ಆಸ್ಕರ್ 2023 ಪ್ರಶಸ್ತಿ ಬಳಿಕ ದಕ್ಷಿಣ ಭಾರತದ ಸೂಪರ್ ಸ್ಟಾರ್ ಜೂನಿಯರ್ ಎನ್ಟಿಆರ್ ಜನಪ್ರಿಯತೆ ಹೆಚ್ಚುತ್ತಿದೆ. ದೇಶ, ಸಾಗರದಾಚೆಗೂ ಅಭಿಮಾನಿಗಳ ಸಂಖ್ಯೆ ದ್ವಿಗುಣಗೊಂಡಿದೆ. ಆರ್ಆರ್ಆರ್ ಎಂಬ ಸೂಪರ್ ಹಿಟ್ ಚಿತ್ರದಲ್ಲಿ ಅಮೋಘ ಅಭಿನಯದ ಮೂಲಕ ಅಪಾರ ಅಭಿಮಾನಿಗಳನ್ನು ಸೆಳೆದಿರುವ ಇವರು ಮುಂದಿನ ಪ್ರೊಜೆಕ್ಟ್ಗಳಲ್ಲಿ ಬ್ಯುಸಿಯಾಗಿದ್ದಾರೆ.
ಜೂ.ಎನ್ಟಿಆರ್ ಅಭಿನಯದ ಮುಂದಿನ 'ಎನ್ಟಿಆರ್ 30' ಸಿನಿಮಾದ ಮುಹೂರ್ತ ಕಾರ್ಯಕ್ರಮ ಇತ್ತೀಚೆಗಷ್ಟೇ ನಡೆಯಿತು. NTR30 ಎಂಬ ತಾತ್ಕಾಲಿಕ ಶೀರ್ಷಿಕೆಯುಳ್ಳ ಚಿತ್ರಕ್ಕೆ ಬಾಲಿವುಡ್ ಬೆಡಗಿ ಜಾನ್ವಿ ಕಪೂರ್ ನಾಯಕಿ. ಕೊರಟಾಲ ಶಿವ ಆ್ಯಕ್ಸನ್ ಕಟ್ ಹೇಳಲಿದ್ದಾರೆ.
-
I will only Collaborate For A Content that will Demand A Star like @tarak9999 - #vetrimaaran 👌🔥❤️🔥. pic.twitter.com/9BTYhcGwNq
— Sai Mohan 'NTR' (@Sai_Mohan_999) April 11, 2023 " class="align-text-top noRightClick twitterSection" data="
">I will only Collaborate For A Content that will Demand A Star like @tarak9999 - #vetrimaaran 👌🔥❤️🔥. pic.twitter.com/9BTYhcGwNq
— Sai Mohan 'NTR' (@Sai_Mohan_999) April 11, 2023I will only Collaborate For A Content that will Demand A Star like @tarak9999 - #vetrimaaran 👌🔥❤️🔥. pic.twitter.com/9BTYhcGwNq
— Sai Mohan 'NTR' (@Sai_Mohan_999) April 11, 2023
ಜಾನ್ವಿ ಕಪೂರ್ ಅವರ ಚೊಚ್ಚಲ ಟಾಲಿವುಡ್ ಚಿತ್ರವಿದು. ವರ್ಷಾಂತ್ಯಕ್ಕೆ ಸಿನಿಮಾ ಬಿಡುಗಡೆಗೆ ಚಿತ್ರತಂಡ ಯೋಜಿಸಿದೆ. 'ಎನ್ಟಿಆರ್ 30' ಮೂಲಕ ಜಾನ್ವಿ ಬಹುಭಾಷಾ ತಾರೆಯಾಗಿ ಗುರುತಿಸಿಕೊಳ್ಳುವರು. ಈವರೆಗಿನ ಸಿನಿಮಾಗಳು ನಟಿಗೆ ಹೇಳಿಕೊಳ್ಳುವಂಥ ಬ್ರೇಕ್ ಕೊಟ್ಟಿಲ್ಲ. ಆದ್ರೆ ತೆಲುಗು ಚಿತ್ರ ಯಶಸ್ವಿಯಾಗಲಿದೆ ಎಂಬ ವಿಶ್ವಾಸದಲ್ಲಿದ್ದಾರೆ.
'ಎನ್ಟಿಆರ್ 30' ಅಲ್ಲದೇ ಮತ್ತೊಂದು ಸಿನಿಮಾಗೂ ಜೂ.ಎನ್ಟಿಅರ್ ಒಪ್ಪಿಗೆ ಕೊಟ್ಟಿದ್ದಾರೆ ಎಂಬ ಸುದ್ದಿ ಇದೆ. ನಿರ್ದೇಶಕ ವೆಟ್ರಿಮಾರನ್ (Vetrimaaran) ಅವರು ಈ ಹಿಂದೆ ತಮಿಳು ನಟ ಧನುಷ್ ಅವರೊಂದಿಗೆ ಹಲವು ಪ್ರಾಜೆಕ್ಟ್‌ಗಳಲ್ಲಿ ಕೆಲಸ ಮಾಡಿದ್ದಾರೆ. ಇದೀಗ ಜೂ. ಎನ್ಟಿಆರ್ ಅವರೊಂದಿಗೆ ಕೆಲಸ ಮಾಡುವುದಾಗಿ ತಿಳಿಸಿದ್ದಾರೆ. ಆದ್ರೆ ಹೊಸ ಚಿತ್ರಕ್ಕಿನ್ನೂ ಟೈಟಲ್ ಅಂತಿಮಗೊಂಡಿಲ್ಲ. ಆರ್ಆರ್ಆರ್ ಖ್ಯಾತಿಯ ತಾರೆಗೆ ಅಗತ್ಯವಿರುವ ಕಂಟೆಂಟ್ ಇಟ್ಟುಕೊಂಡು ಕೆಲಸ ಮಾಡುವುದಾಗಿ ನಿರ್ದೇಶಕರು ಹೇಳಿದ್ದಾರೆ.
ವೆಟ್ರಿಮಾರನ್ ಅವರು ತಮಿಳು ಚಲನಚಿತ್ರ ವಿಡುದಲೈ: ಭಾಗ 1ರ ತೆಲುಗು ಡಬ್ಬಿಂಗ್ ಆವೃತ್ತಿಯ ಪ್ರಚಾರ ಸಲುವಾಗಿ ಹೈದರಾಬಾದ್‌ನಲ್ಲಿ ಇತ್ತೀಚೆಗೆ ಮಾಧ್ಯಮಗಳೊಂದಿಗೆ ಸಂವಾದ ನಡೆಸಿದರು. ಸಂವಾದದ ವೇಳೆ, ಜೂನಿಯರ್ ಎನ್ಟಿಆರ್ ಅವರೊಂದಿಗೆ ಕೆಲಸ ಮಾಡಲಿರುವ ವದಂತಿಗಳ ಬಗ್ಗೆ ನಿರ್ದೇಶಕರನ್ನು ಮಾಧ್ಯಮದವರು ಪ್ರಶ್ನಿಸಿದರು. ಈ ಸಂದರ್ಭದಲ್ಲಿ ನಿರ್ದೇಶಕರು ಆರ್ಆರ್ಆರ್ ನಟನೊಂದಿಗೆ ಸಿನಿಮಾ ಮಾಡುವ ವಿಚಾರವನ್ನು ಬಹಿರಂಗಪಡಿಸಿದ್ದು, ಹೆಚ್ಚಿನ ಮಾಹಿತಿಯನ್ನು ಬಿಟ್ಟುಕೊಟ್ಟಿಲ್ಲ.
"ಕೊಲಾಬ್ರೇಶನ್ (ನಟ-ನಿರ್ದೇಶಕರ ಸಹಭಾಗಿತ್ವ) ಬಹಳ ಅರ್ಥಪೂರ್ಣವಾದದ್ದು. ನಾನು ಕೇವಲ ಸ್ಟಾರ್ ವ್ಯಾಲ್ಯೂಗಾಗಿ ಸಹಕರಿಸುವುದಿಲ್ಲ. ಅವರಂಥ ಸ್ಟಾರ್‌ಗೆ ಬೇಡಿಕೆಯಿರುವ ಕಂಟೆಂಟ್ಗೆ ಮಾತ್ರ ಸಹಕರಿಸುತ್ತೇನೆ. ಅಷ್ಟು ಮಾತ್ರ ಈಗ ಹೇಳಬಲ್ಲೆ" ಎಂದರು. ಅಭಿಮಾನಿಗಳು ನಿರ್ದೇಶಕರು ಮಾತನಾಡಿರುವ ವಿಡಿಯೋಗೆ ಪ್ರತಿಕ್ರಿಯಿಸಿದ್ದಾರೆ.
ಇದನ್ನೂ ಓದಿ: ಶಿವಾಜಿ ಸುರತ್ಕಲ್ 2: ಪ್ರೇಕ್ಷಕರ ಮನ‌‌ಗೆಲ್ಲಲು ಸಜ್ಜಾಗಿದ್ದಾರೆ ರಮೇಶ್ ಅರವಿಂದ್
ವೆಟ್ರಿಮಾರನ್ ಮತ್ತು ಜೂ.ಎನ್ಟಿಆರ್ ಸಹಯೋಗದಲ್ಲಿ ಸಿನಿಮಾ ಬರಲಿದೆ ಎಂಬ ವಿಚಾರ ಕೇಳಿ ಬಹಳ ಸಂತೋಷವಾಗಿದೆ ಎಂದು ಅಭಿಮಾನಿಗಳು ಹರ್ಷ ವ್ಯಕ್ತಪಡಿಸಿದ್ದಾರೆ. "ಇದು ಅದ್ಭುತ ಸಹಯೋಗ" ಎಂದು ಓರ್ವರು ಬರೆದರೆ, ಇನ್ನೊಬ್ಬರು "ಈ ಪ್ರೊಜೆಕ್ಟ್ ಪ್ರಾರಂಭವಾಗುವವರೆಗೆ ಕಾಯಲು ಸಾಧ್ಯವಿಲ್ಲ" ಎಂದು ಕುತೂಹಲ ವ್ಯಕ್ತಪಡಿಸಿದ್ದಾರೆ.
ಇನ್ನು, ಬಾಲಿವುಡ್ನ ಸೂಪರ್ ಹಿಟ್ ಸಿನಿಮಾ 'ವಾರ್' ಸೀಕ್ವೆಲ್ನಲ್ಲಿ ಜೂನಿಯರ್ ಎನ್ಟಿಆರ್ ಕಾಣಿಸಿಕೊಳ್ಳಲಿದ್ದಾರೆ ಎಂದು ಸಿನಿಮಾ ವಿಶ್ಲೇಷಕ ತರಣ್ ಆದರ್ಶ್ ಇತ್ತೀಚೆಗಷ್ಟೇ ತಿಳಿಸಿದ್ದರು. ಸಲ್ಮಾನ್ ಖಾನ್ ಅವರ ಮುಂದಿನ ಬಹುನಿರೀಕ್ಷಿತ 'ಟೈಗರ್ 3'ನಲ್ಲಿಯೂ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಳ್ಳುವ ಸಾಧ್ಯತೆ ಇದೆ. ಚಿತ್ರತಂಡದಿಂದ ಅಧಿಕೃತ ಮಾಹಿತಿಗಾಗಿ ಅಭಿಮಾನಿಗಳು ಕಾಯುತ್ತಿದ್ದಾರೆ. ಒಟ್ಟಾರೆ ಸೌತ್ ಸೂಪರ್ ಸ್ಟಾರ್ ಬಾಲಿವುಡ್ಗೆ ಎಂಟ್ರಿ ಕೊಡಲಿರುವ ಸುದ್ದಿ ಸಾಕಷ್ಟು ಸದ್ದು ಮಾಡುತ್ತಿದೆ.
ಇದನ್ನೂ ಓದಿ: ಬ್ಯೂಟಿ ಪ್ರೊಡಕ್ಟ್ ಬ್ರ್ಯಾಂಡ್ ಅಂಬಾಸಿಡರ್ ಆಗಿ ಶಾರುಖ್ ಖಾನ್ ಪುತ್ರಿ: ಜಾಲತಾಣದಲ್ಲಿ ಚರ್ಚೆ ಶುರು
