ರಾಜಮೌಳಿ ನಿರ್ದೇಶನದ ಆರ್ಆರ್ಆರ್ ಭಾರತದಲ್ಲಿ ಮಾತ್ರವಲ್ಲದೇ ಹಾಲಿವುಡ್ನಲ್ಲೂ ಬ್ಲಾಕ್‌ಬಸ್ಟರ್ ಎನಿಸಿಕೊಂಡಿತ್ತು. ರಾಮ್ ಚರಣ್ ಮತ್ತು ಜೂನಿಯರ್ ಎನ್ಟಿಆರ್ ಅಭಿನಯಕ್ಕೆ ಅಭಿಮಾನಿಗಳು ಭೇಷ್ ಎಂದಿದ್ದರು. ಸಿನಿಮಾ 1,200 ಕೋಟಿ ರೂ.ಗೂ ಹೆಚ್ಚು ಗಳಿಕೆ ಮಾಡಿದೆ ಎನ್ನಲಾಗಿದೆ. ಈ ಚಿತ್ರದ ನಿರ್ದೇಶನಕ್ಕೆ ಇದೀಗ ಹಾಲಿವುಡ್ನ ಪ್ರತಿಷ್ಠಿತ 'ದಿ ನ್ಯೂಯಾರ್ಕ್ ಫಿಲ್ಮ್ ಕ್ರಿಟಿಕ್ಸ್ ಸರ್ಕಲ್' ಪ್ರಶಸ್ತಿ ಲಭಿಸಿದೆ.
ಪ್ರಶಸ್ತಿ ಪಡೆದ ರಾಜಮೌಳಿ ಅವರಿಗೆ ಸಿನಿಮಾ ಹೀರೋಗಳಾದ ರಾಮ್ ಚರಣ್ ಮತ್ತು ತಾರಕ್ ಶುಭಾಶಯ ತಿಳಿಸಿದ್ದಾರೆ. ಜೂನಿಯರ್ ಎನ್ಟಿಆರ್ ಟ್ವಿಟ್ ಮಾಡಿ, 'ಅಭಿನಂದನೆಗಳು ಜಕ್ಕಣ್ಣ(ರಾಜಮೌಳಿ). ವಿಶ್ವಾದ್ಯಂತ ನಿಮ್ಮ ವೈಭವದ ಪ್ರಯಾಣ ಪ್ರಾರಂಭವಾಗಿದೆ. ನಿಮ್ಮ ಬಗ್ಗೆ ನನಗೆ ತಿಳಿದಿರುವುದನ್ನು ಜಗತ್ತು ತಿಳಿದುಕೊಳ್ಳುವ ಸಮಯ' ಎಂದಿದ್ದಾರೆ. ಇದಕ್ಕೆ 'ತಾರಕ್ ಒಂದು ಸಣ್ಣ ತಿದ್ದುಪಡಿ. ನನ್ನ ಪಯಣ ಅಲ್ಲ ನಮ್ಮ ಪಯಣ' ಎಂದು ರಾಜಮೌಳಿ ಪ್ರತಿಕ್ರಿಯಿಸಿದ್ದಾರೆ.
ರಾಮ್ ಚರಣ್ ಕೂಡ ಟ್ವಿಟ್ ಮಾಡಿದ್ದು, 'ಅಭಿನಂದನೆಗಳು ರಾಜಮೌಳಿ ಅವರೇ. ಆರ್ಆರ್ಆರ್ ಸಿನಿಮಾಕ್ಕಾಗಿ ಉತ್ತಮ ನಿರ್ದೇಶಕ ಪ್ರಶಸ್ತಿ ಪಡೆಯಲು ನೀವು ಅರ್ಹರು. ಭಾರತೀಯ ಸಿನಿಮಾವನ್ನು ಜಾಗತಿಕ ಮಟ್ಟಕ್ಕೆ ಕೊಂಡೊಯ್ದಿದ್ದಕ್ಕಾಗಿ ಧನ್ಯವಾದಗಳು' ಎಂದಿದ್ದಾರೆ.
ಆರ್ಆರ್ಆರ್ ಸಿನಿಮಾ ಬ್ರಿಟೀಷರ ವಿರುದ್ಧದ ಹೋರಾಟದ ಕಥನವಾಗಿ ರಾಜಮೌಳಿ ಹೆಣೆದಿದ್ದರು. ಇಬ್ಬರು ನಾಯಕರು ಬ್ರಿಟೀಷರ ವಿರುದ್ಧ ಬೇರೆ ಬೇರೆ ಉದ್ದೇಶದಿಂದ ಹೋರಾಡುವ ಕಥೆ ಇದಾಗಿತ್ತು. ಸಿನಿಮಾದಲ್ಲಿ ನೈಜ ಸ್ವಾತಂತ್ರ್ಯ ಹೋರಾಟಗಾರರಾದ ಕೊಮುರಂ ಭೀಮ್ ಪಾತ್ರದಲ್ಲಿ ಜೂನಿಯರ್ ಎನ್ಟಿಆರ್ ಮತ್ತು ಅಲ್ಲೂರಿ ಸೀತಾರಾಮರಾಜು ಪಾತ್ರದಲ್ಲಿ ರಾಮ್ ಚರಣ್ ಕಾಣಿಸಿಕೊಂಡಿದ್ದರು.
ಇದನ್ನೂ ಓದಿ: 'ರಾಘು' ಸಿನಿಮಾದಲ್ಲಿ ಚಿನ್ನಾರಿ ಮುತ್ತನ ಹೊಸ ಪ್ರಯೋಗ!
