಲ ಎಂದು ಹೇಳಿದ್ದರು.