ಬಾಲಿವುಡ್ ಹಾಗು ಹಾಲಿವುಡ್ ನಟಿ ಪ್ರಿಯಾಂಕಾ ಚೋಪ್ರಾ ಮತ್ತು ಅಮೆರಿಕನ್ ಗಾಯಕ ನಿಕ್ ಜೋನಾಸ್ ಪವರ್ಫುಲ್ ಸ್ಟಾರ್ ಕಪಲ್. ಅದೆಷ್ಟೋ ಜನರಿಗೆ ಸ್ಫೂರ್ತಿಯೂ ಆಗಿದ್ದಾರೆ. ಇಂದು ಗಾಯಕ ನಿಕ್ ಜೋನಾಸ್ ಹುಟ್ಟುಹಬ್ಬದ ಸಂಭ್ರಮದಲ್ಲಿದ್ದಾರೆ. 31ನೇ ಹುಟ್ಟುಹಬ್ಬ ಆಚರಿಸಿಕೊಳ್ಳುತ್ತಿರುವ ಅಮೆರಿಕನ್ ಗಾಯಕನಿಗೆ ಕುಟುಂಬಸ್ಥರು, ಆತ್ಮೀಯರು, ಚಿತ್ರರಂಗದ ಸ್ನೇಹಿತರೂ ಕೂಡ ವಿಶೇಷವಾಗಿ ಶುಭ ಕೋರುತ್ತಿದ್ದಾರೆ. ಪತ್ನಿ ಪ್ರಿಯಾಂಕಾ ಚೋಪ್ರಾ ಪತಿಗೆ ಪ್ರೀತಿಪೂರ್ವಕವಾಗಿ ಶುಭ ಕೋರಿದ್ದಾರೆ.
ಗ್ಲೋಬಲ್ ಐಕಾನ್ ಪ್ರಿಯಾಂಕಾ ಚೋಪ್ರಾ ಅವರು ತಮ್ಮ ಅಧಿಕೃತ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಸ್ಪೆಷಲ್ ಪೋಸ್ಟ್ ಒಂದನ್ನು ಶೇರ್ ಮಾಡಿದ್ದಾರೆ. ಪತಿ ಜೊತೆಗಿರುವ ಫೋಟೋಗಳು, ನಿಕ್ ಜೋನಾಸ್ ಸಿಂಗಲ್ ಫೋಟೋ, ಮಗಳು ಮಾಲ್ತಿ ಮೇರಿ ಫೋಟೋಗಳು ಈ ಪೋಸ್ಟ್ನಲ್ಲಿದೆ.
ಮೊದಲೆರಡು ಫೋಟೋಗಳಲ್ಲಿ ಈ ಸ್ಟಾರ್ ಕಪಲ್ ಸಖತ್ ರೊಮ್ಯಾಂಟಿಕ್ ಆಗಿ ಕಾಣಿಸಿಕೊಂಡಿದ್ದಾರೆ. ಪತಿಗೆ ಪ್ರಿಯಾಂಕಾ ಚುಂಬಿಸುತ್ತಿರುವ ಫೋಟೋ ಜೋಡಿಯ ಪ್ರೀತಿ ವಾತ್ಸಲ್ಯದ ಬಗ್ಗೆ ಸದ್ದು ಮಾಡಿದೆ. ಅಪ್ಪುಗೆ ಜೋಡಿಯನ್ನು ಮತ್ತಷ್ಟು ಸುಂದರವಾಗಿ ಕಾಣಿಸಿಕೊಳ್ಳುವಂತೆ ಮಾಡಿದೆ. ಉಳಿದ ಫೋಟೋಗಳಲ್ಲಿ ಜೋಡಿ ಗಾಲ್ಫ್ ಆಡುತ್ತಿರುವಂತೆ ಕಂಡಿದೆ. ನಿಕ್ ಜೋನಾಸ್ ಕೇವಲ ಜನಪ್ರಿಯ ಗಾಯಕ ಮಾತ್ರವಲ್ಲ. ಗಾಲ್ಫ್ ಕ್ರೀಡೆಯಲ್ಲೂ ಬಹಳ ಆಸಕ್ತಿ ಹೊಂದಿದ್ದಾರೆ. ಗಾಲ್ಫ್ ಮೈದಾನದಲ್ಲಿ, ತಮ್ಮ ಮೆಚ್ಚಿನ ಕ್ರೀಡೆಯಲ್ಲಿ ಬಹಳ ಉತ್ಸಾಹದಿಂದ ತೊಡಗಿರುವಂತೆ ತೋರುತ್ತಿದೆ. ಗಾಲ್ಫ್ ಮೈದಾನದಲ್ಲಿನ ಪ್ರಿಯಾಂಕಾ ಮತ್ತು ನಿಕ್ ಅವರ ಸಂತೋಷದ ಕ್ಷಣಗಳು ಅಭಿಮಾನಿಗಳ ಮೆಚ್ಚುಗೆಗೆ ಪಾತ್ರವಾಗಿದೆ.
ಎಲ್ಲದಕ್ಕಿಂತ ಹೆಚ್ಚು ಆಕರ್ಷಣೀಯ ಫೋಟೋ ಅಂದ್ರೆ ಅದು ಮಗಳು ಮಾಲ್ತಿ ಜೊತೆಗಿರುವ ನಿಕ್ ಫೋಟೋ. ಕಾರಿನೊಳಗೆ ಕುಳಿತ ತಂದೆ ಮಗಳು ಕ್ಯಾಮರಾ ಕಣ್ಣಲ್ಲಿ ಸೆರೆಯಾಗಿದ್ದು, ಮಾಲ್ತಿ ಮೇರಿ ಚೋಪ್ರಾ ಜೋನಾನ್ ಸಖತ್ ಕ್ಯೂಟ್ ಆಗಿ ಕಾಣಿಸಿಕೊಂಡಿದ್ದಾರೆ. ಈ ಫೋಟೋಗಳು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿ ಅಭಿಮಾನಿಗಳಿಂದ ಮೆಚ್ಚುಗೆ ಸ್ವೀಕರಿಸಿದೆ.
ಇದನ್ನೂ ಓದಿ: ಸೈಮಾ ಪ್ರಶಸ್ತಿ ಪಡೆದ ತಮಿಳು, ಮಲಯಾಳಂ ಸಿನಿಮಾ ಸಾಧಕರು ಯಾರು? ಇಲ್ಲಿದೆ ಪಟ್ಟಿ
ನಿಮ್ಮನ್ನೇ ಆಚರಿಸುವುದು ನನ್ನ ಜೀವನದ ಅತ್ಯಂತ ಸಂತೋಷಕರ ಕ್ಷಣ, ನನಗೆ ತಿಳಿದಿರದ ಶಾಂತಿಯನ್ನು ನೀವು ನನಗೆ ತೋರಿಸಿದ್ದೀರಿ, ಪ್ರೀತಿ ಕೊಟ್ಟಿದ್ದೀರಿ, ಬರ್ತ್ ಡೇ ಬಾಯ್ ನಾನು ನಿಮ್ಮನ್ನು ಪ್ರೀತಿಸುತ್ತೇನೆ, ನಿಮ್ಮ ಎಲ್ಲಾ ಕನಸುಗಳು ನನಸಾಗಲಿ, ಹ್ಯಾಪಿ ಬರ್ತ್ ಡೇ ಬೇಬಿ ಎಂದು ಬರೆದುಕೊಂಡಿದ್ದಾರೆ.
ಇದನ್ನೂ ಓದಿ: ರಿಷಬ್ ಶೆಟ್ಟಿ ಕೈತುಂಬಾ ಸೈಮಾ ಪ್ರಶಸ್ತಿ; ವಿಡಿಯೋ ಶೇರ್ ಮಾಡಿದ ಡಿವೈನ್ ಸ್ಟಾರ್- ನೋಡಿ
ಪ್ರಿಯಾಂಕಾ ಚೋಪ್ರಾ ಮತ್ತು ನಿಕ್ ಜೋನಾಸ್ 2018ರಲ್ಲಿ ದಾಂಪತ್ಯ ಜೀವನ ಆರಂಭಿಸಿದರು. ಜೋಧ್ಪುರದ ಉಮೈದ್ ಭವನ್ ಪ್ಯಾಲೆಸ್ನಲ್ಲಿ ಹಿಂದೂ ಮತ್ತು ಕ್ರಿಶ್ಚಿಯನ್ ಶಾಸ್ತ್ರದ ಪ್ರಕಾರ ಮದುವೆ ಆದರು. ಇದೊಂದು ರಾಯಲ್ ವೆಡ್ಡಿಂಗ್ ಆಗಿತ್ತು. ಬಳಿಕ ದೆಹಲಿ ಮತ್ತು ಮುಂಬೈನಲ್ಲಿ ಅದ್ಧೂರಿ ಆರತಕ್ಷತೆ ಆಯೋಜಿಸಿದ್ದರು. 2022 ರಲ್ಲಿ ಬಾಡಿಗೆ ತಾಯ್ತನದ ಮೂಲಕ ಮಗಳು ಮಾಲ್ತಿ ಮೇರಿಯನ್ನು ಸ್ವಾಗತಿಸದರು. ವಯಸ್ಸಿನ ವಿಚಾರವಾಗಿ ಕೆಲವರಿಂದ ಟೀಕೆಗೊಳಗಾದರೂ, ಮಾದರಿ ದಂಪತಿಯಾಗಿ ಗುರುತಿಸಿಕೊಂಡಿದ್ದಾರೆ.
