ಭಾರತೀಯ ಚಿತ್ರರಂಗದ ಅತ್ಯಂತ ಜನಪ್ರಿಯ ನಟ ಸಲ್ಮಾನ್ ಖಾನ್ ಹುಟ್ಟುಹಬ್ಬದ ಸಂಭ್ರಮದಲ್ಲಿದ್ದಾರೆ. 58ನೇ ಜನ್ಮದಿನ ಆಚರಿಸಿಕೊಳ್ಳುತ್ತಿರುವ ನಟನಿಗೆ ದೇಶ ಮಾತ್ರವಲ್ಲದೇ ವಿಶ್ವಾದ್ಯಂತ ಇರುವ ಅಪಾರ ಸಂಖ್ಯೆಯ ಅಭಿಮಾನಿಗಳು, ಕುಟುಂಬ ಸದಸ್ಯರು, ಸ್ನೇಹಿತರು, ಚಿತ್ರರಂಗದವರು ಶುಭ ಕೋರುತ್ತಿದ್ದಾರೆ. ಶುಭಾಶಯಗಳ ಸಂದೇಶ ಕಳುಹಿಸುತ್ತಿರುವ ಸಿನಿರಂಗದ ಖ್ಯಾತನಾಮರ ಪೈಕಿ ಕನ್ನಡ ಚಿತ್ರರಂಗದ ಅಭಿನಯ ಚಕ್ರವರ್ತಿ ಸುದೀಪ್ ಸಹ ಇದ್ದಾರೆ. ಹೌದು, ಸ್ಯಾಂಡಲ್ವುಡ್ನ ಜನಪ್ರಿಯ ನಟ ಸುದೀಪ್ ಅವರು ಸೋಷಿಯಲ್ ಮೀಡಿಯಾದಲ್ಲಿ ಬರ್ತ್ಡೇ ಬಾಯ್ ಸಲ್ಮಾನ್ ಖಾನ್ ಅವರಿಗೆ ವಿಶೇಷವಾಗಿ ಶುಭ ಕೋರಿದ್ದಾರೆ.
-
My bestest wishes to u my dear sir and brother @BeingSalmanKhan .
— Kichcha Sudeepa (@KicchaSudeep) December 27, 2023 " class="align-text-top noRightClick twitterSection" data="
Every moment spent with u is always cherished. Thank u for being the wonderful Human you have always been in our lives.
Happy returns sir.♥️ pic.twitter.com/dTgo97Agx6
">My bestest wishes to u my dear sir and brother @BeingSalmanKhan .
— Kichcha Sudeepa (@KicchaSudeep) December 27, 2023
Every moment spent with u is always cherished. Thank u for being the wonderful Human you have always been in our lives.
Happy returns sir.♥️ pic.twitter.com/dTgo97Agx6My bestest wishes to u my dear sir and brother @BeingSalmanKhan .
— Kichcha Sudeepa (@KicchaSudeep) December 27, 2023
Every moment spent with u is always cherished. Thank u for being the wonderful Human you have always been in our lives.
Happy returns sir.♥️ pic.twitter.com/dTgo97Agx6
ನಟ ಸುದೀಪ್ ಪೋಸ್ಟ್: ಸೋಷಿಯಲ್ ಮೀಡಿಯಾ ಪ್ಲಾಟ್ಫಾರ್ಮ್ ಎಕ್ಸ್ನಲ್ಲಿ ಸುದೀಪ್ ಪೋಸ್ಟ್ ಒಂದನ್ನು ಶೇರ್ ಮಾಡಿದ್ದಾರೆ. ಸಲ್ಮಾನ್ ಜೊತೆಗಿನ ಫೋಟೋ ಹಂಚಿಕೊಂಡ ಕಿಚ್ಚ, ''ನನ್ನ ಪ್ರೀತಿಯ ಸರ್ ಹಾಗೂ ಸಹೋದರ ಸಲ್ಮಾನ್ ಖಾನ್ ಅವರಿಗೆ ನನ್ನ ಶುಭಾಶಯಗಳು. ನಿಮ್ಮೊಂದಿಗೆ ಕಳೆದ ಪ್ರತಿ ಕ್ಷಣ ಅದ್ಭುತ. ನಮ್ಮ ಜೀವನದಲ್ಲಿ ಯಾವಾಗಲೂ ಅದ್ಭುತ ಮಾನವರಾಗಿ ಇರುವುದಕ್ಕಾಗಿ ಧನ್ಯವಾದಗಳು. ಹ್ಯಾಪಿ ರಿಟರ್ನ್ಸ್ ಸರ್'' ಎಂದು ಬರೆದುಕೊಂಡಿದ್ದಾರೆ.
ಸಲ್ಮಾನ್ ಖಾನ್ ಹೆಚ್ಚಾಗಿ ತಮ್ಮ ಹುಟ್ಟುಹಬ್ಬವನ್ನು ಕುಟುಂಬಸ್ಥರೊಂದಿಗೆ ಆಚರಿಸಿಕೊಳ್ಳುತ್ತಾರೆ. ಅದರಂತೆ ಈ ಬಾರಿಯೂ ಫಾಮಿಲಿ ಜೊತೆಯೇ ನಟ ಬರ್ತ್ ಡೇ ಸೆಲೆಬ್ರೇಟ್ ಮಾಡಿಕೊಂಡಿದ್ದು, ಸೆಲೆಬ್ರೇಶನ್ ಫೋಟೋ ವಿಡಿಯೋಗಳು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ. ಇಂದು ಸಹೋದರಿ ಅರ್ಪಿತಾ ಮತ್ತು ಆಯುಷ್ ಅವರ ಮಗಳು ಆಯತ್ ಅವರ ಹುಟ್ಟುಹಬ್ಬವೂ ಹೌದು. ಇಬ್ಬರ ಜನ್ಮದಿನವನ್ನು ಒಟ್ಟಿಗೆ ಆಚರಿಸಲಾಗಿದ್ದು, ಈವೆಂಟ್ಗೆ ಸಂಬಂಧಿಸಿದ ವಿಡಿಯೋಗಳು ಆನ್ಲೈನ್ನಲ್ಲಿ ವೈರಲ್ ಆಗಿವೆ.
ಅಪಾರ ಸಂಖ್ಯೆಯ ಅಭಿಮಾನಿಗಳು ನಟನ ಮುಂದಿನ ಪ್ರಾಜೆಕ್ಟ್ಗಳ ಘೋಷಣೆಗೆ ಕಾತರರಾಗಿದ್ದಾರೆ. ಈ ಸಾಲಿನಲ್ಲಿ ನಟ ಕಿಸಿ ಕಾ ಭಾಯ್, ಕಿಸಿ ಕಿ ಜಾನ್ ಚಿತ್ರದಲ್ಲಿ ಕಾಣಿಸಿಕೊಂಡರು. ಸಿನಿಮಾ ಮೇಲೆ ಸಾಕಷ್ಟು ನಿರೀಕ್ಷೆ ಇಟ್ಟುಕೊಳ್ಳಲಾಗಿತ್ತು. ಉತ್ತಮ ಪ್ರದರ್ಶನ ಕಂಡಿತಾದರೂ, ಬಾಕ್ಸ್ ಆಫೀಸ್ ವಿಚಾರದಲ್ಲಿ ಸಿನಿಮಾ ಪ್ರೇಕ್ಷಕರ ನಿರೀಕ್ಷೆ ತಲುಪುವಲ್ಲಿ ಕೊಂಚ ಹಿನ್ನೆಡೆ ಕಂಡಿತು. ಅದಾದ ಬಳಿಕ ಬಂದ ಟೈಗರ್ 3 ಯಶಸ್ವಿ ಆಗಿದೆ. ಕತ್ರಿನಾ ಕೈಫ್ ಜೊತೆಗಿನ ಈ ಸಿನಿಮಾ ಪ್ರೇಕ್ಷಕರನ್ನು ರಂಜಿಸುವಲ್ಲಿ ಯಶ ಕಂಡಿದೆ. ಈ ಹಿನ್ನೆಲೆ ಮುಂದಿನ ಪ್ರಾಜೆಕ್ಟ್ಗಳ ಮೇಲೆ ಸಾಕಷ್ಟು ನಿರೀಕ್ಷೆ ಇಟ್ಟುಕೊಳ್ಳಲಾಗಿದೆ.
ಇದನ್ನೂ ಓದಿ: ಸೊಸೆಯ ಜೊತೆ ಜನ್ಮದಿನ ಆಚರಿಸಿಕೊಂಡ ಸಲ್ಮಾನ್ ಖಾನ್.. ಫೋಟೋ ಹಂಚಿಕೊಂಡ ಬಾಬಿ ಡಿಯೋಲ್!
''ಟೈಗರ್ ವರ್ಸಸ್ ಪಠಾಣ್'' ಮುಂದಿನ ಬಹುನಿರೀಕ್ಷಿತ ಪ್ರಾಜೆಕ್ಟ್. ಸಲ್ಮಾನ್ ಖಾನ್ ಮತ್ತು ಶಾರುಖ್ ಖಾನ್ ಸಂಭಾವ್ಯ ಸಿನಿಮಾ ಮೇಲೆ ನಿರೀಕ್ಷೆ ಸಾಕಷ್ಟಿದೆ. ಜೊತೆಗೆ ಕರಣ್ ಜೋಹರ್ ಜೊತೆಗಿನ ಸಿನಿಮಾವೊಂದಕ್ಕೆ ಸಹಿ ಹಾಕಿದ್ದಾರೆ. ಸೂರಜ್ ಬರ್ಜತ್ಯಾ ಜೊತೆ ಪ್ರೇಮ್ ಕಿ ಶಾದಿ ಎಂಬ ಸಿನಿಮಾದಲ್ಲಿ ಕೆಲಸ ಮಾಡುತ್ತಿದ್ದಾರೆ ಎಂಬ ಸುದ್ದಿ ಹರಿದಾಡುತ್ತಿದೆ. ಇದಲ್ಲದೇ ಕಿಕ್ 2 ಮತ್ತು ದಬಾಂಗ್ 4 ಬಗ್ಗೆಯೂ ಊಹಾಪೋಹಗಳಿವೆ. ಈ ಪ್ರಾಜೆಕ್ಟ್ಗಳ ಅಧಿಕೃತ ಘೋಷಣೆ, ಅಪ್ಡೇಟ್ಸ್ಗಾಗಿ ಅಭಿಮಾನಿಗಳು ಕಾತರರಾಗಿದ್ದಾರೆ.
ಇದನ್ನೂ ಓದಿ: ನ್ಯೂಯಾರ್ಕ್ ಬೀದಿಯಲ್ಲಿ ಯುವತಿಯೊಂದಿಗೆ ಓಡಾಡಿದ ನಟ ವಿಶಾಲ್; ಮದುವೆ ಗಾಸಿಪ್ ಶುರು
