ಮುಂಬೈ: ಕ್ರಿಸ್ಮಸ್ ಸಂಭ್ರಮಾಚಾರಣೆಯನ್ನು ಬಾಲಿವುಡ್ ಸಿನಿತಾರೆಯರು ತಮ್ಮದೇ ರೀತಿಯಲ್ಲಿ ಆಚರಿಸಿಕೊಂಡಿದ್ದಾರೆ. ತಮ್ಮ ಕ್ರಿಸ್ಮಸ್ ಆಚರಣೆ ಫೋಟೋವನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡು ಅಭಿಮಾನಿಗಳಿಗೆ ಶುಭಾಶಯ ಕೋರಿದ್ದಾರೆ. ಅವರಲ್ಲಿ ಕತ್ರಿನಾ ಕೈಫ್ ಮತ್ತು ವಿಕ್ಕಿ ಕೌಶಲ್ ತಮ್ಮ ಕುಟುಂಬದೊಂದಿಗೆ ವಿಶೇಷವಾಗಿ ಕ್ರಿಸ್ಮಸ್ ಹಬ್ಬವನ್ನು ಆಚರಿಸಿಕೊಂಡಿದ್ದು, ಫೋಟೋ ಶೇರ್ ಮಾಡಿದ್ದಾರೆ.
- " class="align-text-top noRightClick twitterSection" data="
">
ಕತ್ರಿನಾ ತಮ್ಮ ಇನ್ಸ್ಟಾಗ್ರಾಮ್ನಲ್ಲಿ ಕುಟುಂಬದೊಂದಿಗೆ ಕ್ರಿಸ್ಮಸ್ ಆಚರಿಸುತ್ತಿರುವ ದೃಶ್ಯವನ್ನು ಹಂಚಿಕೊಂಡಿದ್ದಾರೆ. ಫೋಟೋದಲ್ಲಿ ಕತ್ರಿನಾ ಅವರ ಅತ್ತೆ ವೀಣಾ ಕೌಶಲ್ ಮತ್ತು ಸಹೋದರಿ ಇಸಾಬೆಲ್ಲೆ ಕೆಂಪು ಬಟ್ಟೆಯನ್ನು ಧರಿಸಿ ಮಿಂಚುತ್ತಿದ್ದಾರೆ. ಇನ್ನು ವಿಕ್ಕಿ ಕೌಶಲ್ ಮತ್ತು ಅವರ ಸಹೋದರ ಸನ್ನಿ ಕ್ರಿಸ್ಮಸ್ ತಾತನ ಟೋಪಿ ಧರಿಸಿದ್ದಾರೆ. ವಿಕ್ಕಿಯಂತೂ ಸಾಂತಾ ಅವತಾರದಲ್ಲಿ ಅಭಿಮಾನಿಗಳನ್ನು ಫುಲ್ ರಂಜಿಸಿದ್ದಾರೆ.
ವಿಕ್ಕಿಯ ತಂದೆ ಮಕ್ಕಳ ಖುಷಿ ಕಂಡು ಚಂದದ ನಗು ಬೀರಿ ಫೋಟೋಗೆ ಫೋಸ್ ನೀಡಿದ್ದಾರೆ. ಅಂತೂ ಪರ್ಫೆಕ್ಟ್ ಪ್ಯಾಮಿಲಿಯ ಚಂದದ ಫೋಟೋ ಅಭಿಮಾನಿಗಳಿಗೆ ಖುಷಿ ತಂದುಕೊಟ್ಟಿದೆ. ಅದರ ಜೊತೆಗೆ ಕತ್ರಿನಾ ಇನ್ನೊಂದು ಫೋಟೋ ಹಂಚಿಕೊಂಡಿದ್ದಾರೆ. ಅದರಲ್ಲಿ ಸುಂದರವಾಗಿ ಅಲಂಕೃತವಾದ ಕ್ರಿಸ್ಮಸ್ ಟ್ರೀ ಮೇಲೆ ವಿಕ್ಯಾಟ್ ಚಿತ್ರ ಕಂಗೊಳಿಸುತ್ತಿದೆ. ಈ ಎರಡು ಚಿತ್ರವನ್ನು ಹಂಚಿಕೊಂಡ ಅವರು ಮೇರಿ ಕ್ರಿಸ್ಮಸ್ ಎಂದು ಕ್ಯಾಪ್ಶನ್ ಹಾಕಿಕೊಂಡಿದ್ದಾರೆ. ಇನ್ನೂ ಇದೇ ಫೋಟೋವನ್ನು ವಿಕ್ಕಿ ಕೌಶಲ್ ಕೂಡ ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.
- " class="align-text-top noRightClick twitterSection" data="
">
ವಿಕ್ಯಾಟ್ ಚಿತ್ರಗಳಿಗೆ ಅಭಿಮಾನಿಗಳಂತೂ ಸಿಕ್ಕಾಪಟ್ಟೆ ಕಮೆಂಟ್ಸ್ ಮಾಡಿದ್ದಾರೆ. ಅದರಲ್ಲಿ ಒಬ್ಬರು" ಪಂಜಾಬಿ ಸಾಂತಾ ಮುದ್ದಾಗಿ ಕಾಣುತ್ತಿದ್ದಾರೆ" ಅಂತ ಬರೆದರೆ ಮತ್ತೊಬ್ಬರು "ಒಬ್ಬ ಪಂಜಾಬಿ ವ್ಯಕ್ತಿಯನ್ನು ಸಾಂತಾನನ್ನಾಗಿ ಮಾಡಲು ಅವನ ಹೆಂಡತಿಗೆ ಮಾತ್ರ ಸಾಧ್ಯ" ಎಂದು ಹೇಳಿದ್ದಾರೆ. ವಿಕ್ಯಾಟ್ ಜೋಡಿ ಇತ್ತೀಚೆಗಷ್ಟೇ ತಮ್ಮ ಮೊದಲ ವಿವಾಹ ವಾರ್ಷಿಕೋತ್ಸವವನ್ನು ಮೆಮೊರೇಬಲ್ ಆಗಿ ಆಚರಿಸಿಕೊಂಡಿದ್ದರು.
ಇದನ್ನೂ ಓದಿ: ಪತಿಯೊಂದಿಗಿನ ಮುದ್ದಾದ ಸೆಲ್ಫಿ ಶೇರ್ ಮಾಡಿದ ಕತ್ರಿನಾ.. ಕ್ಯೂಟ್ ಕಪಲ್ ಫೋಟೋ ಮೆಚ್ಚಿದ ಅಭಿಮಾನಿಗಳು
ಫೋನ್ ಬೂತ್ನಲ್ಲಿ ಕತ್ರಿನಾ: ಇವೆಲ್ಲದರ ಮಧ್ಯೆ ಕತ್ರಿನಾ ಅವರ ಇತ್ತಿಚಿಗಿನ ಸಿನಿಮಾ 'ಫೋನ್ ಭೂತ್' ಭಾರೀ ಮೆಚ್ಚುಗೆ ಪಡೆದಿದೆ. ಸಿದ್ಧಾಂತ್ ಚತುರ್ವೇದಿ ಮತ್ತು ಇಶಾನ್ ಖಟ್ಟರ್ ಜೊತೆ ಭಯಾನಕ ಹಾಸ್ಯ ಚಿತ್ರದಲ್ಲಿ ನಟಿಸಿರುವ ಈಕೆಯ ಹೊಸ ಪಾತ್ರಕ್ಕೆ ಪ್ರೇಕ್ಷಕರು ಮನಸೋತಿದ್ದಾರೆ. ಕತ್ರಿನಾ ಮುಂದಿನ ಚಿತ್ರ ಟೈಗರ್ 3 ಆಗಿರಲಿದೆ. ಆದಿತ್ಯ ಚೋಪ್ರಾ ಅವರ ಸಿನಿಮಾ ಇದಾಗಿದ್ದು, ಸಲ್ಮಾನ್ ಖಾನ್ ಜೊತೆ ಕಾಣಿಸಿಕೊಳ್ಳಲಿದ್ದಾರೆ. 2023ರ ದೀಪಾವಳಿ ಸಂದರ್ಭದಲ್ಲಿ ಈ ಚಿತ್ರ ತೆರೆಕಾಣಲಿದೆ.
ಇಷ್ಟು ಮಾತ್ರವಲ್ಲದೇ ಶ್ರೀರಾಮ್ ರಾಘವನ್ ಅವರ ಮುಂಬರುವ 'ಮೇರಿ ಕ್ರಿಸ್ಮಸ್' ಚಿತ್ರದಲ್ಲಿ ತಮಿಳು ನಟ ವಿಜಯ್ ಸೇತುಪತಿ ಜೊತೆ ನಟಿಸಲಿದ್ದಾರೆ. ಮತ್ತು ಫರ್ಹಾನ್ ಅಖ್ತರ್ ಅವರ ಚಿತ್ರ 'ಜೀ ಲೆ ಝರಾ'ದಲ್ಲಿ ಆಲಿಯಾ ಭಟ್ ಮತ್ತು ಪ್ರಿಯಾಂಕಾ ಚೋಪ್ರಾ ಜೊತೆಯಲ್ಲಿ ತೆರೆ ಹಂಚಿಕೊಳ್ಳಲಿದ್ದಾರೆ.
ಮತ್ತೊಂದೆಡೆ ವಿಕ್ಕಿ ಕೌಶಲ್ ಅವರು ಡಿಸೆಂಬರ್ 16 ರಂದು ತೆರೆ ಕಂಡ 'ಗೋವಿಂದ ನಾಮ್ ಮೇರಾ' ಸಿನಿಮಾದಲ್ಲಿ ನಟಿಸಿದ್ದಾರೆ. ಈ ಚಿತ್ರದಲ್ಲಿ ಭೂಮಿ ಪಡ್ನೇಕರ್ ಮತ್ತು ಕಿಯಾರಾ ಅಡ್ವಾಣಿ ಪ್ರಮುಖ ಪಾತ್ರಗಳಲ್ಲಿ ಮಿಂಚಿದ್ದಾರೆ. ಶಶಾಂಕ್ ಖೈತಾನ್ ನಿರ್ದೇಶನದ ಸಿನಿಮಾ ಇದಾಗಿದೆ. ಅಲ್ಲದೇ ಮೇಘನಾ ಗುಲ್ಜಾರ್ ಅವರ ಮುಂದಿನ ಚಿತ್ರ ಸ್ಯಾಮ್ ಬಹದ್ದೂರ್ ನಲ್ಲಿ ಸನ್ಯಾ ಮಲ್ಹೋತ್ರಾ ಮತ್ತು ಫಾತಿಮಾ ಸನಾ ಶೇಖ್ ಜೊತೆಗೆ ವಿಕ್ಕಿ ಕಾಣಿಸಿಕೊಳ್ಳಲಿದ್ದಾರೆ.
ಇದನ್ನೂ ಓದಿ:ಕೈ ಕೈ ಹಿಡಿದು ನಡೆದ ಕತ್ರಿನಾ-ವಿಕ್ಕಿ.. ವಿಡಿಯೋ ವೈರಲ್
