ಚೆನ್ನೈ (ತಮಿಳುನಾಡು): ಮಲಯಾಳಂ ನಟ ಶಿಯಾಸ್ ಪೀಚಟ್ಕುನ್ನೆಲ್ ಅಬ್ದುಲ್ ಕರೀಂ ಅವರನ್ನು ಚೆನ್ನೈ ವಿಮಾನ ನಿಲ್ದಾಣದಲ್ಲಿ ಪೊಲೀಸರು ಬಂಧಿಸಿದ್ದಾರೆ. ಮದುವೆಯಾಗುವ ನೆಪದಲ್ಲಿ ಹಲವೆಡೆ ಕರೆದೊಯ್ದು ಲೈಂಗಿಕ ದೌರ್ಜನ್ಯ ಎಸಗಿರುವುದಾಗಿ ಯುವತಿಯೊಬ್ಬಳು ಆರೋಪಿಸಿದ ಹಿನ್ನೆಲೆ 32 ವರ್ಷದ ನಟನನ್ನು ಬಂಧಿಸಲಾಗಿದೆ.
ಪ್ರಕರಣವೇನು?: ಎರ್ನಾಕುಲಂನಲ್ಲಿ ಫಿಟ್ನೆಸ್ ಸೆಂಟರ್ ನಡೆಸುತ್ತಿರುವ ನಟ ಶಿಯಾಸ್ ಕರೀಂಗೆ ಕಾಸರಗೋಡು ಜಿಲ್ಲೆಯ ಪೆರುನ್ನ ಪ್ರದೇಶದ 31 ವರ್ಷದ ಮಹಿಳೆಯೊಂದಿಗೆ ಸಂಬಂಧವಿತ್ತು. ಈ ಮಹಿಳೆಗೆ ಮದುವೆಯಾಗಿದ್ದು, ವಿಚ್ಛೇದನ ಕೂಡ ಪಡೆದಿದ್ದಾರೆ. ಬಳಿಕ ನಟನಿಗೆ ಸೇರಿರುವ ಎರ್ನಾಕುಲಂನಲ್ಲಿರುವ ಜಿಮ್ನಲ್ಲಿ ಮಹಿಳೆಯು ತರಬೇತುದಾರರಾಗಿ ಕೆಲಸ ಮಾಡುತ್ತಿದ್ದರು.
ಆದರೆ ನಟ ಶಿಯಾಸ್ ತನ್ನನ್ನು ಮದುವೆಯಾಗುವ ನೆಪದಲ್ಲಿ ಹಲವೆಡೆ ಕರೆದೊಯ್ದು ಲೈಂಗಿಕ ದೌರ್ಜನ್ಯ ಎಸಗಿದ್ದಾನೆ ಎಂದು ಯುವತಿಯು ಕಾಸರಗೋಡು ಜಿಲ್ಲೆಯ ಚಂದ್ರ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದರು. ಅಲ್ಲದೇ ನನ್ನಿಂದ 11 ಲಕ್ಷ ರೂಪಾಯಿಗಳನ್ನು ಶಿಯಾಸ್ ಪಡೆದಿದ್ದು, ಅದನ್ನು ಹಿಂತಿರುಗಿಸಿಲ್ಲ ಎಂದು ದೂರಿನಲ್ಲಿ ಉಲ್ಲೇಖಿಸಿದ್ದರು. ಈ ಸಂಬಂಧ ಪೊಲೀಸರು ಶಿಯಾಸ್ ಕರೀಂ ವಿರುದ್ಧ ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದರು.
ಇದನ್ನೂ ಓದಿ: ಚಾಕೊಲೇಟ್ ಆಮಿಷ ತೋರಿಸಿ ಮಕ್ಕಳ ಮೇಲೆ ಲೈಂಗಿಕ ದೌರ್ಜನ್ಯವೆಸಗಿದ ಆರೋಪ: ಹುಬ್ಬಳ್ಳಿಯಲ್ಲಿ ಹೋಟೆಲ್ ಕುಕ್ ಅರೆಸ್ಟ್
ಆದರೆ ಈ ಮಧ್ಯೆ ಶಿಯಾಸ್ ಕರೀಂ ದುಬೈಗೆ ಹಾರಿದ್ದ. ಬಳಿಕ ಅವರ ಬಂಧನಕ್ಕಾಗಿ ಎಲ್ಲಾ ವಿಮಾನ ನಿಲ್ದಾಣಗಳಿಗೆ ಲುಕ್ಔಟ್ ನೋಟಿಸ್ ಜಾರಿ ಮಾಡಲಾಗಿತ್ತು. ನಟ ಶಿಯಾಸ್ ನಿನ್ನೆ (ಅ.6) ದುಬೈನಿಂದ ವಿಮಾನದ ಮೂಲಕ ಚೆನ್ನೈಗೆ ಆಗಮಿಸಿದ್ದಾನೆ. ವಿಮಾನ ನಿಲ್ದಾಣದ ಅಧಿಕಾರಿಗಳು ನಟನ ಪೌರತ್ವ ದಾಖಲೆಗಳನ್ನು ಪರಿಶೀಲಿಸಿದ ಬಳಿಕ ಆತನ ವಿರುದ್ಧ ಪ್ರಕರಣವಿರುವುದು ಗೊತ್ತಾಗಿ ಪೊಲೀಸರಿಗೆ ಮಾಹಿತಿ ನೀಡಿ, ಶಿಯಾಸ್ನನ್ನು ಹಸ್ತಾಂತರಿಸಿದ್ದಾರೆ.
ಚೆನ್ನೈ ವಿಮಾನ ನಿಲ್ದಾಣದ ಪೊಲೀಸರು ಪ್ರಕರಣದ ಬಗ್ಗೆ ಮಾಹಿತಿ ಪಡೆದು, ಕೇರಳ ರಾಜ್ಯ ಸಂದೇರಾ ಪೊಲೀಸ್ ಇಲಾಖೆಗೆ ತಿಳಿಸಿದರು. ನಟನ ವಿರುದ್ಧ ಪ್ರಕರಣ ದಾಖಲಿಸಲಾಗಿದೆ. ಕಾಸರಗೋಡು ಜಿಲ್ಲೆಯ ಚಂದ್ರ ಠಾಣಾ ಪೊಲೀಸರು ಕೇರಳದಿಂದ ಚೆನ್ನೈ ವಿಮಾನ ನಿಲ್ದಾಣಕ್ಕೆ ಆಗಮಿಸಿ ನಟ ಶಿಯಾಸ್ ಪೀಚಟ್ಕುನ್ನೆಲ್ ಅಬ್ದುಲ್ ಕರೀಂನನ್ನು ಬಂಧಿಸಿ ಕರೆದೊಯ್ದಿದ್ದಾರೆ.
'ವೀರಂ'ನಲ್ಲಿ ಖಳನಾಯಕನಾಗಿ ಕಾಣಿಸಿಕೊಂಡಿದ್ದ ನಟ: ಶಿಯಾಸ್ ಕರೀಂ ಎರ್ನಾಕುಲಂ ಬಳಿಯ ಪೆರುಂಬವೂರ್ ಪ್ರದೇಶದವರು. ಇವರು ಮಲಯಾಳಂ ಬಿಗ್ ಬಾಸ್ ಮತ್ತು ಹಲವಾರು ಟಿವಿ ಶೋಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಜೊತೆಗೆ ಮಲಯಾಳಂ ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಖ್ಯಾತ ತಮಿಳು ನಟ ಅಜಿತ್ ಕುಮಾರ್ ಅವರ ತಮಿಳು ಚಿತ್ರ 'ವೀರಂ'ನಲ್ಲಿ ಖಳನಾಯಕನ ಪಾತ್ರ ಮಾಡಿದ್ದಾರೆ.
ಇದನ್ನೂ ಓದಿ: ಸಿಟಿ ಸ್ಕ್ಯಾನ್ ಲ್ಯಾಬ್ನಲ್ಲಿ ವೃದ್ದೆ ಮೇಲೆ ಲೈಂಗಿಕ ದೌರ್ಜನ್ಯ: ಲ್ಯಾಬ್ ಟೆಕ್ನಿಷಿಯನ್ ಅರೆಸ್ಟ್
