ತೆಲುಗು ಸೂಪರ್ಸ್ಟಾರ್ ಮಹೇಶ್ ಬಾಬು ನಟ ಮಾತ್ರವಲ್ಲದೇ, ಒಬ್ಬ ತಂದೆಯಾಗಿ, ಪತಿಯಾಗಿ ಎಂದಿಗೂ ಪರ್ಫೆಕ್ಟ್. ಸಿನಿಮಾಗಳಿಗೆ ಮಾತ್ರವಲ್ಲದೇ ತಮ್ಮ ಕುಟುಂಬಕ್ಕೂ ಇಂತಿಷ್ಟು ಸಮಯ ಮೀಸಲಿಡುತ್ತಾರೆ. ಪ್ರವಾಸಕ್ಕೆ ಹೆಚ್ಚಿನ ಆದ್ಯತೆ ಕೊಡುವ ನಟ ಫ್ಯಾಮಿಲಿ ಜೊತೆಗೆ ಟ್ರಿಪ್ ಹೋಗುತ್ತಾರೆ. ರಜಾದಿನಗಳನ್ನು ಎಂಜಾಯ್ ಮಾಡುತ್ತಾರೆ. ಕಳೆದ ವಾರವಷ್ಟೇ ಮಹೇಶ್, ಪತ್ನಿ ನಮ್ರತಾ ಶಿರೋಡ್ಕರ್ ಮತ್ತು ಮಕ್ಕಳಾದ ಗೌತಮ್, ಸಿತಾರಾ ಜೊತೆ ಲಂಡನ್ಗೆ ತೆರಳಿದ್ದರು. ಈ ವೇಳೆ ಹೈದರಾಬಾದ್ ವಿಮಾನ ನಿಲ್ದಾಣದಲ್ಲಿ ಕಾಣಿಸಿಕೊಂಡಿದ್ದರು.
ಮಹೇಶ್ ಅವರ ಪತ್ನಿ ನಮ್ರತಾ ನಟಿ ಮತ್ತು ಮಾಜಿ ಮಾಡೆಲ್ ಕೂಡ ಹೌದು. ಲಂಡನ್ನಲ್ಲಿ ಎಂಜಾಯ್ ಮಾಡುತ್ತಿರುವ ಫೋಟೋಗಳನ್ನು ಅವರು ಇನ್ಸ್ಟಾದಲ್ಲಿ ಹಂಚಿಕೊಂಡಿದ್ದಾರೆ. ಕುಟುಂಬದವರು ಮತ್ತು ಸ್ನೇಹಿತರೊಂದಿಗಿನ ಚಿತ್ರಗಳನ್ನು ಶೇರ್ ಮಾಡಿಕೊಂಡಿದ್ದಾರೆ. ಫೋಟೋದಲ್ಲಿ ನಮ್ರತಾ ಶಿರೋಡ್ಕರ್, ಪತಿ ಮಹೇಶ್ ಬಾಬು, ಮಕ್ಕಳಾದ ಗೌತಮ್ ಮತ್ತು ಸಿತಾರಾ, ನಮ್ರತಾ ಅವರ ಸಹೋದರಿ ಶಿಲ್ಪಾ ಶಿರೋಡ್ಕರ್ ಹಾಗೂ ಸ್ನೇಹಿತರು ಇದ್ದಾರೆ.
ಈ ಸುಂದರ ಫೋಟೋಗಳಿಗೆ ನಮ್ರತಾ, "ಕೆಲವು ಸಂಜೆಗಳು ತುಂಬಾ ಸ್ಪೆಷಲ್.. ಲಂಡನ್" ಎಂದು ಕ್ಯಾಪ್ಶನ್ ನೀಡಿದ್ದಾರೆ. ಮತ್ತೊಂದು ಗ್ರೂಪ್ ಫೋಟೋಗೆ, "ಕೆಲವು ಸ್ಪೆಷಲ್ ಸಂಜೆಗಳು.. ಲಂಡನ್" ಎಂದು ಶೀರ್ಷಿಕೆ ಬರೆದಿದ್ದಾರೆ. ಮಹೇಶ್ ಬಾಬು ಕುಟುಂಬ ಮತ್ತು ಸ್ನೇಹಿತರು ಎಲ್ಲರೂ ಜೊತೆಯಾಗಿ ಸೇರಿ ಎಂಜಾಯ್ ಮಾಡಿದ್ದಾರೆ. ಹಂಚಿಕೊಂಡ ಫೋಟೋದಲ್ಲಿ ಎಲ್ಲರೂ ಮಿಲಿಯನ್ ಡಾಲರ್ ಸ್ಮೈಲ್ ನೀಡುತ್ತಿರುವುದನ್ನು ಕಾಣಬಹುದು.
ಇದನ್ನೂ ಓದಿ: ಫಿಟ್ನೆಸ್ ಕಾಪಾಡಿಕೊಳ್ಳುವುದರಲ್ಲಿ ಮಹೇಶ್ ಬಾಬು ಪರ್ಫೆಕ್ಟ್: ಅವರ ಬ್ರೇಕ್ಫಾಸ್ಟ್ನಲ್ಲಿ ಏನಿರುತ್ತೆ ಗೊತ್ತಾ?
ನಮ್ರತಾ ಮತ್ತು ಮಹೇಶ್ ಲಂಡನ್ನಲ್ಲಿ ಜೊತೆಯಾಗಿ ಸುತ್ತಾಡಿದ ದಿನಗಳಿವೆ. ಇವರಿಬ್ಬರು 2000 ದಲ್ಲಿ ವಂಶಿ ಚಿತ್ರದ ಸೆಟ್ನಲ್ಲಿ ಭೇಟಿಯಾದರು. 5 ವರ್ಷಗಳ ಕಾಲ ಡೇಟಿಂಗ್ನಲ್ಲಿದ್ದ ಜೋಡಿ 2005 ರಲ್ಲಿ ಮದುವೆಯಾದರು. ಬಳಿಕ ಮಹೇಶ್ ಬಾಬು ಸಿನಿಮಾದಲ್ಲಿ ಮುಂದುವರೆದರು. ಆದರೆ ಮದುವೆಯ ನಂತರ ನಮ್ರತಾ ಶಿರೋಡ್ಕರ್ ಸಿನಿಮಾದಿಂದ ಹಿಂದೆ ಸರಿದು ನಟನೆಗೆ ವಿದಾಯ ಹೇಳಿದರು.
ಗುಂಟೂರು ಖಾರಂ: ಇನ್ನೂ ಸೂಪರ್ಸ್ಟಾರ್ ಮಹೇಶ್ ಬಾಬು ಅವರ ಸಿನಿ ಕೆಲಸ ಗಮನಿಸುವುದಾದರೆ, 'ಗುಂಟೂರು ಖಾರಂ' ಬಹುನಿರೀಕ್ಷಿತ ಸಿನಿಮಾಗಳಲ್ಲೊಂದು. ತ್ರಿವಿಕ್ರಮ್ ಶ್ರೀನಿವಾಸ್ ಆ್ಯಕ್ಷನ್ ಕಟ್ ಹೇಳುತ್ತಿರುವ ಈ ಸಿನಿಮಾದಲ್ಲಿ ಮಹೇಶ್ ಬಾಬು ಪ್ರಮುಖ ಪಾತ್ರ ವಹಿಸುತ್ತಿದ್ದಾರೆ. ವರದಿಗಳ ಪ್ರಕಾರ, ಸ್ಕ್ರಿಪ್ಟ್ ಸೇರಿದಂತೆ ಚಿತ್ರತಂಡದಲ್ಲಿ ಕೆಲ ಬದಲಾವಣೆ ಆಗುತ್ತಿದ್ದು, ಚಿತ್ರೀಕರಣ ವಿಳಂಬವಾಗುತ್ತಿದೆ. ಪೂಜಾ ಹೆಗ್ಡೆ ಚಿತ್ರದಿಂದ ನಿರ್ಗಮಿಸಿದ್ದಾರೆ. ಮೀನಾಕ್ಷಿ ಚೌಧರಿ ಚಿತ್ರತಂಡ ಸೇರಿದ್ದಾರೆ. ಇತ್ತೀಚೆಗೆ ನಡೆದ ಕಾರ್ಯಕ್ರಮವೊಂದರಲ್ಲಿ ಮೀನಾಕ್ಷಿ ಚೌಧರಿ ಇದನ್ನು ದೃಢಪಡಿಸಿದ್ದಾರೆ. ಇದಲ್ಲದೇ ಕೆಲವು ದಿನಗಳ ಹಿಂದೆ ಈ ಬಹುನಿರೀಕ್ಷಿತ ಪ್ರಾಜೆಕ್ಟ್‌ನಿಂದ ಸಂಗೀತ ಸಂಯೋಜಕ ತಮನ್ ಕೂಡ ಹೊರಗುಳಿದಿದ್ದಾರೆ.
ಇದನ್ನೂ ಓದಿ: ಮಹೇಶ್ ಚಿತ್ರಕ್ಕೆ ಸಂಕಷ್ಟ: 'ಗುಂಟೂರು ಖಾರಂ' ಸಿನಿಮಾದಿಂದ ಸಂಗೀತ ಸಂಯೋಜಕ ತಮನ್ ಔಟ್
