ಹೈದರಾಬಾದ್: ಅಭಿನಯ ಮತ್ತು ಸೌಂದರ್ಯದಿಂದ ಅಭಿನಮಾನಿಗಳನ್ನು ಗಳಿಸಿರುವ ಲೇಡಿ ಸೂಪರ್ ಸ್ಟಾರ್ ಬಾಲಿವುಡ್ನ ಜವಾನ್ ಸಿನಿಮಾದಲ್ಲಿ ಅದ್ಭುತ ನಟನೆ ಮಾಡಿದ್ದು, ಇನ್ನಷ್ಟು ಮೆಚ್ಚುಗೆ ಗಳಿಸಿದ್ದಾರೆ. ಶಾರುಖ್ ಖಾನ್ ಅಭಿನಯದ ಜಾವಾನ್ ಸಿನಿಮಾ ತೆರೆಕಂಡ ಮೂರು ಭಾಷೆಯಲ್ಲಿ ಯಶಸ್ವಿ ಪ್ರದರ್ಶನ ಕಾಣುತ್ತಿದ್ದು, ಅಭಿಮಾನಿಗಳಿಂದ ಧನಾತ್ಮಕ ಪ್ರತಿಕ್ರಿಯೆಗಳು ಬರುತ್ತಿದೆ. ಬಾಲಿವುಡ್ ನಟನಿಗೆ ಸೌಥನ್ ಸ್ಟಾರ್ ನಿರ್ದೇಶಕ ಅಟ್ಲಿ ಈ ಸಿನಿಮಾಕ್ಕೆ ಆ್ಯಕ್ಷನ್ ಕಟ್ ಹೇಳಿದ್ದಾರೆ.
ಮೊದಲೇ ಸೌಥ್ನಲ್ಲಿ ಲೇಡಿ ಸೂಪರ್ ಸ್ಟಾರ್ ಪಟ್ಟ ಪಡೆದಿದ್ದ ನಯನ ತಾರ ಈಗ ಬಾಲಿವುಡ್ನ ಕಿಂಗ್ ಖಾನ್ ಶಾರುಖ್ ಅವರನ್ನು ಸಾಮಾಜಿಕ ಜಾಲತಾಣದ ಖ್ಯಾತಿಯಲ್ಲಿ ಹಿಮ್ಮೆಟ್ಟಿಸಿ ಅಗ್ರಸ್ಥಾನಕ್ಕೆ ಏರಿದ್ದಾರೆ. ನಯನತಾರಾ ಐಎಂಡಿಬಿ (IMDb)ಯ ಜನಪ್ರಿಯ ಭಾರತೀಯ ಸೆಲೆಬ್ರಿಟಿಗಳ ಪಟ್ಟಿಯಲ್ಲಿ ನಂ.1 ಸ್ಥಾನದಲ್ಲಿದ್ದಾರೆ. ಇಂಟರ್ನೆಟ್ ಮೂವಿ ಡೇಟಾಬೇಸ್ ಸಾಮಾಜಿಕ ಜಾಲತಾಣದಲ್ಲಿ ಹೆಚ್ಚು ಹುಡುಕಾಟ ಮತ್ತು ಟ್ರೆಂಡಿಂಗ್ ಇರುವವರನ್ನು ಗುರುತಿಸಿ ಈ ರೇಟಿಂಗ್ ಕೊಡುತ್ತದೆ.
ಈ ವರ್ಷದ ಆರಂಭದಲ್ಲಿ ಜನಪ್ರಿಯ ಭಾರತೀಯ ಸೆಲೆಬ್ರಿಟಿಗಳ ಪಟ್ಟಿ ಬಿಡುಗಡೆ ಮಾಡುತ್ತಿದೆ. ವಾರಕ್ಕೊಮ್ಮೆ ಬಿಡುಗಡೆಯಾಗುವ ಈ ಪಟ್ಟಿಯಲ್ಲಿ ಜಗತ್ತಿನಾದ್ಯಂತ 200 ಮಿಲಿಯನ್‌ಗಿಂತಲೂ ಹೆಚ್ಚು ಅಭಿಮಾನಿಗಳು ಹುಡುಕಿರುವ ಪಟ್ಟಿಯನ್ನು ರಿಲೀಸ್ ಮಾಡಿದೆ. ಜಾಗತಿಕ ಭಾರತೀಯ ಸೆಲೆಬ್ರಿಟಿಗಳ ಅಭಿಮಾನಿಗಳು ಇದರಲ್ಲಿ ಕಿಂಗ್ ಖಾನ್ ಬಿಟ್ಟು ನಟಿಯೊಬ್ಬಳಿಗೆ ಹೆಚ್ಚು ಆಸಕ್ತಿ ತೋರಿದ್ದಾರೆ. IMDb ಹಂಚಿಕೊಂಡ ಇತ್ತೀಚಿನ ಪಟ್ಟಿಯಲ್ಲಿ, ನಯನತಾರಾ ಜವಾನ್‌ನ ಸೂಪರ್‌ಸ್ಟಾರ್ ನಟ ಶಾರುಖ್ ಖಾನ್‌ಗಿಂತ ಮುಂದಿದ್ದಾರೆ.
ಕಳೆದ ವಾರ ಜವಾನ್ ಸಿನಿಮಾ ತೆರೆಗೆ ಬಂದಾಗ ನಯನ ತಾರಾ 3ನೇ ಸ್ಥಾನದಲ್ಲಿದ್ದರು. IMDb ಯ ಜನಪ್ರಿಯ ಭಾರತೀಯ ಸೆಲೆಬ್ರಿಟಿಗಳ ಪಟ್ಟಿಯಲ್ಲಿ ತಮಿಳು ಲೇಡಿ ಸೂಪರ್‌ಸ್ಟಾರ್ ನಯನತಾರಾ ಹೆಚ್ಚು ಚಲನಚಿತ್ರ ಪ್ರೇಮಿಗಳ ಮನ ಗೆದ್ದಿದ್ದಾರೆ. ಕಳೆದ ವಾರ ಮೂರನೇ ಸ್ಥಾನದದ್ದ ತಾರಾ ಈಗ ಶಾರುಖ್ ಖಾನ್ ಹಿಂದಿಕ್ಕಿ ಅಗ್ರ ಸ್ಥಾನವನ್ನು ಪಡೆದುಕೊಂಡಿದ್ದಾರೆ.
ಜವಾನ್ ತಂಡದ 3 ತಾರೆಯರು ಟಾಪ್ ತ್ರೀಯಲ್ಲಿ: IMDb ಯ ಇತ್ತೀಚಿನ ಜನಪ್ರಿಯ ಭಾರತೀಯ ಸೆಲೆಬ್ರಿಟಿಗಳ ಚಾರ್ಟ್ ಜವಾನ್ ಸಿನಿಮಾಕ್ಕೆ ಪ್ರೇಕ್ಷಕರಿಂದ ಸಿಗುತ್ತಿರುವ ಮೆಚ್ಚುಗೆ ಮತ್ತು ಅದರ ಪ್ರಚಾರದ ಬಗ್ಗೆ ತಿಳಿಯುತ್ತದೆ. ನಯನತಾರಾ ರಾಣಿಯಂತೆ ಅಗ್ರಸ್ಥಾನದಲ್ಲಿದ್ದರೆ, ಕಿಂಗ್ ಖಾನ್ ಎರಡನೇ ಸ್ಥಾನವನ್ನು ಪಡೆದುಕೊಂಡಿದ್ದಾರೆ. ಜವಾನ್‌ನ ನಿರ್ದೇಶಕ ಅಟ್ಲೀ ಕುಮಾರ್ ಕಳೆದ ವಾರ ಹತ್ತನೇ ಸ್ಥಾನದಿಂದ ಈಗ ಮೂರನೇ ಸ್ಥಾನಕ್ಕೆ ಏರಿದ್ದಾರೆ.
ಪತ್ನಿಯ ಖ್ಯಾತಿಗೆ ಪತಿಯ ಮೆಚ್ಚುಗೆ: IMDbಯ ಜನಪ್ರಿಯ ಭಾರತೀಯ ಸೆಲೆಬ್ರಿಟಿಗಳ ಪಟ್ಟಿಯಲ್ಲಿ ನಯನತಾರಾ ಅಗ್ರಸ್ಥಾನದಲ್ಲಿರುವಂತೆ ವಿಘ್ನೇಶ್ ಶಿವನ್ ಪ್ರತಿಕ್ರಿಯಿಸಿದ್ದಾರೆ. ನಯನತಾರಾ ಅವರ ಪತಿ ಮತ್ತು ಚಲನಚಿತ್ರ ನಿರ್ಮಾಪಕ ವಿಘ್ನೇಶ್ ಶಿವನ್ ಸೂಪರ್‌ಸ್ಟಾರ್ ಪತ್ನಿಯ ಸಾಧನೆಗಳಿಗಾಗಿ ಆಗಾಗ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಇಂದು (ಬುಧವಾರ) ವಿಘ್ನೇಶ್ ಅವರು ತಮ್ಮ "ತಂಗಮಾಯೆ" ಯನ್ನು ಇನ್ಸ್ಟಾಗ್ರಾಮ್ನಲ್ಲಿ ಹೊಗಳಿದ್ದಾರೆ. ಇನ್ಸ್ಟಾಗ್ರಾಮ್ ಸ್ಟೋರಿಯಲ್ಲಿ ವಿಘ್ನೇಶ್ "ನಿಮ್ಮ ಬಗ್ಗೆ ಹೆಮ್ಮೆ ಇದೆ ತಂಗಮಾಯೆ" ಎಂದು ಬರೆದು ಪತ್ನಿಗೆ ಟ್ಯಾಗ್ ಮಾಡಿದ್ದಾರೆ.
ಇದನ್ನೂ ಓದಿ: 'ಸಲಾರ್' ಸಿನಿಮಾ ರಿಲೀಸ್ ಮುಂದೂಡಿಕೆ: ಹೊಂಬಾಳೆ ಫಿಲಂಸ್ ಪೋಸ್ಟ್‌ ಸ್ಪಷ್ಟನೆ ಹೀಗಿದೆ..
