ಪ್ರೇಕ್ಷಕರು ಒಳ್ಳೆ ಕಥೆಯ ಸಿನಿಮಾಗಳ ಕೈ ಹಿಡಿಯುತ್ತಾರೆ ಎಂಬ ಮಾತು ಕನ್ನಡ ಚಿತ್ರರಂಗದಲ್ಲಿ ಮತ್ತೊಮ್ಮೆ ಸಾಬೀತಾಗಿದೆ. ಸದ್ಯ ಐಪಿಎಲ್ ಹವಾ ಹಾಗೂ ಚುನಾವಣೆಯ ಭರಾಟೆ ಜೋರಾಗಿದೆ. ಚಿತ್ರಮಂದಿರಕ್ಕೆ ಪ್ರೇಕ್ಷಕರು ಮೊದಲಿನಂತೆ ಬರುತ್ತಿಲ್ಲ ಅನ್ನೋ ಮಾತು ಕೂಡ ಇದೆ. ಆದರೂ 'ರಾಘವೇಂದ್ರ ಸ್ಟೋರ್ಸ್' ಯಶಸ್ವಿ ಪ್ರದರ್ಶನ ಕಾಣ್ತಿದೆ. ಕೆಲ ಚಿತ್ರಮಂದಿರಗಳಲ್ಲಿ ಹೌಸ್ ಫುಲ್ ಪ್ರದರ್ಶನ ನಡೆಯುತ್ತಿದೆ. ಈ ಖುಷಿಯನ್ನು 'ರಾಘವೇಂದ್ರ ಸ್ಟೋರ್ಸ್' ಚಿತ್ರತಂಡ ಹಂಚಿಕೊಂಡಿದೆ.
ಹೌದು, 'ರಾಘವೇಂದ್ರ ಸ್ಟೋರ್ಸ್' ಸ್ಯಾಂಡಲ್ವುಡ್ನ ನವರಸ ನಾಯಕ ಜಗ್ಗೇಶ್ ಪಾಲಿಗೆ ಬಹಳ ವಿಶೇಷವಾದ ಸಿನಿಮಾ. ಏಕೆಂದರೆ ನವರಸ ನಾಯಕ ಇಂಥಹದ್ದೊಂದು ಗೆಲುವನ್ನು ಕಂಡು ಬಹಳ ದಿನಗಳಾಗಿತ್ತು. ಇನ್ನು ಚಿತ್ರ ನೋಡಿದ ಪ್ರೇಕ್ಷಕರು ನಗುವ ಜೊತೆಗೆ ಕಣ್ಣೀರನ್ನೂ ಸುರಿಸಿದ್ದಾರೆ. ಜಗ್ಗೇಶ್ ಅವರನ್ನು ಅಪ್ಪಿ ಮೆಚ್ಚುಗೆಯ ಮಾತನ್ನೂ ಆಡ್ತಿದ್ದಾರೆ. ಹೀಗಾಗಿ ಜಗ್ಗೇಶ್ ಮೊಗದಲ್ಲಿ ಧನ್ಯತಾಭಾವ ಮೂಡಿದೆ.
ರಾಘವೇಂದ್ರ ಸ್ಟೋರ್ಸ್ ಸಿನಿಮಾದ ಒಂದು ಹಾಡು ಹಾಗೂ ಎರಡು ನಿಮಿಷದ ದೃಶ್ಯಕ್ಕೆ ಕತ್ತರಿ ಹಾಕಲಾಗಿದೆ. ಹೀಗಾಗಿ, ಚಿತ್ರತಂಡದ ಈ ನಿರ್ಧಾರದ ಕುರಿತು ಅನೇಕರಲ್ಲಿ ಅನೇಕ ಪ್ರಶ್ನೆಗಳಿವೆ. ಇದಕ್ಕೂ ಉತ್ತರ ಕೊಟ್ಟ ಜಗ್ಗೇಶ್, ಕನ್ನಡ ಚಿತ್ರರಂಗಕ್ಕೆ ಕಿವಿಮಾತನ್ನು ಹೇಳಿದರು. ನಾಲ್ಕು ವರ್ಷ ಬೇಡ, ನಲವತ್ತು ದಿನದಲ್ಲಿ ಚಿತ್ರ ಪೂರೈಸಲು ಸಾಧ್ಯವಾದಷ್ಟು ಪ್ರಯತ್ನ ಪಡಿ ಎಂದರು.
- " class="align-text-top noRightClick twitterSection" data="
">
ನಿರ್ದೇಶಕ ಸಂತೋಷ್ ಆನಂದ್ ರಾಮ್ ಅವರಿಗೆ 'ರಾಘವೇಂದ್ರ ಸ್ಟೋರ್ಸ್' ಗೆಲುವು ಸದಾ ನೆನಪಿನಲ್ಲಿರಲಿದೆ. ಸಂತೋಷ್ ಆನಂದ್ ರಾಮ್ ಕಮರ್ಷಿಯಲ್ ನಿರ್ದೇಶಕ ಎನ್ನುವ ಅಭಿಪ್ರಾಯ ಬಹುತೇಕರಲ್ಲಿದೆ. ರಾಘವೇಂದ್ರ ಸ್ಟೋರ್ಸ್ ಸದ್ಯ ಈ ಅಭಿಪ್ರಾಯವನ್ನು ಬದಲಿಸಿದೆ. ಆದರೂ ಚಿತ್ರ ತೆರೆಗೆ ಬರುವ ಮುನ್ನ ಸಂತೋಷ್ ಆನಂದ್ ರಾಮ್ ಅವರಲ್ಲಿ ಭಯ ಇದ್ದಿದ್ದು ನಿಜ ಎಂದರು.
ಇನ್ನು ಹಿರಿಯ ಪೋಷಕ ನಟ ದತ್ತಣ್ಣ, ರವಿಶಂಕರ್ ಗೌಡ, ಶ್ವೇತಾ ಶ್ರೀವಾತ್ಸವ್ ಹಾಗೂ ಸಂಗೀತ ನಿರ್ದೇಶಕ ಅಜನೀಶ್ ಲೋಕನಾಥ್ ಕೂಡ ಚಿತ್ರ ಗೆಲುವಿನ ಸಂಭ್ರಮದಲ್ಲಿದ್ದಾರೆ. ಹೀಗಾಗಿ ಸಕ್ಸಸ್ ಮೀಟ್ನಲ್ಲಿ ಪರಸ್ಪರರು ನಕ್ಕು ನಗಿಸಿದರು. ಚಿತ್ರವನ್ನ ಮೆಚ್ಚಿ ಹರಸಿ ಹಾರೈಸಿದ ಕನ್ನಡಿಗರಿಗೆ ಧನ್ಯವಾದ ಅರ್ಪಿಸಿದರು.
- " class="align-text-top noRightClick twitterSection" data="
">
ಇದನ್ನೂ ಓದಿ: ಒಟ್ಟಿಗೆ ಸ್ಟೇಡಿಯಂನಲ್ಲಿ ಐಪಿಎಲ್ ಪಂದ್ಯ ವೀಕ್ಷಿಸಿದ ಪರಿ - ರಾಘವ್: ನಟಿಯನ್ನ ಅತ್ತಿಗೆ ಎಂದು ಕರೆದ ವೀಕ್ಷಕರು
ಇನ್ನು ರಾಘವೇಂದ್ರ ಸ್ಟೋರ್ಸ್ ವಾರದಲ್ಲಿ ಗಳಿಸಿದ ಹಣವೆಷ್ಟು ಅನ್ನುವ ಕೂತುಹಲ ಎಲ್ಲರಲ್ಲಿ ಇದೆ. ಇದಕ್ಕೆ ಸ್ಪಷ್ಟವಾದ ಉತ್ತರ ಇಲ್ಲದೇ ಇದ್ದರೂ ಚಿತ್ರದ ಗಳಿಕೆ ಒಂದು ಕೋಟಿ ಗಡಿ ದಾಟಿದೆ ಅನ್ನುವುದು ಸತ್ಯ. ಒಟ್ಟಿನಲ್ಲಿ ರಾಘವೇಂದ್ರ ಸ್ಟೋರ್ಸ್ ಸಿನಿಮಾ ಗೆದ್ದಿದೆ. ಐಪಿಎಲ್ ಹಾಗೂ ಚುನಾವಣೆಯ ನಡುವೆ ದಿನದಿಂದ ದಿನಕ್ಕೆ ಪ್ರೇಕ್ಷಕರ ಸಂಖ್ಯೆ ಏರುತ್ತಿದೆ. ನೀವೂ ಇನ್ನೂ ಹಯವದನನ ಅಡುಗೆ ಮನೆಗೆ ಭೇಟಿ ಕೊಟ್ಟಿಲ್ಲವೆಂದರೆ ಒಮ್ಮೆ ಭೇಟಿ ಕೊಡಿ. ನಕ್ಕು ಮನಸ್ಸನ್ನು ಹಗುರ ಮಾಡಿಕೊಳ್ಳಿ.
''ಮತ್ತೊಂದು ಕೇರಳ ಸ್ಟೋರಿ'': ಮಸೀದಿಯಲ್ಲಿ ಹಿಂದೂ ವಿವಾಹ, ವಿಡಿಯೋ ಹಂಚಿಕೊಂಡ ಸಂಗೀತ ಮಾಂತ್ರಿಕ ರೆಹಮಾನ್
