ಮುಂಬೈ: ನಟಿ ಸಮಂತಾ ರುತ್ ಪ್ರಭ್ ಅವರ ಬಹುನಿರೀಕ್ಷಿತ ಚಿತ್ರ 'ಶಾಕುಂತಲಂ' ಇನ್ನೇನು ತೆರೆಗೆ ಬರಲು ಸಜ್ಜಾಗಿದೆ. ಈ ಮೊದಲು ಚಿತ್ರದ ಹಾಡನ್ನು ಬಿಡುಗಡೆ ಮಾಡುವ ಮೂಲಕ ಚಿತ್ರತಂಡ ಅಭಿಮಾನಿಗಳಿಗೆ ಚಿತ್ರದ ಕಾತುರತೆ ಮಟ್ಟ ಹೆಚ್ಚಿಸಿದೆ. ಪುರಾಣ ಕಥೆಯನ್ನು ಹೊಂದಿರುವ 'ಶಾಕುಂತಲಂ' ಚಿತ್ರದ ಮೊದಲ ಹಾಡನ್ನು ಬುಧವಾರ ಬಿಡುಗಡೆ ಮಾಡಲಾಗಿದೆ. 'ಮಲ್ಲಿಕಾ ಮಲ್ಲಿಕಾ' ಹಾಡು ಬಿಡುಗಡೆಯಾಗಿದ್ದು, ಈ ಬಗ್ಗೆ ನಟಿ ಕೂಡ ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಅಭಿಮಾನಿಗಳಿಗೆ ಹಾಡಿನ ಸಮರ್ಪಣೆ ಮಾಡಿದ್ದಾರೆ.
ತಮ್ಮ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಚಿತ್ರದ ಸ್ಟಿಲ್ ಫೋಟೋವನ್ನು ಹಂಚಿಕೊಂಡಿರುವ ನಟಿ, ಮಲ್ಲಿಕಾ ನಿಮಗಾಗಿ ಎಂಬ ಕ್ಯಾಪ್ಶನ್ ಬರೆದಿದ್ದಾರೆ. ಬಿಳಿ ಉಡುಗೆಯಲ್ಲಿ ಕೊಳದ ಮುಂದೆ ನಟಿ ಸಮಂತಾ ಕಂಡು ಬಂದಿದ್ದಾರೆ. ಇನ್ನು ಈ ಹಾಡಿಗೆ ರಮ್ಯಾ ಬೆಹ್ರಾ ಧ್ವನಿಯಾಗಿದ್ದರು, ಮಣಿ ಶರ್ಮಾ ನಿರ್ದೇಶನ ಮಾಡಿದ್ದಾರೆ. ಇನ್ನು ಹಾಡಿನ ಸಾಹಿತ್ಯವನ್ನು ಚೈತನ್ಯ ಪ್ರಸಾದ್ ಬರೆದಿದ್ದಾರೆ.
ಅಭಿಮಾನಿಗಳಿಂದ ಮೆಚ್ಚುಗೆ: ಸಮಂತಾ ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಈ ಕುರಿತು ಮಾಹಿತಿ ಹಂಚಿಕೊಳ್ಳುತ್ತಿದ್ದಂತೆ ಅಭಿಮಾನಿಗಳು ಪ್ರೀತಿಯ ಶುಭಾಶಯಗಳನ್ನು ಹರಿಸಿದ್ದಾರೆ. 'ನಿಮ್ಮ ನೋಟ ನನ್ನ ಎದೆ ಬಡಿತ ಹೆಚ್ಚಿಸಿದೆ' ಎಂಬು ಒಬ್ಬ ಅಭಿಮಾನಿ ಬರೆದರೆ ಮತ್ತೊಬ್ಬರು 'ನೀವು ಈ ಕಾಲದ ರಾಣಿ ಎಂಬುದರಲ್ಲಿ ಯಾವುದೇ ಸಂದೇಹವಿಲ್ಲ' ಎಂದಿದ್ದಾರೆ.
- " class="align-text-top noRightClick twitterSection" data="
">
ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ನಿರ್ಮಾಣವಾಗುತ್ತಿರುವ ಈ ಪೌರಾಣಿಕ ರೋಮ್ಯಾಂಟಿಕ್ ಚಿತ್ರದಲ್ಲಿ ಮೂವರು ನಾಯಕರಿದ್ದಾರೆ. ದುಷ್ಯಂತನಾಗಿ ದೇವ್ ಮೋಹನ್ ಬಣ್ಣ ಹಚ್ಚಿದ್ದಾರೆ. ಈ ಚಿತ್ರದ ಮತ್ತೊಂದು ವಿಶೇಷ ಎಂದರೆ, ಈ ಸಿನಿಮಾದಲ್ಲಿ ಪುಷ್ಪ ಖ್ಯಾತಿಯ ನಟ ಅಲ್ಲು ಅರ್ಜುನ್ ಅವರ ಮಗಳು ನಟಿಸುತ್ತಿದ್ದಾಳೆ, ಇದೇ ಮೊದಲ ಬಾರಿಗೆ ಈಕೆ ತೆರೆ ಮೇಲೆ ಬಣ್ಣ ಹಚ್ಚಿದ್ದಾಳೆ
ಪ್ಯಾನ್ ಇಂಡಿಯಾ ಸಿನಿಮಾ: ಕಾಳಿದಾಸ ನಿರ್ಮಿತ ಅಭಿಜ್ಞಾನ ಶಾಕುಂತlಲೆಯ ಕಥೆ ಆಧಾರಿತ ಈ ಚಿತ್ರಕ್ಕೆ ರುದ್ರಮದೇವಿ ಚಿತ್ರ ನಿರ್ದೇಶಿಸಿದ ಪ್ರಶಸ್ತಿ ಪುರಸ್ಕೃತ ಗುಣಶೇಖರ್ ನಿರ್ದೇಶನ ಮಾಉತ್ತಿದ್ದಾರೆ. ಈ ಚಿತ್ರ ಮುಂದಿನ ತಿಂಗಳು ಅಂದರೆ ಫೆಬ್ರವರಿ 17ರಂದು ಬಿಡುಗಡೆಗೆ ಸಜ್ಜಾಗಿದೆ. ಕನ್ನಡ, ಹಿಂದಿ, ತಮಿಳು, ಮಲಯಾಳಂ ಭಾಷೆಗಳಲ್ಲಿ ಈ ಚಿತ್ರ ಹೊರ ಬರುತ್ತಿದೆ.
ಇನ್ನು ಈ ಚಿತ್ರದ ಟ್ರೈಲರ್ ಇತ್ತೀಚೆಗಷ್ಟೇ ಬಿಡುಗಡೆಯಾಗಿತ್ತು. ಈ ಬಿಡುಗಡೆ ಕಾರ್ಯಕ್ರಮದಲ್ಲಿ ಸಮಂತಾ ಅವರು ವೇದಿಕೆ ಮೇಲೆ ಕಣ್ಣೀರು ಹಾಕಿದ್ದು ಸುದ್ದಿಯಾಗಿತ್ತು. ಮೈಯೋಸಿಟಿಸ್ ಕಾಯಿಲೆಯಿಂದ ಬಳಲುತ್ತಿರುವ ಅವರು, ಸಿನಿಮಾದಿಂದ ಅಂತರ ಕಾಯ್ದುಕೊಂಡಿದ್ದರು. ಬಹುದಿನಗಳ ಬಳಿಕ ಅವರು ಶಾಕುಂತಲಂ ಚಿತ್ರದ ಟ್ರೈಲರ್ನಲ್ಲಿ ಕಾಣಿಸಿಕೊಂಡಿದ್ದರು. ಈ ಚಿತ್ರವನ್ನು ದಿಲ್ರಾಜು ನಿರ್ಮಾಣ ಮಾಡಿದ್ದು, ಚಿತ್ರದಲ್ಲಿ ಅದ್ಬುತ ಸೆಟ್, ಉತ್ತಮ ಮೇಕಿಂಗ್ ಮತ್ತು ಸಿನಿಮಾಟೋಗ್ರಾಫಿಯನ್ನು ಕಾಣಬಹುದಾಗಿದೆ.
ಇನ್ನು ಸಮಂತಾ ಅವರು ಥ್ರಿಲ್ಲರ್ ಸಿನಿಮಾವಾಗಿದ್ದ ಯಶೋಧಾ ಇತ್ತೀಚೆಗಷ್ಟೇ ಬಿಡುಗಡೆಯಾಗಿದ್ದು, ಅಭಿಮಾನಿಗಳಿಂದ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದ್ದರು. 'ಶಾಕುಂತಲಂ' ಬಳಿಕ ಸುಮಂತಾಇದೇ ಮೊದಲ ಬಾರಿ ವಿಜಯದೇವರಕೊಂಡ ಜೊತೆ ನಟಿಸುತ್ತಿರುವ 'ಖುಷಿ ಚಿತ್ರ ಬಿಡುಗಡೆಗೆ ಸಜ್ಜಾಗಿದೆ.
ಇದನ್ನೂ ಓದಿ: ಶಾಕುಂತಲಂ ಚಿತ್ರದ ಟ್ರೇಲರ್ ಬಿಡುಗಡೆ ಸಮಾರಂಭ.. ವೇದಿಕೆ ಮೇಲೆಯೇ ಕಣ್ಣೀರಿಟ್ಟ ನಟಿ ಸಮಂತಾ
