'ನ್ಯಾಶನಲ್ ಕ್ರಶ್' ಜನಪ್ರಿಯತೆಯ ಬಹುಭಾಷಾ ನಟಿ ರಶ್ಮಿಕಾ ಮಂದಣ್ಣ ಸಾಮಾಜಿಕ ಜಾಲತಾಣದಲ್ಲಿ ಸಕ್ರಿಯರಾಗಿದ್ದಾರೆ. ಬಗೆಬಗೆಯ ಫೋಟೋ, ವಿಡಿಯೋ ಹಂಚಿಕೊಳ್ಳುತ್ತಿರುತ್ತಾರೆ. ದಿನನಿತ್ಯದ ಫೋಟೋಗಳನ್ನು ಪೋಸ್ಟ್ ಮಾಡುವ ಮೂಲಕವೂ ಅಭಿಮಾನಿಗಳಿಗೆ ಹತ್ತಿರವಾಗುತ್ತಾರೆ. ಸ್ಫೂರ್ತಿದಾಯಕ ಬರಹಗಳ ಮೂಲಕವೂ ಗಮನ ಸೆಳೆಯುತ್ತಾರೆ. ಸದಾ ತಮ್ಮ ಫೋಟೋಗಳನ್ನು ಹಂಚಿಕೊಳ್ಳುವ 'ಕಿರಿಕ್ ಪಾರ್ಟಿ' ಬೆಡಗಿ, ತಮ್ಮ ಸಾಮಾಜಿಕ ಮಾಧ್ಯಮದಲ್ಲಿಂದು ಪೌಟ್-ಫೇಸ್ ಸೆಲ್ಫಿಯನ್ನು ಪ್ರಕಟಿಸಿದ್ದಾರೆ.
ಇನ್‌ಸ್ಟಾಗ್ರಾಮ್‌ನಲ್ಲಿ ಪೌಟ್-ಫೇಸ್ ಸೆಲ್ಫಿ ಹಂಚಿಕೊಂಡಿರುವ ರಶ್ಮಿಕಾ ಮಂದಣ್ಣ, "ನನಗೆ ಹೇಗೆ ಪೌಟ್ ಮಾಡಬೇಕೆಂದು ತಿಳಿದಿಲ್ಲ, ಹಾಗಾಗಿ ಇದು ನೇರವಾಗಿ ಕಿಸ್ಸಿ" ಎಂದು ಬರೆದುಕೊಂಡಿದ್ದಾರೆ. ಅತೀ ಕಡಿಮೆ ಮೇಕಪ್ನಲ್ಲಿ ನಟಿ ಕಾಣಿಸಿಕೊಂಡಿದ್ದು, ಸಿಂಪಲ್ ಗೋಲ್ಡ್ ಚೈನ್ ಮತ್ತು ಕಿವಿಯೋಲೆ ಧರಿಸಿದ್ದಾರೆ. ಬಹುಭಾಷಾ ತಾರೆ ಪೋಸ್ಟ್ ಹಂಚಿಕೊಂಡ ಕೂಡಲೇ ಅಭಿಮಾನಿಗಳು ಕಾಮೆಂಟ್ ವಿಭಾಗಕ್ಕೆ ಸೇರಿ ಪ್ರೀತಿ ಮತ್ತು ಅಭಿನಂದನೆಗಳ ಮಳೆಗೈದರು.
- " class="align-text-top noRightClick twitterSection" data="
">
ಅಭಿಮಾನಿಯೊಬ್ಬರು, "ಇದು ಪ್ರತಿಯೊಬ್ಬರ ದಿನವನ್ನು ಉತ್ತಮಪಡಿಸುತ್ತದೆ" ಎಂದು ಕಾಮೆಂಟ್ ಮಾಡಿದ್ದಾರೆ. ಮತ್ತೊಬ್ಬರು, "ನ್ಯಾಶನಲ್ ಕ್ರಶ್" ಎಂದು ಸಂತಸ ವ್ಯಕ್ತಪಡಿಸಿದ್ದಾರೆ. ಇನ್ನೋರ್ವ ಅಭಿಮಾನಿ, "ಜನರು ಒಂದೇ ಒಂದು ಚಂದ್ರ ಇರುವುದು ಎಂದು ಹೇಳುತ್ತಾರೆ, ಆದರೆ ಜನರ ಭಾವಿಸುವಿಕೆ ತಪ್ಪು, ಭೂಮಿಯಲ್ಲಿ ಒಂದು ಚಂದ್ರವಿದೆ, ಅದು ಯಾರೆಂದು ನಿಮಗೆ ತಿಳಿದಿದೆ, ಅದು ಒಬ್ಬರೇ, ಆ ಚಂದ್ರ ನೀವೇ ರಶ್ಮಿಕಾ ಮಂದಣ್ಣ'' ಎಂದು ಹೊಗಳಿದ್ದಾರೆ.
ಮೇಕಪ್ ಇಲ್ಲದೇ ಫೋಟೋ ಹಂಚಿಕೊಂಡ ಹಿನ್ನೆಲೆಯಲ್ಲಿ ಕೆಲವರು ವ್ಯಂಗ್ಯವಾಗಿ ಕಾಮೆಂಟ್ ಮಾಡಿದ್ದಾರೆ. ಮುಖದ ಮೇಲಿನ ಕೂದಲನ್ನು ಗಮನಿಸಿದ ನೆಟ್ಟಿಗರು, ''ನಿಮಗೆ ಗಡ್ಡ ಬಂದಿದೆ, ಮೇಡಂ ಮುಖದಲ್ಲಿ ದಾಡಿ ಇದೆ'' ಎಂದು ಸಲಹೆ ನೀಡಿದ್ದಾರೆ. ಮತ್ತೊಬ್ಬರು "ಸ್ವಲ್ಪ ಸ್ವಲ್ಪ ಗಡ್ಡ ಬರುತ್ತಿದೆ'' ಎಂದು ಬರೆದಿದ್ದಾರೆ. ಮತ್ತೊಬ್ಬ ಬಳಕೆದಾರರು, "ರಶ್ಮಿಕಾ ಜಿ ಶೇವ್ ಮಾಡಿ, ಗಡ್ಡ ಕಾಣುತ್ತಿದೆ'' ಎಂದು ಬರೆದಿದ್ದಾರೆ.
ಇದನ್ನೂ ಓದಿ: ಒಂದು ವರ್ಷದ ಸಂಭ್ರಮದಲ್ಲಿ ಇತಿಹಾಸ ಸೃಷ್ಟಿಸಿದ 'KGF 2': ರಾಕಿಭಾಯ್ ಮುಂದಿನ ಚಿತ್ರಕ್ಕೆ ಹೆಚ್ಚಿದ ಕುತೂಹಲ
ರಶ್ಮಿಕಾ ಮಂದಣ್ಣ ಮುಂದಿನ ಸಿನಿಮಾ..: ಬಾಲಿವುಡ್ ನಟ ರಣ್ಬೀರ್ ಕಪೂರ್ ಜೊತೆ ಅನಿಮಲ್ ಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಸಂದೀಪ್ ರೆಡ್ಡಿ ವಂಗಾ ನಿರ್ದೇಶನದ ಈ ಚಲನಚಿತ್ರವು ಆಗಸ್ಟ್ 11ರಂದು ಬಿಡುಗಡೆಯಾಗಲಿದೆ. ಮೊದಲ ಬಾರಿಗೆ ಸ್ತ್ರೀ ಪ್ರಧಾನ ಚಿತ್ರವೊಂದರಲ್ಲಿ ನಟಿಸುತ್ತಿದ್ದಾರೆ. ಶಂತರುಬನ್ ಚಿತ್ರಕಥೆ ಬರೆದು ನಿರ್ದೇಶಿಸುತ್ತಿರುವ 'ರೈನ್ ಬೋ' ಚಿತ್ರಕ್ಕೆ ರಶ್ಮಿಕಾ ನಾಯಕ ನಟಿ. ದೇವ್ ಮೋಹನ್ ರಶ್ಮಿಕಾ ಜೊತೆ ಕಾಣಿಸಿಕೊಳ್ಳಲಿದ್ದಾರೆ. ಏಪ್ರಿಲ್ 3ರಂದು 'ರೈನ್ ಬೋ' ಮುಹೂರ್ತ ಕಾರ್ಯಕ್ರಮ ನೆರವೇರಿದ್ದು, ಸದ್ಯ ಚಿತ್ರೀಕರಣ ನಡೆಯುತ್ತಿದೆ.
ಇದನ್ನೂ ಓದಿ: ಕಾಳಿದಾಸನ 'ಶಾಕುಂತಲೆ'ಗೆ ಜೀವ ತಂಬಿದ ಸಮಂತಾ; ಸ್ಟಾರ್ ನಿರ್ದೇಶಕರಿಂದ ಫುಲ್ ಮಾರ್ಕ್ಸ್!
ಬಹುನಿರೀಕ್ಷಿತ ಪುಷ್ಪ 2 ಶೂಟಿಂಗ್ ಬಿರುಸಿನಿಂದ ಸಾಗುತ್ತಿದ್ದು, ತಮ್ಮ ಶ್ರೀವಲ್ಲಿ ಪಾತ್ರ ಮುಂದುವರಿಸಿದ್ದಾರೆ. ಇದೇ ಏ.5ರಂದು ನಟಿಯ ಹುಟ್ಟುಹಬ್ಬ ಹಿನ್ನೆಲೆಯಲ್ಲಿ 'ಪುಷ್ಪಾ: ದಿ ರೂಲ್' ನಿರ್ಮಾಪಕರು ಚಿತ್ರದಿಂದ ರಶ್ಮಿಕಾರ ಮೊದಲ ನೋಟವನ್ನು ಅನಾವರಣಗೊಳಿಸಿದ್ದರು. ಬಳಿಕ ಅಲ್ಲು ಅರ್ಜುನ್ ಜನ್ಮದಿನದಂದು (ಏ.8) ಚಿತ್ರದ ಟೀಸರ್ ಅನಾವರಣಗೊಂಡಿದ್ದು, ಸಿನಿಮಾ ಮೇಲೆ ಅಭಿಮಾನಿಗಳ ಕುತೂಹಲ ಹೆಚ್ಚಿದೆ.
ನಟ ನಿತಿನ್ ಜೊತೆ ತೆರೆ ಹಂಚಿಕೊಳ್ಳುತ್ತಿರುವ ಮತ್ತೊಂದು ಚಿತ್ರ 'VNRTrio'. ನಿತಿನ್ ಮತ್ತು ನಿರ್ದೇಶಕ ವೆಂಕಿ ಕುಡುಮುಲ ಅವರೊಂದಿಗೆ ರಶ್ಮಿಕಾ ಕೆಲಸ ಮಾಡುತ್ತಿರುವ ಎರಡನೇ ಸಿನಿಮಾ 'VNRTrio'. ಈ ಹಿಂದೆ ಈ ಮೂವರಿಂದ ಭೀಷ್ಮಾ ಚಿತ್ರ ಮೂಡಿಬಂದಿತ್ತು.
