ನವದೆಹಲಿ: ಕೇಂದ್ರ ರಕ್ಷಣಾ ಸಚಿವಾಲಯ ಮತ್ತು ಭಾರತೀಯ ಸೇನೆ ವತಿಯಿಂದ ಉದ್ಯೋಗಕ್ಕೆ ಅರ್ಜಿ ಕರೆಯಲಾಗಿದೆ. ಸೈನ್ಯಕ್ಕೆ ಸೇರಲು ಆಸಕ್ತಿ ಹೊಂದಿರುವ ಮಹಿಳೆಯರಿಗೂ ಇದೊಂದು ಸುವರ್ಣಾವಕಾಶ.
ರಕ್ಷಣಾ ಸಚಿವಾಲಯದ ಅಧೀನದಲ್ಲಿರುವ ಎಎಸ್‌ಸಿ ಕೇಂದ್ರ (ದಕ್ಷಿಣ) -2ದಲ್ಲಿ ಅಡುಗೆ ತಯಾರಕರು, ಚಾಲಕ ಮತ್ತು ನಾಗರಿಕ ಬೋಧಕ ಹುದ್ದೆಗೆ ಖಾಲಿ ಇರುವ 100 ಹುದ್ದೆಗಳನ್ನು ಭರ್ತಿ ಮಾಡಲು ಅರ್ಜಿ ಆಹ್ವಾನಿಸಲಾಗಿದೆ.10 ನೇ ತರಗತಿ ಪಾಸ್ ಆದ ಯುವಕರು ಈ ಹುದ್ದೆಗಳಿಗೆ ಅರ್ಜಿ ಸಲ್ಲಿಸಬಹುದಾಗಿದೆ. ಅರ್ಜಿದಾರರು ಅರ್ಜಿಯೊಂದಿಗೆ ದೃಢೀಕರಿಸಿದ ದಾಖಲೆಗಳನ್ನು ಅಂಚೆ ಮೂಲಕ ಕಳುಹಿಸಬೇಕು. ಅರ್ಜಿಯನ್ನು ಸಲ್ಲಿಸಲು ಕೊನೆಯ ದಿನಾಂಕ ಜೂನ್ 12.
ವಿವರಗಳು:
| ಹುದ್ದೆ | ಹುದ್ದೆ ಸಂಖ್ಯೆ | ಸಂಬಳ |
| ಕ್ಲೀನರ್ | 40 ಹುದ್ದೆ | Rs 18,000/ಮಾಸಿಕ |
| ಅಡುಗೆ ತಯಾರಕ | 15 ಹುದ್ದೆ | Rs 19,900/ಮಾಸಿಕ |
| ವಾಹನ ಚಾಲಕ | 42 ಹುದ್ದೆ | Rs 19,900/ಮಾಸಿಕ |
| ನಾಗರಿಕ ಅಡುಗೆ ಬೋಧಕ | 3 ಹುದ್ದೆ | Rs 19,900/ಮಾಸಿಕ |
ಅರ್ಹತೆ:
ಕ್ಲೀನರ್- 10 ನೇ ತರಗತಿ ಉತ್ತೀರ್ಣ, ಸಂಬಂಧಿತ ಕೆಲಸದಲ್ಲಿ ನುರಿತ
ಅಡುಗೆ ತಯಾರಕ - 10 ನೇ ತರಗತಿ ಉತ್ತೀರ್ಣ, ಅಡುಗೆಯಲ್ಲಿ ನುರಿತ (ಕನಿಷ್ಠ 1 ವರ್ಷದ ಅನುಭವದೊಂದಿಗೆ)
ವಾಹನ ಚಾಲಕ- ಹೆವಿ ಮೋಟಾರ್ ವಾಹನ ಚಾಲಕರ ಪರವಾನಗಿ ಇರಬೇಕು 2 ವರ್ಷಗಳ ಚಾಲನಾ ಅನುಭವ ಇರಬೇಕು.
ನಾಗರಿಕ ಅಡುಗೆ ಬೋಧಕ- 10 ನೇ ತರಗತಿ ಉತ್ತೀರ್ಣ ಆಗಿರಬೇಕು. ಅಡುಗೆ ಡಿಪ್ಲೊಮಾ, ಅಡುಗೆ ಬೋಧಕರಾಗಿ 1 ವರ್ಷದ ಅನುಭವ ಇರಬೇಕು.
ವಯಸ್ಸಿನ ಮಿತಿ- 18 ರಿಂದ 25 ವರ್ಷಗಳು
ಅರ್ಜಿ ಕಳುಹಿಸಲು ವಿಳಾಸ:
ಪ್ರಿಸೈಡಿಂಗ್ ಅಧಿಕಾರಿ, ನಾಗರಿಕ ನೇರ ನೇಮಕಾತಿ ಮಂಡಳಿ, ಸಿಎಚ್‌ಕ್ಯು, ಎಎಸ್‌ಸಿ ಕೇಂದ್ರ (ದಕ್ಷಿಣ) -2 ಎಟಿಸಿ, ಅಡ್ವಾನ್ಸ್ ಪೋಸ್ಟ್, ಬೆಂಗಳೂರು -07
ಮಹಿಳಾ ಸೈನಿಕರಿಗೆ ಅರ್ಜಿ ಆಹ್ವಾನ:
ಭಾರತೀಯ ಸೇನೆಯು ಮಹಿಳಾ ಅಭ್ಯರ್ಥಿಗಳಿಗಾಗಿ ಪ್ರತ್ಯೇಕವಾಗಿ ಜನರಲ್ ಡ್ಯೂಟಿ ಮಹಿಳಾ ಸೋಲ್ಜರ್ ನೇಮಕಾತಿ 2021 ಅನ್ನು ತೆರೆದಿದೆ.
ಆಸಕ್ತ ಅಭ್ಯರ್ಥಿಗಳು ಆನ್‌ಲೈನ್ ಅರ್ಜಿ ಭರ್ತಿ ಮಾಡುವ ಮೂಲಕ ಹುದ್ದೆಗೆ ಅರ್ಜಿ ಸಲ್ಲಿಸಬಹುದು. ಸುಮಾರು 100 ಹುದ್ದೆಗಳಿಗೆ ಅರ್ಜಿ ಆಹ್ವಾನಿಸಲಾಗಿದೆ. ಅರ್ಜಿ ಭರ್ತಿ ಮಾಡಲು ಕೊನೆಯ ದಿನಾಂಕ ಜುಲೈ 20, 2021.
ಅರ್ಹತೆ :
ಈ ಹುದ್ದೆ ಮಹಿಳಾ ಅಭ್ಯರ್ಥಿಗಳಿಗೆ ಮಾತ್ರ
ಶಿಕ್ಷಣ- ಕನಿಷ್ಠ 45 ಶೇಕಡಾ ಅಂಕಗಳೊಂದಿಗೆ ಭಾರತದ ಯಾವುದೇ ಮಾನ್ಯತೆ ಪಡೆದ ಮಂಡಳಿಯಿಂದ 10 ನೇ ತರಗತಿ ಉತ್ತೀರ್ಣ ಆಗಿರಬೇಕು
ವಯಸ್ಸಿನ ಮಿತಿ -17.5 ರಿಂದ 21 ವರ್ಷಗಳು
ದೈಹಿಕ ಅರ್ಹತೆ:
ಉದ್ದ- 152 ಸೆಂ
ಓಡುವ ಸಮಯ - 1.6 ಕಿ.ಮೀ / 7.30 ನಿಮಿಷ
ಉದ್ದ ಜಿಗಿತ - 10 ಅಡಿ
ಎತ್ತರ ಜಿಗಿತ - 3 ಅಡಿ
ಈ ಲಿಂಕ್ ಕ್ಲಿಕ್ ಮಾಡಿ ಅರ್ಜಿ ಸಲ್ಲಿಸಿ: ಮಹಿಳಾ ಸೈನಿಕರಿಗೆ ಅರ್ಜಿ ಆಹ್ವಾನ:
