'ಭಗವಂತ ಕೇಸರಿ' ಚಿತ್ರದ ಯಶಸ್ಸಿನ ಖುಷಿಯಲ್ಲಿರುವ ಟಾಲಿವುಡ್ ಸ್ಟಾರ್ ನಟಿ ಕಾಜಲ್ ಅಗರ್ವಾಲ್ ಇದೀಗ ಪೊಲೀಸ್ ಅಧಿಕಾರಿಯಾಗಿ ಕಾಣಿಸಿಕೊಂಡಿದ್ದಾರೆ. ಮಹಿಳಾ ಪ್ರಧಾನ ಸಿನಿಮಾ 'ಸತ್ಯಭಾಮ'ದಲ್ಲಿ ಮುಖ್ಯ ಭೂಮಿಕೆಯಲ್ಲಿ ಅಭಿನಯಿಸಿದ್ದಾರೆ. ಇಂದು ಈ ಚಿತ್ರದ ಟೀಸರ್ ಬಿಡುಗಡೆಯಾಗಿದೆ. ಆ್ಯಕ್ಷನ್ ಮೂಡ್ನಲ್ಲಿ ಬಂದಿರುವ ಟೀಸರ್ ಪ್ರೇಕ್ಷಕರ ಮನಸೂರೆಗೊಳ್ಳುತ್ತಿದೆ.
- " class="align-text-top noRightClick twitterSection" data="">
ಟೀಸರ್ನಲ್ಲೇನಿದೆ?: ಹುಡುಗಿಯೊಬ್ಬಳ ಕೊಲೆ ಪ್ರಕರಣವನ್ನು ಭೇದಿಸುವಾಗ ದಕ್ಷ ಪೊಲೀಸ್ ಅಧಿಕಾರಿ ಸತ್ಯಭಾಮಾ (ಕಾಜಲ್) ಎದುರಿಸಿದ ಸವಾಲುಗಳೇನು? ಎಂಬುದನ್ನು ಟೀಸರ್ನಲ್ಲಿ ಕುತೂಹಲಕಾರಿಯಾಗಿ ತೋರಿಸಲಾಗಿದೆ. ಕೊಲೆಗಡುಕರ ಕೈಗೆ ಸಿಕ್ಕ ಹುಡುಗಿಯ ಜೀವ ಉಳಿಸಲು ಸತ್ಯಭಾಮಾ ಪ್ರಯತ್ನಿಸುತ್ತಾಳೆ. ಆದರೆ, ಹುಡುಗಿ ಸಾಯುತ್ತಾಳೆ. ಹೀಗಾಗಿ ಸತ್ಯಭಾಮಾಳನ್ನು ಮತ್ತೊಂದೆಡೆ ವರ್ಗಾವಣೆ ಮಾಡಲಾಗುತ್ತದೆ.
ಈ ಪ್ರಕರಣ ನಿಮ್ಮ ಕೈಯಲ್ಲಿ ಇಲ್ಲ ಎನ್ನುತ್ತಾರೆ ಹಿರಿಯ ಪೊಲೀಸ್ ಅಧಿಕಾರಿ ಪ್ರಕಾಶ್ ರಾಜ್. ಆದರೆ, ಹುಡುಗಿಯೊಬ್ಬಳು ತನ್ನ ಜೊತೆ ಇರುವಾಗಲೇ ಪ್ರಾಣ ಕಳೆದುಕೊಂಡಿರುವುದರಿಂದ ಸತ್ಯಭಾಮಾಗೆ ಪಾಪಪ್ರಜ್ಞೆ ಕಾಡುತ್ತದೆ. ಈ ಕ್ರಮದಲ್ಲಿ ಕೊಲೆಹಂತಕರನ್ನು ಹುಡುಕುವ ಕೆಲಸದಲ್ಲಿ ತೊಡಗುತ್ತಾಳೆ. ತನ್ನ ಹುಡುಕಾಟದ ದಾರಿಯಲ್ಲಿ ಅಡ್ಡ ಬಂದ ಖಳನಾಯಕರ ಜೊತೆ ಫೈಟ್ ಮಾಡುತ್ತಾಳೆ. ಫುಲ್ ಆ್ಯಕ್ಷನ್ ಮೂಡ್ನಲ್ಲಿ ಕಾಜಲ್ ಕಾಣಿಸಿಕೊಂಡಿದ್ದು, ಟೀಸರ್ ಪವರ್ ಫುಲ್ ಆಗಿದೆ.