ಸದ್ಯ ಬಿ-ಟೌನ್‌ನಲ್ಲಿ 'ಬಾದ್‌ಶಾ'ನದ್ದೇ ಸದ್ದು. ಇಂಡಿಯನ್ ಸೂಪರ್ ಸ್ಟಾರ್ ಶಾರುಖ್ ಖಾನ್ ನಿನ್ನೆ ತಮ್ಮ 58ನೇ ಬರ್ತ್ಡೇ ಸೆಲೆಬ್ರೇಟ್ ಮಾಡಿಕೊಂಡರು. 2023ರಲ್ಲಿ ಪಠಾಣ್, ಜವಾನ್ನಂತಹ ಎರಡು ಬ್ಲಾಕ್ಬಸ್ಟರ್ ಸಿನಿಮಾ ಕೊಟ್ಟಿದ್ದಲ್ಲದೇ, ಮತ್ತೊಂದು ಬಹುನಿರೀಕ್ಷಿತ ಸಿನಿಮಾ ಬಿಡುಗಡೆಗೂ ಸಜ್ಜಾಗಿದ್ದಾರೆ. ಈ ಹಿನ್ನೆಲೆ ನಟನಿಗೆ 2023 ಬಹಳಾನೇ ವಿಶೇಷ ಎನ್ನಬಹುದು. ಈ ಹಿನ್ನೆಲೆ ಮೊದಲು ಅಭಿಮಾನಿಗಳೊಂದಿಗೆ ಸಮಯ ಕಳೆದು ನಂತರ ಸಿನಿ ಸ್ನೇಹಿತರಿಗಾಗಿ ಸಮಯ ಮೀಸಲಿಟ್ಟರು.
ಬಾಲಿವುಡ್ ತಾರೆಯರಿಗಾಗಿ ಸ್ಪೆಷಲ್ ಪಾರ್ಟಿ: ಕಿಂಗ್ ಖಾನ್ ಜನ್ಮದಿನ ಹಿನ್ನೆಲೆ ಗುರುವಾರದಂದು 'ಡಂಕಿ' ಸಿನಿಮಾದ ಟೀಸರ್ ಅನಾವರಣಗೊಂಡಿದೆ. ಶಾರುಖ್ ತಮ್ಮ ವಿಶೇಷ ದಿನದಂದು ಬಾಲಿವುಡ್ ತಾರೆಯರಿಗಾಗಿ ಸ್ಪೆಷಲ್ ಪಾರ್ಟಿ ಸಹ ಆಯೋಜಿಸಿದ್ದರು. ಬರ್ತ್ಡೇ ಸೆಲೆಬ್ರೇಶನ್ನ ಫೋಟೋ, ವಿಡಿಯೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿವೆ.
ಸೆಲೆಬ್ರಿಟಿಗಳ ಫೋಟೋ ವೈರಲ್: ಹೌದು, ಶಾರುಖ್ ಖಾನ್ ಅವರ ಹುಟ್ಟುಹಬ್ಬಾಚರಣೆಯಲ್ಲಿ ಇಡೀ ಬಾಲಿವುಡ್ ದಂಡೇ ನೆರೆದಿತ್ತು. ಚಿತ್ರರಂಗದ ಬಹುತೇಕ ಖ್ಯಾತನಾಮರು ಸಮಾರಂಭಕ್ಕೆ ಸಾಕ್ಷಿಯಾಗಿದ್ದರು. ಆದರೆ ಸಲ್ಮಾನ್ ಖಾನ್, ಅಮೀರ್ ಖಾನ್ ಮತ್ತು ಅಮಿತಾಭ್ ಬಚ್ಚನ್ ಫ್ಯಾಮಿಲಿ ಕಾಣಿಸಿಕೊಂಡಿಲ್ಲ. ಸದ್ಯ ಅರ್ಜುನ್ ಕಪೂರ್, ಕರೀನಾ ಕಪೂರ್ ಖಾನ್, ಕರಿಷ್ಮಾ ಕಪೂರ್, ಎಂಎಸ್ ಧೋನಿ ಸೇರಿದಂತೆ ಅನೇಕ ಸೆಲೆಬ್ರಿಟಿಗಳ ಫೋಟೋ, ವಿಡಿಯೋಗಳು ಹೊರಬಿದ್ದಿವೆ. ಇದೀಗ ಬಾಲಿವುಡ್ ಸ್ಟಾರ್ ಜೋಡಿ ರಣ್ಬೀರ್ ಕಪೂರ್ ಮತ್ತು ಆಲಿಯಾ ಭಟ್ ಅವರ ರೊಮ್ಯಾಂಟಿಕ್ ಫೋಟೋ ಹೊರಬಿದ್ದಿದ್ದು, ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ಸದ್ದು ಮಾಡುತ್ತಿದೆ.
'ರಾಲಿಯಾ' ರೊಮ್ಯಾಂಟಿಕ್ ಫೋಟೋ: 'ಕಿಂಗ್ ಖಾನ್' ಬರ್ತ್ಡೇ ಸೆಲೆಬ್ರೇಶನ್ನಲ್ಲಿ ತಾರಾ ದಂಪತಿ ಸಖತ್ ರೊಮ್ಯಾಂಟಿಕ್ ಆಗಿ ಕಾಣಿಸಿಕೊಂಡಿದ್ದಾರೆ. 'ರಾಲಿಯಾ' ರೊಮ್ಯಾಂಟಿಕ್ ಫೋಟೋ ಆನ್ಲೈನ್ನಲ್ಲಿ ವೈರಲ್ ಆಗುತ್ತಿದೆ. ಪಾರ್ಟಿಯಿಂದ ರಣ್ಬೀರ್ ಕಪೂರ್ ಮತ್ತು ಆಲಿಯಾ ಭಟ್ ಜೊತೆಗೆ ಶಾಹಿನ್ ಭಟ್, ಕರೀನಾ ಕಪೂರ್ ಖಾನ್, ಕರಿಷ್ಮಾ ಕಪೂರ್ ಮತ್ತು ನವ್ಯಾ ನವೇಲಿ ನಂದಾ ಅವರ ಫೋಟೋಗಳು ಸಹ ಹೊರಬಿದ್ದಿವೆ.
ಇದನ್ನೂ ಓದಿ: ಹೇಗಿತ್ತು ಗೊತ್ತಾ ಶಾರುಖ್ ಖಾನ್ ಹುಟ್ಟು ಹಬ್ಬದ ಪಾರ್ಟಿ; ಇಲ್ಲಿದೆ ನೋಡಿ ಫೋಟೋಸ್!
ನಟಿ ಕರಿಷ್ಮಾ ಕಪೂರ್ ಈ ಫೋಟೋವನ್ನು ಹಂಚಿಕೊಂಡಿದ್ದಾರೆ. ಇದರಲ್ಲಿ ಆಲಿಯಾ ಭಟ್, ಪತಿ ರಣ್ಬೀರ್ ಕಪೂರ್ ಕುತ್ತಿಗೆಗೆ ಕೈ ಹಾಕಿ ರೊಮ್ಯಾಂಟಿಕ್ ಆಗಿ ಪೋಸ್ ಕೊಟ್ಟಿದ್ದಾರೆ. ರಣ್ಬೀರ್ ಕಪೂರ್ ಬ್ಲ್ಯಾಕ್ ಪ್ಯಾಂಟ್, ವೈಟ್ ಶರ್ಟ್ ಧರಿಸಿದ್ದರೆ, ಆಲಿಯಾ ಭಟ್ ಬ್ಲ್ಯಾಕ್ ಒನ್ ಪೀಸ್ ಮಿನಿ ಡ್ರೆಸ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ.
ಇದನ್ನೂ ಓದಿ: ಅಭಿಮಾನಿಗಳೊಂದಿಗೆ ಕುಣಿದು ಕುಪ್ಪಳಿಸಿದ ಶಾರುಖ್ ಖಾನ್: 'ಡಂಕಿ' ಬಗ್ಗೆ ಮತ್ತಷ್ಟು ಡೀಟೆಲ್ಸ್
