ಹೈದರಾಬಾದ್: ಭಾರಿ ನಿರೀಕ್ಷೆ ಮೂಡಿಸಿದ್ದ ನಟ ಅಲ್ಲು ಅರ್ಜುನ್ ಅಭಿನಯದ 'ಪುಷ್ಪಾ 2' ಚಿತ್ರದ ಟೀಸರ್ ಬಿಡುಗಡೆಯಾಗಿದೆ. ಇದರ ಬೆನ್ನಲ್ಲೇ ನಟ ಅಲ್ಲು ಅರ್ಜುನ್ ಹುಟ್ಟುಹಬ್ಬದ ಅಂಗವಾಗಿ ವಿಶೇಷ ಪೋಸ್ಟರ್ ಅನ್ನು ಕೂಡ ಚಿತ್ರತಂಡ ಬಿಡುಗಡೆ ಮಾಡಿತು. ಶುಕ್ರವಾರ ಅಂದರೆ ಅಲ್ಲು ಅರ್ಜುನ್ ಹುಟ್ಟು ಹಬ್ಬಕ್ಕೂ ಮುನ್ನ ಸಂಜೆ ಬಿಡುಗಡೆಯಾದ ಈ ಪೋಸ್ಟರ್ ಅಭಿಮಾನಿಗಳಲ್ಲಿ ಕುತೂಹಲ ಜೊತೆಗೆ ಮೆಚ್ಚುಗೆ ಮೂಡಿಸಿತು. ಅಲ್ಲು ಅರ್ಜುನ್ ಹುಟ್ಟುಹಬ್ಬ ಹಿನ್ನೆಲೆ ಅಭಿಮಾನಿಗಳಿಗೆ ಈ ಪೋಸ್ಟರ್ ಬಿಡುಗಡೆಗೊಳಿಸುವ ಮೂಲಕ ಮೈತ್ರಿ ಮೂವಿ ಮೇಕರ್ಸ್ ದೊಡ್ಡ ಉಡುಗೊರೆ ನೀಡಿದೆ. ಟೀಸರ್ ಮತ್ತು ಪೋಸ್ಟ್ ಬಿಡುಗಡೆಯಾದ ಡಬಲ್ ಸಂಭ್ರಮ ಇದೀಗ ಮನೆ ಮಾಡಿದ್ದು, ಚಿತ್ರ ಬಿಡುಗಡೆಗೆ ಎದುರು ನೋಡುತ್ತಿರುವುದಾಗಿ ಅಭಿಮಾನಿಗಳು ತಿಳಿಸಿದ್ದಾರೆ.
'ಪುಷ್ಪಾ 1' ಯಶಸ್ಸಿನ ಬೆನ್ನಲ್ಲೇ ಇದೀಗ 'ಪುಷ್ಟಾ 2' ಪೋಸ್ಟರ್ ಬಿಡುಗಡೆಯಾಗಿದ್ದು, ಈ ಪೋಸ್ಟರ್ ಅನ್ನು ಕೇವಲ ಚಿತ್ರ ತಂಡ ಮಾತ್ರವಲ್ಲದೇ, ಸಿನಿರಂಗದ ತಾರೆಗಳಾದ ಸಮಂತಾ ರುತ್ ಪ್ರಭು, ದಿಶಾ ಪಟಾನಿ, ರಾಶಿ ಖನ್ನಾ ಸೇರಿದಂತೆ ಹಲವು ಮಂದಿ ಹಂಚಿಕೊಂಡು, ಚಿತ್ರ ತಂಡಕ್ಕೆ ಶುಭ ಕೋರಿದರು.
ಕುತೂಹಲ ಮೂಡಿಸಿದ ಪೋಸ್ಟರ್: 'ಪುಷ್ಪಾ 2' ಟೀಸರ್ನಲ್ಲಿ ಗುಂಡೇಟು ತಿಂದು ಕಣ್ಮರೆಯಾದ ಅಲ್ಲು ಅರ್ಜುನ್ ಬುದುಕುಳಿದು ಹುಲಿಯ ಮುಂದೆ ನಡೆದು ಹೋಗುವ ದೃಶ್ಯ ಕಂಡು ಬಂದಿದೆ. ಇನ್ನು ಪೋಸ್ಟರ್ ಇದಕ್ಕಿಂತಲೂ ವಿಭಿನ್ನವಾಗಿದ್ದು, ಇದರಲ್ಲಿ ನಟ ಅಲ್ಲು ಅರ್ಜುನ್ ಅವರು, ಸೀರೆಯಲ್ಲಿ ಆಭರಣಗಳನ್ನು ತೊಟ್ಟು ಕಂಗೊಳಿಸಿದ್ದು, ಅವರ ಅವತಾರ ಅನೇಕರಲ್ಲಿ ಕುತೂಹಲ ಮೂಡಿಸಿದೆ.
ಶುಭಾಶಯಗಳ ಮಹಾಪೂರ: ನಟ ಅಲ್ಲು ಅರ್ಜುನ್ ಅವರ ಈ ಲುಕ್ ಪೋಸ್ಟ್ ಅನ್ನು ತಮ್ಮ ಇನ್ಸ್ಟಾಗ್ರಾಂ ಸ್ಟೋರಿಯಲ್ಲಿ ಹಂಚಿಕೊಳ್ಳುವ ಮೂಲಕ ನಟಿ ಸಮಂತಾ ಭಾವುಕರಾಗಿ ಶುಭಾಶಯ ಕೋರಿದ್ದಾರೆ. ಹುಟ್ಟುಹಬ್ಬದ ಹಾರ್ದಿಕ ಶುಭಶಯಗಳು ಒನ್ ಅಂಡ್ ಓನ್ಲಿ ಅಲ್ಲು ಅರ್ಜುನ್ ಎಂದು ಬರೆದಿದ್ದಾರೆ. ಅಲ್ಲದೇ, ನಿಮ್ಮಂತೆ ಕೆಲವೇ ಜನರು ನನಗೆ ಸ್ಫೂರ್ತಿ ನೀಡಿದ್ದಾರೆ. ದೇವರು ನಿಮಗೆ ಅದ್ಭುತ ಆರೋಗ್ಯ, ಶಕ್ತಿಯನ್ನು ಕೊಟ್ಟು ಕಾಪಾಡಲಿ ಎಂದು ಹರಸಿದ್ದಾರೆ.
- " class="align-text-top noRightClick twitterSection" data="
">
ವಿಭಿನ್ನ ಪೋಸ್ಟರ್, ಟೀಸರ್ಗಳ ಮೂಲಕ ಈಗಾಗಲೇ ಸುಕುಮಾರ್ ನಿರ್ದೇಶನದ ಈ ಚಿತ್ರದ ಮೇಲೆ ನಿರೀಕ್ಷೆ ಹೆಚ್ಚಿದೆ. ಅಲ್ಲು ಅರ್ಜುನ್ ಉಳಿದವರಿಗಿಂತ ಪ್ರಯೋಗಿಕ ನಟರಾಗಿದ್ದು, ಅವರನ್ನು ಶ್ಲಾಘಿಸುವ ಕಾಮೆಂಟ್ಗಳ ಸುರಿಮಳೆಯನ್ನು ಪೋಸ್ಟರ್ನಲ್ಲಿ ಕಾಣಬಹುದಾಗಿದೆ.
ಇನ್ನು, ಪೋಸ್ಟರ್ ಬಿಡುಗಡೆ ಮಾಡುತ್ತಿದ್ದಂತೆ ಅಭಿಮಾನಿಗಳು ಕಾಮೆಂಟ್ಗಳ ಸುರಿಮಳೆ ಸುರಿಸಿದ್ದಾರೆ. ಈ ವೇಳೆ ಒಬ್ಬರು ಪುಷ್ಪಾ ಅಲ್ಲ, ಬೆಂಕಿ ಅಲ್ಲು ಅರ್ಜುನ್ ಎಂದಿದ್ದಾರೆ. ಮತ್ತೊಬ್ಬರು, ಬಗ್ಗೋ ಮಾತೆ ಇಲ್ಲ ಎಂದಿದ್ದಾರೆ. ಅಭಿಮಾನಿಗಳು ಮಾತ್ರವಲ್ಲದೇ ಸೆಲೆಬ್ರಿಟಿಗಳು ಕೂಡ ಕಾಮೆಂಟ್ ಮೂಲಕ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ನಟಿ ರಾಶಿ ಖನ್ನಾ ಮತ್ತು ದಿಶಾ ಪಟಾನಿ ವಾವ್ ಎಂದು ಎಮೋಜಿಗಳನ್ನು ಬಳಸಿದ್ದಾರೆ.
ಅಲ್ಲು ಅರ್ಜುನ್ ರಕ್ತ ಚಂದನ ದರೋಡೆಕೋರನಾದಿ ನಟಿ ರಶ್ಮಿಕಾ ಮಂದಣ್ಣ, ಫಹದ್ ಫಾಜಿಲ್ ನಟಿಸಿದ್ದ ಪುಷ್ಪಾ: ದಿ ರೈಸ್ ಚಿತ್ರ ಪಂಚ ಭಾಷೆಗಳಲ್ಲೂ ಯಶಸ್ಸು ಗಳಿಸಿತ್ತು. ಇದರ ಮುಂದುವರೆದ ಭಾಗ 2024ರ ಬೇಸಿಗೆಯಲ್ಲಿ ಬೆಳ್ಳಿತೆರೆಗೆ ಬಿಡುಗಡೆಯಾಗಲಿದೆ.
ಇದನ್ನೂ ಓದಿ: ಹ್ಯಾಪಿ ಬರ್ತ್ ಡೇ ಶ್ರೀವಲ್ಲಿ: ರಶ್ಮಿಕಾ ಮಂದಣ್ಣ ಫಸ್ಟ್ ಲುಕ್, ಪುಷ್ಪಾ 2 ಟೀಸರ್ ತುಣುಕು ರಿಲೀಸ್
