ಬಹುಕಾಲದ ಗೆಳತಿ ಜೊತೆ ರಿಜಿಸ್ಟರ್ ಮದುವೆ ಆದ 'ಹಂಬಲ್​ ಪೊಲಿಟಿಷಿಯನ್​ ನೊಗರಾಜ್' ನಟ ದಾನೀಶ್ ಸೇಠ್

ನಿನ್ನೆ ರಿಜಿಸ್ಟರ್ ಮ್ಯಾರೇಜ್ ಮಾಡಿಕೊಂಡೆವು ಅಂತಾ ದಾನೀಶ್ ಸೇಠ್ ಸಾಮಾಜಿಕ ಜಾಲತಾಣದಲ್ಲಿ ಮಾಹಿತಿ ಹಂಚಿಕೊಂಡಿದ್ದು, ನಿಮ್ಮೆಲ್ಲರ ಆಶೀರ್ವಾದ ನಮಗಿರಲಿ ಎಂದು ಬರೆದುಕೊಂಡಿದ್ದಾರೆ.

ಕೊರೊನಾ ಸಮಯದಲ್ಲಿ ಸಾಕಷ್ಟು ಜನ ಸಿನಿಮಾ ತಾರೆಯರು ಮದುವೆ ಬಂಧನಕ್ಕೆ ಒಳಗಾಗುತ್ತಿದ್ದಾರೆ. ಹಾಗೆಯೇ ಬಹುಕಾಲದ ಗೆಳತಿ ಜೊತೆ ನಟ ದಾನೀಶ್ ಸೇಠ್ ನೋಂದಣಿ ವಿವಾಹ ಮಾಡಿಕೊಂಡಿದ್ದಾರೆ. ಹಂಬಲ್​ ಪೊಲಿಟಿಷಿಯನ್​ ನೊಗರಾಜ್​, ಫ್ರೆಂಚ್ ಬಿರಿಯಾನಿ ಸಿನಿಮಾ ಖ್ಯಾತಿಯ ಮತ್ತು ನಿರೂಪಕ ದಾನೀಶ್ ಸೇಠ್ ಸರಳವಾಗಿ ಮದುವೆ ಆಗಿದ್ದಾರೆ.

ಕೆಲ ತಿಂಗಳ ಹಿಂದೆ ದಾನೀಶ್ ಸೇಠ್, ಬಹುಕಾಲದ ಗೆಳತಿ ಅನ್ಯಾ ರಂಗಸ್ವಾಮಿ ಜೊತೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದರ ಬಗ್ಗೆ ಹೇಳಿಕೊಂಡಿದ್ದರು. ಈಗ ನಿನ್ನೆ ರಿಜಿಸ್ಟರ್ ಮ್ಯಾರೇಜ್ ಮಾಡಿಕೊಂಡೆವು ಅಂತಾ ದಾನೀಶ್ ಸೇಠ್ ಸಾಮಾಜಿಕ ಜಾಲತಾಣದಲ್ಲಿ ತಿಳಿಸಿದ್ದಾರೆ.

ಬಹುಕಾಲದ ಗೆಳತಿ ಜೊತೆ ರಿಜಿಸ್ಟರ್ ಮ್ಯಾರೇಜ್ ಆದ ನಟ ದಾನೀಶ್ ಸೇಠ್

ಅನ್ಯಾ ಹಾಗೂ ನನ್ನ ಕುಟುಂಬದ ಹಾಗೂ ಸ್ನೇಹಿತರ ಸಮ್ಮುಖದಲ್ಲಿ 15 ಜನರ ಮುಂದೆ ಉಂಗುರ ಬದಲಾಯಿಸಿಕೊಂಡೆವು. ಈ ಪಯಣ ಪ್ರೀತಿಯಿಂದ ಕೂಡಿರಲಿ ಎಂದು ಬಯಸುತ್ತ, ನಮ್ಮಿಬ್ಬರಿಗೂ ಹಾರೈಸಿ ಎಂದು ಮದುವೆಯ ಫೋಟೋಗಳನ್ನು ದಾನೀಶ್ ಸೇಠ್ ಹಂಚಿಕೊಂಡಿದ್ದಾರೆ.

ಅನ್ಯಾ ರಂಗಸ್ವಾಮಿ ಮುಂಬೈ ಮೂಲದವರಾಗಿದ್ದು, ಗ್ರಾಫಿಕ್ ಡಿಸೈನರ್ ​ಆಗಿ ಕೆಲಸ ಮಾಡುತ್ತಿದ್ದಾರೆ ಎಂದು ಈ ಹಿಂದೆಯೇ ಭಾವಿ ಪತ್ನಿ ಬಗ್ಗೆ ದಾನೀಶ್ ಸೇಠ್ ತಿಳಿಸಿದ್ದರು.

ಬಹುಕಾಲದ ಗೆಳತಿ ಜೊತೆ ರಿಜಿಸ್ಟರ್ ಮ್ಯಾರೇಜ್ ಆದ ನಟ ದಾನೀಶ್ ಸೇಠ್

ಈಗ ದಾನೀಶ್ ಸೇಠ್ ಅನ್ಯ ರಂಗಸ್ವಾಮಿ ಜೊತೆ, ರಿಜಿಸ್ಟರ್ ಮ್ಯಾರೇಜ್ ಆಗುವ ಮೂಲಕ ಹೊಸ ಜೀವನಕ್ಕೆ ಕಾಲಿಟ್ಟಿದ್ದಾರೆ. ದಾನೀಶ್ ಸೇಠ್​​ರ ಈ ಪೋಸ್ಟ್‌ಗೆ ಬಾಲಿವುಡ್‌ನ ಸ್ಟಾರ್ ನಟ-ನಟಿಯರು ಪ್ರತಿಕ್ರಿಯೆ ನೀಡಿದ್ದಾರೆ.

ನಟಿ ಅನುಷ್ಕಾ ಶರ್ಮಾ, ರಾಶಿ ಖನ್ನಾ, ಕೃಷಿ ತಾಪಂಡ, ಅರ್ಚನಾ ಪನಿಯಾ ಶರ್ಮಾ, ದಿಶಾ ಮದನ್ ಸೇರಿದಂತೆ ಸಾಕಷ್ಟು ಸಿನಿಮಾ ಸ್ನೇಹಿತರು ದಾನೀಶ್ ಸೇಠ್ ಮದುವೆಗೆ ಶುಭ ಹಾರೈಸಿದ್ದಾರೆ.