ಖರ್ಟೋಮ್(ಸುಡಾನ್): ಭೀಕರ ಹಸಿವಿನಿಂದ ಬಳಲುತ್ತಿರುವ ಸೂಡಾನ್ಗೆ ಹೊಸ ಪ್ರಧಾನಿ ಬಂದಿದ್ದಾರೆ. ಅಬ್ದುಲ್ಲಾ ಹಮ್ಡೋಕ್ ಬಡ ದೇಶದ ಪ್ರಧಾನಿಯಾಗಿ ಆಯ್ಕೆ ಆಗಿದ್ದಾರೆ. ಕಳೆದ ತಿಂಗಳಷ್ಟೇ ಸುಡಾನ್ನಲ್ಲಿ ನಾಗರಿಕ ಸರ್ಕಾರವೊಂದು ಅಧಿಕಾರಕ್ಕೆ ಬಂದಿತ್ತು.
ಹಮ್ಡೋಕ್ ಅಧಿಕೃತವಾಗಿ ಅಂದರೆ ಸಂವಿಧಾನ ಬದ್ಧವಾಗಿ ಅಧಿಕಾರ ಸ್ವೀಕರಿಸಿದ್ದಾರೆ ಎಂದು ಅಲ್ಲಿನ ಮಾಧ್ಯಮವೊಂದು ವರದಿ ಮಾಡಿದೆ.
ಸೂಡಾನ್ನಲ್ಲಿ ಸ್ಥಾಪಿತವಾಗಿರುವ ಹೊಸ ಸಾರ್ವಭೌಮತ್ವದ ಸಮಿತಿ ಅಧ್ಯಕ್ಷ ಅಬ್ದೆಲ್ ಫತ್ಹಾ ಅಲ್ ಬುರ್ಹಾನ್ ಅವರ ಸಮ್ಮುಖದಲ್ಲಿ ಅಬ್ದುಲ್ಲಾ ಹಮ್ಡೋಕ್ ನೂತನ ಪ್ರಧಾನಿಯಾಗಿ ಅಧಿಕಾರ ಸ್ವೀಕರಿಸಿದರು.
ಹಮ್ಡೋಕ್ ಸಚಿವ ಸಂಪುಟದಲ್ಲಿ ಸುಮಾರು 20 ಸಚಿವರು ಇರಲಿದ್ದಾರೆ ಎಂಬುದಾಗಿ ತಿಳಿದು ಬಂದಿದೆ. ಹಮ್ಡೋಕ್ ಖಾರ್ಟಮ್ ವಿವಿಯಿಂದ ಪದವಿ ಪಡೆದಿದ್ದು, ಮ್ಯಾಂಚೆಸ್ಟರ್ ವಿವಿಯಿಂದ ಮಾಸ್ಟರ್ ಹಾಗೂ ಪಿಎಚ್ಡಿ ಪದವಿ ಪಡೆದಿದ್ದಾರೆ. 1980ರ ಅವಧಿಯಲ್ಲಿ ಅವರು ಸೂಡಾನ್ನ ಹಣಕಾಸು ಇಲಾಖೆಯಲ್ಲಿ ಹಿರಿಯ ಅಧಿಕಾರಿಯಾಗಿ ಸೇವೆ ಸಲ್ಲಿಸಿದ್ದರು.
