ಸ್ಯಾನ್ ಫ್ರಾನ್ಸಿಸ್ಕೋ: ಕಪ್ಪು ವರ್ಣೀಯರ ಹತ್ಯೆಗಳ ವಿರುದ್ಧ ಪ್ರತಿಭಟನೆಗಳನ್ನು ನಡೆಸಲು ಪ್ರಚೋದನೆ ನೀಡುತ್ತಿದ್ದ ಸುಮಾರು 200 ಸೋಷಿಯಲ್ ಮೀಡಿಯಾ ಖಾತೆಗಳನ್ನು ಫೇಸ್ಬುಕ್ ತೆಗೆದುಹಾಕಿದೆ.
ಮಿನ್ನಿಯಾಪೊಲೀಸ್ನ ಅಧಿಕಾರಿ ನೀಡಿದ ಹಿಂಸೆಯಿಂದಾಗಿ ಕಪ್ಪುವರ್ಣಿಯ ಜಾರ್ಜ್ ಫ್ಲಾಯ್ಡ್ ಮೃತಪಟ್ಟ ಬಳಿಕ ಸಾವಿಗೆ ನ್ಯಾಯ ಒದಗಿಸುವಂತೆ ಆಗ್ರಹಿಸಿ ಕೊರೊನಾ ಭೀತಿಯ ನಡುವೆಯೂ ಅಮೆರಿಕದಾದ್ಯಂತ ಪ್ರತಿಭಟನೆ ಭುಗಿಲೆದ್ದಿದೆ. ಇದನ್ನೇ ದುರುಪಯೋಗ ಪಡಿಸಿಕೊಳ್ಳಲು ಪ್ರಯತ್ನಿಸುತ್ತಿರುವ ಕೆಲವು ಸೋಷಿಯಲ್ ಮೀಡಿಯಾ ಖಾತೆಗಳ ಅಡ್ಮಿನ್ಗಳು ತಮ್ಮ ಗುಂಪಿನ ಸದಸ್ಯರಿಗೆ, ಇತರರಿಗೆ ಪ್ರತಿಭಟನೆ ನಡೆಸಲು ಪ್ರಚೋದನೆ ನೀಡುತ್ತಿದ್ದಾರೆ.
ಇನ್ನೂ ಕೆಲವರು ಆಯುಧಗಳನ್ನು ಬಳಸಿ ಹಿಂಸಾತ್ಮಕ ಹೋರಾಟ ನಡೆಸಲು ಸೂಚಿಸುತ್ತಿದ್ದಾರೆ. ಅಂತಹ ಖಾತೆಗಳ ಮೇಲ್ವಿಚಾರಣೆಯನ್ನು ಅಧಿಕಾರಿಗಳು ಮಾಡುತ್ತಿದ್ದು, ಅವುಗಳನ್ನು ರದ್ದುಗೊಳಿಸುತ್ತಿದ್ದಾರೆ ಎಂದು ಫೇಸ್ಬುಕ್ನ ಭಯೋತ್ಪಾದನಾ ನಿಗ್ರಹ ಮತ್ತು ಅಪಾಯಕಾರಿ ಸಂಘಟನಾ ನೀತಿ ವಿಭಾಗದ ನಿರ್ದೇಶಕ ಬ್ರಿಯಾನ್ ಫಿಶ್ಮನ್ ತಿಳಿಸಿದ್ದಾರೆ.
ದ್ವೇಷವನ್ನು ಬಿತ್ತುತ್ತಿದ್ದ ಪ್ರೌಡ್ ಬಾಯ್ಸ್ ಮತ್ತು ಅಮೆರಿಕನ್ ಗಾರ್ಡ್‌ ಎಂಬ ಗ್ರೂಪ್ಗಳನ್ನು ಈಗಾಗಲೇ ಫೇಸ್ಬುಕ್ ಮತ್ತು ಇನ್‌ಸ್ಟಾಗ್ರಾಮ್‌ ಕಿತ್ತೆಸೆದಿದೆ.
