ಬಾಲಿವುಡ್ ನಿರ್ದೇಶಕ ಅನುರಾಗ್ ಕಶ್ಯಪ್ ಅವರ ಪುತ್ರಿ ಆಲಿಯಾ ಕಶ್ಯಪ್ ತಮ್ಮ ಅಮೆರಿಕದ ಗೆಳೆಯ ಶೇನ್ ಗ್ರೆಗೊಯಿರ್ ಅವರೊಂದಿಗೆ ಎಂಗೇಜ್ ಆಗಿದ್ದಾರೆ. ಈ ಜೋಡಿ ಗುರುವಾರ ಮುಂಬೈನಲ್ಲಿ ಅದ್ಧೂರಿಯಾಗಿ ನಿಶ್ಚಿತಾರ್ಥ ಪಾರ್ಟಿ ಆಯೋಜಿಸಿತ್ತು. ಸಮಾರಂಭಕ್ಕೆ ಅನೇಕ ಸೆಲೆಬ್ರಿಟಿಗಳು ಸಾಕ್ಷಿಯಾದರು. ಅವರಲ್ಲಿ ಸ್ಟಾರ್ ಕಿಡ್ಸ್ ಹೆಚ್ಚು ಗಮನ ಸೆಳೆದರು.
ಬಾಲಿವುಡ್ ಬಾದ್ ಶಾ ಶಾರುಖ್ ಖಾನ್ ಪುತ್ರಿ ಸುಹಾನಾ ಖಾನ್, ಆಕೆಯ ವದಂತಿ ಗೆಳೆಯ ಅಗಸ್ತ್ಯ ನಂದಾ ಜೊತೆ ಕಾಣಿಸಿಕೊಂಡರು. ನಟ ಸೈಫ್ ಅಲಿ ಖಾನ್ ಪುತ್ರ ಇಬ್ರಾಹಿಂ ಅಲಿ ಖಾನ್ ಅವರು ಗೆಳತಿ ಪಾಲಕ್ ತಿವಾರಿ ಜೊತೆ ಕ್ಯಾಮರಾದಲ್ಲಿ ಸೆರೆಯಾದರು. ಸುಹಾನಾ ಖಾನ್ ನೀಲಿ ಬಣ್ಣದ ಮಾರ್ಡನ್ ಸೀರೆಯಲ್ಲಿ ಎಲ್ಲರನ್ನೂ ಆಕರ್ಷಿಸಿದರು. ಖುಷಿ ಕಪೂರ್ ಗುಲಾಬಿ ಬಣ್ಣದ ಸೀರೆಯಲ್ಲಿ ಅಂದವಾಗಿ ಕಂಡರು.
ಪಾಲಕ್ ತಿವಾರಿ ಅವರು ಬ್ರೇಲೆಟ್ ಬ್ಲೌಸ್ ಮತ್ತು ಬೀಜ್ ಸೀರೆಯಲ್ಲಿ ಬಹುಕಾಂತೀಯವಾಗಿ ಕಾಣುತ್ತಿದ್ದರು. ಮತ್ತೊಂದೆಡೆ ಆಕೆಯ ವದಂತಿ ಗೆಳೆಯ ಇಬ್ರಾಹಿಂ ಅಲಿ ಖಾನ್ ಅವರು ಬಿಳಿ ಪ್ಯಾಂಟ್ಗೆ ಕಪ್ಪು ಬಂಧಗಾಲಾ ಜಾಕೆಟ್ ಧರಿಸಿ ಸುಂದರವಾಗಿ ಕಾಣುತ್ತಿದ್ದರು. ಅನುರಾಗ್ ಕಶ್ಯಪ್ ಅವರ ಮಾಜಿ ಪತ್ನಿ ಕಲ್ಕಿ ಕೊಚ್ಲಿನ್ ಅವರು ತಮ್ಮ ಮಗಳು ಸಫೊ ಮತ್ತು ಗೆಳೆಯ ಗೈ ಹರ್ಷ್ಬರ್ಗ್ ಜೊತೆ ಎಂಗೇಜ್ಮೆಂಟ್ ಪಾರ್ಟಿಯಲ್ಲಿ ಭಾಗವಹಿಸಿದ್ದರು.
ಇದನ್ನೂ ಓದಿ: ರಾಜಮೌಳಿ - ಮಹೇಶ್ ಬಾಬು ಸಿನಿಮಾ: ಟಾಲಿವುಡ್ ಪ್ರಿನ್ಸ್ ಬರ್ತ್ಡೇಯಂದು ಅಭಿಮಾನಿಗಳಿಗೆ ಬಿಗ್ ಸರ್ಪ್ರೈಸ್
ಆಲಿಯಾ ಕಶ್ಯಪ್ ಮತ್ತು ಶೇನ್ ಗ್ರೆಗೊಯಿರ್ ಸಾಂಪ್ರದಾಯಿಕ ಉಡುಗೆಯಲ್ಲಿ ಅದ್ಭುತವಾಗಿ ಕಾಣುತ್ತಿದ್ದರು. ಆಲಿಯಾ ಸುಂದರವಾದ ಬಿಳಿ ಲೆಹಂಗಾ ಧರಿಸಿದ್ದರು. ಶೇನ್ ಕುರ್ತಾ ಪೈಜಾಮ್ ಸೆಟ್ನಲ್ಲಿ ಹ್ಯಾಂಡ್ಸಮ್ ಆಗಿ ಕಾಣುತ್ತಿದ್ದರು. ಇಬ್ಬರು ಪರಸ್ಪರ ಮ್ಯಾಚಿಂಗ್ ಮಾಡಿಕೊಂಡಿದ್ದರು. ಆಲಿಯಾ ಮತ್ತು ಶೇನ್ ತುಂಬಾ ಮುದ್ದಾಗಿ ಕಾಣುತ್ತಿದ್ದರು.
ಎಂಗೇಜ್ಮೆಂಟ್ ಪಾರ್ಟಿಯಲ್ಲಿ ಮೀಜಾನ್ ಜಾಫ್ರಿ, ರಾಜ್ಕುಮಾರ್ ಸಂತೋಷಿ ಅವರ ಪುತ್ರಿ ತನಿಶಾ ಸಂತೋಷಿ ಮತ್ತು ಇನ್ನೂ ಅನೇಕ ಗಣ್ಯರು ಭಾಗವಹಿಸಿದ್ದರು. ಈವೆಂಟ್ನಲ್ಲಿ ಅನುರಾಗ್ ಕಶ್ಯಪ್ ಅವರು ತಮ್ಮ ಮಗಳೊಂದಿಗೆ ಸುಂದರ ಕ್ಷಣವನ್ನು ಆನಂದಿಸಿದರು. ಇಬ್ಬರು ಜೊತೆಯಾಗಿ ಅದ್ಭುತವಾಗಿ ಕಾಣುತ್ತಿದ್ದರು.
ಆಲಿಯಾ ಕಶ್ಯಪ್ ಮದುವೆಯಾಗಲಿರುವ ಶೇನ್ ಗ್ರೆಗೊಯಿರ್ ಅವರು ಅಮೆರಿಕನ್ ವಾಣಿಜ್ಯೋದ್ಯಮಿ ಮತ್ತು ಯೂಟ್ಯೂಬರ್ ಆಗಿದ್ದಾರೆ. ಜೋಡಿ ಅಮೆರಿಕದಲ್ಲಿ ಲಿವ್ ಇನ್ ರಿಲೇಷನ್ಶಿಪ್ನಲ್ಲಿದ್ದಾರೆ. ಆಗಾಗ ಭಾರತಕ್ಕೆ ಭೇಟಿ ನೀಡುತ್ತಿರುತ್ತಾರೆ. ಈ ವರ್ಷದ ಆರಂಭದಲ್ಲಿ ಅನನ್ಯಾ ಪಾಂಡೆಯ ಸೋದರ ಸಂಬಂಧಿ ಅಲನ್ನಾ ಪಾಂಡೆ ಅವರ ವಿವಾಹ ಸಮಾರಂಭದಲ್ಲಿ ಇಬ್ಬರೂ ಭಾಗವಹಿಸಿದ್ದರು.
ಇದನ್ನೂ ಓದಿ: ಎಂಗೇಜ್ ಆದ ಅನುರಾಗ್ ಕಶ್ಯಪ್ ಪುತ್ರಿ: ಬಹುಕಾಲದ ಗೆಳೆಯ ಶೇನ್ಗೆ 'Yes' ಆಲಿಯಾ
