ಲಾಕ್ಮೆ ಫ್ಯಾಶನ್ ವೀಕ್ 2023 ರಲ್ಲಿ ನಟಿ ಜಾಹ್ನವಿ ಕಪೂರ್ ಅವರ ಸೋದರ ಸಂಬಂಧಿ ಮೋಹಿತ್ ಮರ್ವಾ ಪತ್ನಿ ಅಂತರಾ ಮೋತಿವಾಲಾ ವಿಶೇಷವಾಗಿ ಗಮನ ಸೆಳೆದರು. ತುಂಬು ಗರ್ಭಿಯಾಗಿರುವ ಅಂತರಾ ತಮ್ಮ ಬೇಬಿ ಬಂಪ್ ಅನ್ನು ತೋರಿಸುತ್ತಾ ಆತ್ಮವಿಶ್ವಾಸದಿಂದ ರ‍್ಯಾಂಪ್ ವಾಕ್ ಮಾಡಿದರು. ಅಂತರಾ ಕೋ- ಆರ್ಡ್ ಸೆಟ್ ಅನ್ನು ಧರಿಸಿ ರ‍್ಯಾಂಪ್ ವಾಕ್ ಮಾಡಿದ್ದು, ಎಲ್ಲರನ್ನು ವಿಶೇಷವಾಗಿ ಆಕರ್ಷಿಸಿತು.
ಈವೆಂಟ್ನ ಫೋಟೋಗಳನ್ನು ಇನ್ಸ್ಟಾಗ್ರಾಮ್ನಲ್ಲಿ ಸ್ಟೋರಿ ಹಾಕಿಕೊಂಡಿರುವ ಜಾನ್ವಿ ಕಪೂರ್ " ಆ ಒಂದು ಕ್ಷಣ" ಎಂದು ಬರೆದು ಫೈರ್ ಎಮೋಜಿನೊಂದಿಗೆ ಕ್ಯಾಪ್ಶನ್ ಹಾಕಿದ್ದಾರೆ. ಸಾಮಾಜಿಕ ಮಾಧ್ಯಮದಲ್ಲಿ ಈ ವಿಡಿಯೋಗಳು ವೈರಲ್ ಆಗುತ್ತಿದ್ದು, ನೆಟ್ಟಿಗರು ಸೇರಿದಂತೆ ಅನೇಕ ಸೆಲೆಬ್ರಿಟಿಗಳು ಕಮೆಂಟ್ ಮಾಡುತ್ತಿದ್ದಾರೆ. ಅರ್ಜುನ್ ಕಪೂರ್ ಅಂತರಾ ಅವರನ್ನು "ಟ್ರೆಂಡ್ ಸೆಟ್ಟರ್" ಎಂದು ಕರೆದರೆ, ಅವರ ಗೆಳತಿ ಮಲೈಕಾ ಅರೋರಾ, "ಯು ಸ್ಲೇಯಿಡ್ ವುಮೆನ್" ಎಂದು ಕಮೆಂಟ್ ಮಾಡಿದ್ದಾರೆ. ಸೋನಂ ಕಪೂರ್ ಕೂಡ ತನ್ನ ಬಾಲ್ಯದ ಗೆಳತಿ ಅಂತರಾ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಪ್ರಶಂಸೆ ವ್ಯಕ್ತಪಡಿಸಿದ್ದಾರೆ.
ಇದನ್ನೂ ಓದಿ: 2022ರ ಫೋಟೋ ಹಂಚಿಕೊಂಡ ಹೃತಿಕ್ ರೋಷನ್.. ನಟನ ಫಿಟ್ನೆಸ್ ಗುಟ್ಟೇನು?
ಮೋಹಿತ್ ಮರ್ವಾ ಅವರು ಜಾಹ್ನವಿ ಕಪೂರ್ ಆಂಟಿ ರೀನಾ ಕಪೂರ್ ಮಗ. ಮೋಹಿತ್ 2018 ರಲ್ಲಿ ಟೀನಾ ಮುನಿಮ್ ಅವರ ಸೋದರ ಸೊಸೆ ಮತ್ತು ಫ್ಯಾಶನ್ ಮ್ಯಾಗಜೀನ್‌ನ ಮಾಜಿ ಸಂಪಾದಕಿ ಅಂತರಾ ಅವರನ್ನು ವಿವಾಹವಾದರು. 2021 ರಲ್ಲಿ ಹೆಣ್ಣು ಮಗುವನ್ನು ಸ್ವಾಗತಿಸಿದ ನಂತರ ದಂಪತಿ ತಮ್ಮ ಎರಡನೇ ಮಗುವಿಗಾಗಿ ನಿರೀಕ್ಷಿಸುತ್ತಿದ್ದಾರೆ. ಇನ್ಸ್ಟಾಗ್ರಾಮ್ ನಲ್ಲಿ ಪೋಸ್ಟ್ ಹಾಕುವ ಮೂಲಕ ಅಂತರಾ ತಾವು ಗರ್ಭಿಣಿ ಆಗಿರುವುದಾಗಿ ತಿಳಿಸಿದ್ದರು.
- " class="align-text-top noRightClick twitterSection" data="
">
ಟಾಲಿವುಡ್ಗೆ ಕಾಲಿಟ್ಟ ಜಾಹ್ನವಿ ಕಪೂರ್: 2018 ರಲ್ಲಿ ತೆರೆಕಂಡ 'ಧಡಕ್' ಚಿತ್ರದ ಮೂಲಕ ಬಾಲಿವುಡ್ಗೆ ಎಂಟ್ರಿ ಕೊಟ್ಟ ಜಾನ್ವಿ ಕಪೂರ್ ಈವರೆಗೆ ಆರು ಚಿತ್ರಗಳಲ್ಲಿ ನಟಿಸಿದ್ದಾರೆ. ಆದರೆ ಅವರ ಬಾಲಿವುಡ್ ಸಿನಿಮಾಗಳು ಹೇಳಿಕೊಳ್ಳುವಂತಹ ಯಶಸ್ಸು ಕಂಡಿಲ್ಲ. ಇದೀಗ ಅವರಿಗೆ ಟಾಲಿವುಡ್ ಸೂಪರ್ಸ್ಟಾರ್ ಜೂನಿಯರ್ ಎನ್ಟಿಆರ್ ಜೊತೆ ನಟಿಸುವ ಅವಕಾಶ ಸಿಕ್ಕಿದೆ. ಜೂನಿಯರ್ ಎನ್ಟಿಆರ್ ಅಭಿನಯದ ಈ ಹೊಸ ಸಿನಿಮಾಗೆ ಇನ್ನೂ ಶೀರ್ಷಿಕೆ ಅಂತಿಮವಾಗಿಲ್ಲ.
ಸದ್ಯಕ್ಕೆ 'ಎನ್ಟಿಆರ್ 30' ಎಂದೇ ಕರೆಯಲಾಗುತ್ತಿದೆ. ಆದರೆ, ಸಿನಿಮಾಗೆ ನಾಯಕಿಯಾಗಿ ಬಾಲಿವುಡ್ ಬೆಡಗಿ ಜಾನ್ವಿ ಕಪೂರ್ ಎನ್ನುವುದು ಅಧಿಕೃತವಾಗಿ ಚಿತ್ರತಂಡವೇ ಘೋಷಣೆಯಾಗಿದೆ. ಜಾನ್ವಿ ಅವರ ಸಿನಿ ವೃತ್ತಿಯಲ್ಲಿ ಇದು ಬಹುದೊಡ್ಡ ಸಿನಿಮಾವಾಗಲಿದೆ. ಈ ಚಿತ್ರಕ್ಕೆ ಖ್ಯಾತ ನಿರ್ದೇಶಕ ಕೊರಟಾಲ ಶಿವ ಆಕ್ಷನ್ ಕಟ್ ಹೇಳುತ್ತಿದ್ದಾರೆ. ಜೊತೆಗೆ ಇದು ಪ್ಯಾನ್ ಇಂಡಿಯಾ ಸಿನಿಮಾವಾಗಿದೆ. ಮುಂದಿನ ವರ್ಷ ಏಪ್ರಿಲ್ 5 ರಂದು ಸಿನಿಮಾ ತೆರೆಕಾಣಲಿದೆ. ಇದಲ್ಲದೇ ಜಾನ್ವಿ ಕಪೂರ್ 'ಬವಾಲ್' ಹಾಗೂ 'ಮಿಸ್ಟರ್ ಅಂಡ್ ಮಿಸಸ್ ಮಾಹಿ' ಚಿತ್ರದಲ್ಲಿಯೂ ನಟಿಸಲಿದ್ದಾರೆ.
ಇದನ್ನೂ ಓದಿ: ಟಾಲಿವುಡ್ನಲ್ಲಿ ಬೆಳೆಯುತ್ತಿರುವ ಕರುನಾಡ ಕುಡಿ.. 'ಇಂಟಿಂಟಿ ರಾಮಾಯಣಂ' ಸಿನಿಮಾಗೆ ನವ್ಯಾ ನಾಯಕಿ
