ಕೋಯಿಕ್ಕೋಡ್(ಕೇರಳ): ಕೋಯಿಕ್ಕೋಡ್ನ ಹೈಲೈಟ್ ಮಾಲ್ನಲ್ಲಿ ಇಂದು ಬಿಡುಗಡೆಯಾಗಲಿರುವ ಮಲೆಯಾಳಂ ತಳ್ಳುಮಾಲಾ (Thallumaala film) ಚಿತ್ರದ ಪ್ರಚಾರ ಕಾರ್ಯಕ್ರಮವನ್ನು ನಿನ್ನೆ ಹಮ್ಮಿಕೊಳ್ಳಲಾಗಿತ್ತು. ಆದರೆ, ಮಾಲ್ನಲ್ಲಿ ಬೃಹತ್ ಜನಸಮೂಹ ಜಮಾಯಿಸಿದ ಹಿನ್ನೆಲೆ ತಳ್ಳುಮಾಲಾ ಚಿತ್ರದ ಪ್ರಚಾರ ಕಾರ್ಯಕ್ರಮ ರದ್ದುಗೊಳಿಸಲಾಗಿದೆ.
ಮಾಲ್‌ನ ಜನಸಂದಣಿ ಚಿತ್ರಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿವೆ. ಚಿತ್ರದ ನಾಯಕ ನಟ ಟೊವಿನೋ ಥಾಮಸ್ ತಮ್ಮ ಇನ್‌ಸ್ಟಾಗ್ರಾಮ್ನಲ್ಲಿ ಲೈವ್‌ಗೆ ಹೋಗಿ ಅಭಿಮಾನಿಗಳಿಗೆ ಕೃತಜ್ಞತೆ ಸಲ್ಲಿಸಿದ್ದಾರೆ.
ಇಷ್ಟು ದೊಡ್ಡ ಮಟ್ಟದ ಜನಸಂದಣಿಯನ್ನು ನಾನು ನೋಡಿಲ್ಲ. ಮಾಲ್ನಲ್ಲಿ ಈ ಮಟ್ಟದ ಜನಸಂದಣಿಯನ್ನು ನಾವು ಎಂದಿಗೂ ನಿರೀಕ್ಷಿಸಿರಲಿಲ್ಲ. ನಾನು ಜೀವಂತವಾಗಿ ಹಿಂತಿರುಗುವುದು ಖಚಿತವಾಗಿರಲಿಲ್ಲ. ನಿಮ್ಮೆಲ್ಲರ ಪ್ರೀತಿಗೆ ಧನ್ಯವಾದಗಳು ಎಂದು ನಟ ಟೊವಿನೋ ಥಾಮಸ್ ತಿಳಿಸಿದ್ದಾರೆ.
ಮಾಲ್‌ನ ದೃಶ್ಯಗಳು ವೈರಲ್ ಆಗಿವೆ. ಮಾಲ್‌ನ ಎಲ್ಲ ಮಹಡಿಗಳಲ್ಲಿ ಇರುವೆಗಳಂತೆ ಜನರು ಕಾಣುತ್ತಿದ್ದಾರೆ. ಮಾಲ್‌ನ ಹೊರಗೆ ಭಾರಿ ಟ್ರಾಫಿಕ್ ಜಾಮ್ ಉಂಟಾಗಿತ್ತು ಎಂದು ವರದಿಯಾಗಿದೆ. ಈ ಹಿಂದೆ ಘೋಷಿಸಿದ್ದ ಇಡೀ ಕಾರ್ಯಕ್ರಮವನ್ನು ರದ್ದುಗೊಳಿಸಬೇಕಾಯಿತು.
ಇದನ್ನೂ ಓದಿ: ಗಾಳಿಪಟ 2 ದೊಡ್ಡ ಮಟ್ಟದಲ್ಲಿ ಹಾರುತ್ತೆ: ನಿರ್ದೇಶಕ ಯೋಗರಾಜ್ ಭಟ್‌
ಚಿತ್ರದ ಕಲರ್ ಫುಲ್ ಪೋಸ್ಟರ್ ಮತ್ತು ಟ್ರೇಲರ್ ಈಗಾಗಲೇ ಪ್ರೇಕ್ಷಕರ ಮನ ಗೆದ್ದಿದೆ. ಟ್ರೇಲರ್‌ನ ಡೈಲಾಗ್‌ಗಳು ಮತ್ತು ಸಂಗೀತವು ಸಾಮಾಜಿಕ ಜಾಲತಾಣಗಳಲ್ಲಿ ನೆಟಿಜನ್‌ಗಳ ಗಮನವನ್ನೂ ಸೆಳೆದಿದೆ. ಖಲೀದ್ ರೆಹಮಾನ್ ನಿರ್ದೇಶನದ ಈ ಚಿತ್ರದಲ್ಲಿ ನಟ ಟೊವಿನೋ ಥಾಮಸ್, ಕಲ್ಯಾಣಿ ಪ್ರಿಯದರ್ಶನ್ ಮತ್ತು ಶೈನ್ ಟಾಮ್ ಚಾಕೊ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ತಲ್ಲುಮಾಲಾ ಇಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ
