ಭುವನೇಶ್ವರ (ಒಡಿಶಾ): ಒಡಿಶಾದ ಜನಪ್ರಿಯ ಡಿಜೆ ಅಕ್ಷಯ್ ಕುಮಾರ್ ಅಲಿಯಾಸ್ ಡಿಜೆ ಅಜೆಕ್ಸ್ (Akshay Kumar aka DJ Azex) ಅವರು ಭುವನೇಶ್ವರದ ಖರಾಬೇಲಾ ನಗರದಲ್ಲಿರುವ ತಮ್ಮ ನಿವಾಸದಲ್ಲಿ ಆತ್ಮಹತ್ಯೆ ಮಾಡಿಕೊಂಡಿರುವ ಸ್ಥಿತಿಯಲ್ಲಿ ಪತ್ತೆಯಾಗಿದ್ದಾರೆ ಎಂದು ಪೊಲೀಸರು ಇಂದು ತಿಳಿಸಿದ್ದಾರೆ.
ಶನಿವಾರ ಸಂಜೆ ಆತ್ಮಹತ್ಯೆ: ಶನಿವಾರ ಸಂಜೆ ಡಿಜೆ ಅಕ್ಷಯ್ ಕುಮಾರ್ ಅವರ ಮೃತದೇಹ ಪತ್ತೆಯಾಗಿದೆ. ಕುಟುಂಬಸ್ಥರು ಅವರನ್ನು ನಗರದ ಕ್ಯಾಪಿಟಲ್ ಆಸ್ಪತ್ರೆಗೆ ಕರೆದೊಯ್ದರು. ದುರಾದೃಷ್ಟವಶಾತ್, ವೈದ್ಯರು ಅವರು ಮೃತಪಟ್ಟಿದ್ದಾರೆ ಎಂದು ಘೋಷಿಸಿದರು. ಆದ್ರೆ ಆತ್ಮಹತ್ಯೆಗೆ ನಿಖರ ಕಾರಣ ತಿಳಿದುಬಂದಿಲ್ಲ. ಪೊಲೀಸ್ ತನಿಖೆ ಬಳಿಕಷ್ಟೇ ಆತ್ಮಹತ್ಯೆಯ ಕಾರಣ ಬಯಲಿದೆ ಬರಲಿದೆ.
ತಮ್ಮ ಕೋಣೆಯಲ್ಲಿ ಆತ್ಮಹತ್ಯೆಗೆ ಶರಣು.. ನಿನ್ನೆ ಸಂಜೆ ಮಳೆ ಬರುತ್ತಿತ್ತು. ಮಗ ಅಕ್ಷಯ್ ಕುಮಾರ್ ತಮ್ಮ ಕೋಣೆಯಲ್ಲಿದ್ದರು. ನಾವು ಅವರನ್ನು ಊಟಕ್ಕೆ ಕರೆದಾಗ ಬಾಗಿಲು ತೆರೆಯಲಿಲ್ಲ. ನಂತರ ನಾವು ಬಾಗಿಲು ಒಡೆದು ನೋಡಿದಾಗ ಮಗನ ಮೃತದೇಹ ಪತ್ತೆಯಾಗಿದೆ ಎಂದು ಡಿಜೆ ಅಜೆಕ್ಸ್ ಅವರ ತಂದೆ ಭಗಬನ್ ಮಹಾರಾಣಾ ತಿಳಿಸಿದರು.
ಪೊಲೀಸ್ ಮಾಹಿತಿ.. ಶನಿವಾರ ರಾತ್ರಿ 11.15ರ ಸುಮಾರಿಗೆ ಕ್ಯಾಪಿಟಲ್ ಆಸ್ಪತ್ರೆಗೆ ಅಕ್ಷಯ್ ಮಹಾರಾಣಾ ದೇಹವನ್ನು ಕೊಂಡೊಯ್ಯಲಾಗಿತ್ತು. ಅವರು ತಮ್ಮ ಕೋಣೆಯಲ್ಲಿ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಮರಣೋತ್ತರ ಪರೀಕ್ಷೆಯ ವರದಿಯನ್ನು ನಿರೀಕ್ಷಿಸಲಾಗಿದೆ" ಎಂದು ಭುವನೇಶ್ವರದ ವಲಯ-I ಎಸಿಪಿ ಮಾನಸ್ ಗಡನಾಯಕ್ ಮಾಹಿತಿ ನೀಡಿದ್ದಾರೆ. ಪೊಲೀಸ್ ತನಿಖೆ ಆರಂಭಿಸಿದ್ದಾರೆ.
ಇದನ್ನೂ ಓದಿ: 'ನನ್ನ ಬಹುದಿನದ ಕನಸು ನನಸಾಗ್ತಿದೆ': ಜೂ. NTR ಜೊತೆ ನಟನೆಗೆ ಜಾನ್ವಿ ಕಪೂರ್ ಸಂತಸ
ತ್ರಿಕೋನ ಪ್ರೇಮಕಥೆಯೇ ಆತ್ಮಹತ್ಯೆಗೆ ಕಾರಣವೇ? ಏತನ್ಮಧ್ಯೆ ಡಿಜೆ ಅಕ್ಷಯ್ ಕುಮಾರ್ ಸಾವಿನ ಹಿಂದೆ ತ್ರಿಕೋನ ಪ್ರೇಮಕಥೆ ಕಾರಣ ಇದೆ ಎಂದು ಅವರ ಆತ್ಮೀಯ ಸ್ನೇಹಿತ ರಾಹುಲ್ ತಿಳಿಸಿದ್ದಾರೆ. ಅಜೆಕ್ಸ್‌ನ ಗೆಳತಿ ಮತ್ತೋರ್ವ ಯುವಕನೊಂದಿಗೆ ಸಂಬಂಧ ಹೊಂದಿದ್ದಾರೆ ಮತ್ತು ಅವರು ಡಿಜೆ ಅಕ್ಷಯ್ಗೆ ಬ್ಲ್ಯಾಕ್‌ಮೇಲ್ ಮಾಡುತ್ತಿದ್ದರು ಎಂದು ಆರೋಪಿಸಿದ್ದಾರೆ. ಆರೋಪ ಏನೇ ಇದ್ದರೂ ನಿಖರ ಕಾರಣ ಇನ್ನೂ ಪತ್ತೆ ಆಗಿಲ್ಲ.
ಇದನ್ನೂ ಓದಿ: ಆಸ್ಕರ್ ಸಮಾರಂಭಕ್ಕೆ ಸಾಕ್ಷಿಯಾಗಲು 1.44 ಕೋಟಿ ರೂ. ಖರ್ಚು ಮಾಡಿದ ನಿರ್ದೇಶಕ ರಾಜಮೌಳಿ!
ಪೊಲೀಸ್ ಸಂಪೂರ್ಣ ತನಿಖೆ ಚುರುಕು: ಡಿಜೆ ಅಕ್ಷಯ್ ಕುಮಾರ್ ಅಲಿಯಾಸ್ ಡಿಜೆ ಅಜೆಕ್ಸ್ (Akshay Kumar aka DJ Azex) ತಾಯಿ ಈ ಬಗ್ಗೆ ದೂರು ದಾಖಲಿಸಿದ್ದಾರೆ. ಅವರಿಂದ ಲಿಖಿತ ದೂರನ್ನು ಸ್ವೀಕರಿಸಿದ ನಂತರ, ಖರಬೇಲಾ ನಗರ ಪೊಲೀಸರು ಈ ಪ್ರಕರಣದ ತನಿಖೆ ಆರಂಭಿಸಿದ್ದಾರೆ. ಪೊಲೀಸ್ ಸಂಪೂರ್ಣ ತನಿಖೆ ಬಳಿಕವಷ್ಟೇ ಈ ಆತ್ಮಹತ್ಯೆಯ ಕಾರಣ ಬಯಲಿದೆ ಬರಲಿದೆ.
ಇದನ್ನೂ ಓದಿ: ನಾಟು ನಾಟು ಕ್ರೇಜ್: RC15 ಶೂಟಿಂಗ್ ಸೆಟ್ ಮರಳಿದ ರಾಮ್ ಚರಣ್ ಜೊತೆ ಕುಣಿದು ಕುಪ್ಪಳಿಸಿದ ಪ್ರಭುದೇವ ಟೀಂ
