ಮೈಸೂರು ಚಾಮುಂಡಿ ಬೆಟ್ಟದಲ್ಲಿ ಸಂಗೀತಾ ಜೊತೆ ದಾಂಪತ್ಯಕ್ಕೆ ಕಾಲಿರಿಸಿದ 'ಜೈಲರ್'​ ನಟ ರೆಡಿನ್​ ಕಿಂಗ್ಸ್ಲಿ

Redin Kingsley married Sangeetha: ಕಾಲಿವುಡ್​ ಹಾಸ್ಯ ನಟ ರೆಡಿನ್​ ಕಿಂಗ್ಸ್ಲಿ ಅವರು ಕಿರುತೆರೆ ಕಲಾವಿದೆ ಸಂಗೀತಾ ಜೊತೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ.

ತಮಿಳು ಚಿತ್ರರಂಗದ ಖ್ಯಾತ ಹಾಸ್ಯ ನಟ ರೆಡಿನ್​ ಕಿಂಗ್ಸ್ಲಿ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದಾರೆ. ಚೆನ್ನೈ ಮೂಲದ ಕಿರುತೆರೆ ಕಲಾವಿದೆ ಸಂಗೀತಾ ಜೊತೆ ಭಾನುವಾರ ಹೊಸ ಜೀವನ ಆರಂಭಿಸಿದ್ದಾರೆ. ಈ ಜೋಡಿ ಮೈಸೂರಿನ ಚಾಮುಂಡಿ ಬೆಟ್ಟದಲ್ಲಿ ಕುಟುಂಬಸ್ಥರು ಹಾಗೂ ಕೆಲವೇ ಆಪ್ತರ ಸಮ್ಮುಖದಲ್ಲಿ ಮದುವೆಯಾಗಿದ್ದಾರೆ. ಸದ್ಯ ಸೋಷಿಯಲ್​ ಮೀಡಿಯಾದಲ್ಲಿ ವಿವಾಹಕ್ಕೆ ಸಂಬಂಧಿಸಿದ ಫೋಟೋಗಳು ವೈರಲ್​ ಆಗುತ್ತಿವೆ. ಅಭಿಮಾನಿಗಳು ನವದಂಪತಿಗೆ ವೈವಾಹಿಕ ಜೀವನಕ್ಕೆ ಶುಭಾಶಯ ಕೋರುತ್ತಿದ್ದಾರೆ.

• Redin Kingsley Weds Sangeetha❤️✨ A Union Of Hearts And A Lifetime Of Love Begins pic.twitter.com/9BmnRnmXxm

  — Behindwoods (@behindwoods) December 10, 2023 " class="align-text-top noRightClick twitterSection" data="

  Redin Kingsley Weds Sangeetha❤️✨ A Union Of Hearts And A Lifetime Of Love Begins pic.twitter.com/9BmnRnmXxm

  — Behindwoods (@behindwoods) December 10, 2023

  ">

  Redin Kingsley Weds Sangeetha❤️✨ A Union Of Hearts And A Lifetime Of Love Begins pic.twitter.com/9BmnRnmXxm

  — Behindwoods (@behindwoods) December 10, 2023

'ಜೈಲರ್​'ನಲ್ಲಿ ಪ್ರೇಕ್ಷಕರನ್ನು ರಂಜಿಸಿದ ಹಾಸ್ಯ ನಟ: ತಮ್ಮದೇ ಶೈಲಿಯ ಹಾಸ್ಯದ ಮೂಲಕ ಪ್ರೇಕ್ಷಕರನ್ನು ರಂಜಿಸುತ್ತಿರುವ ರೆಡಿನ್​ ಕಿಂಗ್ಸ್ಲಿ, ಇತ್ತೀಚೆಗೆ ತೆರೆ ಕಂಡ 'ಜೈಲರ್​' ಸಿನಿಮಾದ ಮೂಲಕ ಸಿನಿ ಪ್ರೇಮಿಗಳಿಗೆ ಮತ್ತಷ್ಟು ಹತ್ತಿರವಾದರು. ಈ ಚಿತ್ರದಲ್ಲಿ ತಮ್ಮ ಕಾಮಿಡಿ ಟೈಮಿಂಗ್​ ಮೂಲಕ ನೋಡುಗರನ್ನು ರಂಜಿಸಿದರು. ಲೇಡಿ ಸೂಪರ್​ಸ್ಟಾರ್​ ನಯನತಾರಾ ಮುಖ್ಯಭೂಮಿಕೆಯ ತಮಿಳು ಸಿನಿಮಾ 'ಕೋಲಮೌ ಕೋಕಿಲಾ' ಮೂಲಕ ಹಾಸ್ಯ ನಟನಾಗಿ ರೆಡಿನ್​ ಕಿಂಗ್ಸ್ಲಿ ತಮ್ಮ ವೃತ್ತಿ ಜೀವನ ಪ್ರಾರಂಭಿಸಿದ್ದರು.

ನಂತರ ಶಿವ ಕಾರ್ತಿಕೇಯನ್​ ಅಭಿನಯದ ಕ್ರೇಜಿ ಕಾಮಿಡಿ ಚಿತ್ರ 'ಡಾಕ್ಟರ್​'ನಲ್ಲಿನ ಅಭಿನಯಕ್ಕಾಗಿ ಅವರು ಅತ್ಯುತ್ತಮ ಹಾಸ್ಯ ನಟ ವಿಭಾಗದಲ್ಲಿ 'ಸೈಮಾ' ಪ್ರಶಸ್ತಿಯನ್ನು ಪಡೆದರು. ಬಳಿಕ ದಳಪತಿ ವಿಜಯ್​ ಅವರ 'ಬೀಸ್ಟ್​', ವಿಜಯ್​ ಸೇತುಪತಿ ನಟನೆಯ 'ಕಥುವಕುಲ ರಂಡು ಕಾದಲ್​' ಹೀಗೆ ಮುಂತಾದ ಚಿತ್ರಗಳಲ್ಲಿ ನಟಿಸಿದ್ದಾರೆ. ಈ ಎಲ್ಲಾ ಸಿನಿಮಾಗಳಿಂದಾಗಿ ರೆಡಿನ್​ ಕಿಂಗ್ಸ್ಲಿ ಭಾರತದಾದ್ಯಂತ ಖ್ಯಾತರಾಗಿದ್ದಾರೆ. 'ಜೈಲರ್​' ಸಿನಿಮಾದಿಂದ ವಿಶ್ವದಾದ್ಯಂತ ತಮ್ಮ ನಗೆ ಚಟಾಕಿಯನ್ನು ಹಾರಿಸಿದ್ದಾರೆ.

ರೆಡಿನ್​ ಕಿಂಗ್ಸ್ಲಿ ಸಿನಿಮಾಗಳು: ರೆಡಿನ್​ ಕಿಂಗ್ಸ್ಲಿ 1997ರ ಏಪ್ರಿಲ್​ 16 ರಂದು ಜನಿಸಿದರು. 1998 ರಲ್ಲಿ 'ಅವಲ್​ ವರುವಲಾ' ಚಿತ್ರದಲ್ಲಿ ಡ್ಯಾನ್ಸರ್​ ಆಗಿ ತೆರೆ ಮೇಲೆ ಕಾಣಿಸಿಕೊಂಡರು. ನಂತರ, 2018 ರಲ್ಲಿ 'ಕೋಲಮೌ ಕೋಕಿಲಾ' ಚಿತ್ರದ ಮೂಲಕ ಪೂರ್ಣ ಪ್ರಮಾಣದ ನಟರಾಗಿ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದರು. ಆ ಚಿತ್ರದೊಂದಿಗೆ ರೆಡಿನ್​ ಕಿಂಗ್ಸ್ಲಿ ಅವಕಾಶಗಳ ಬಾಗಿಲು ತೆರೆಯಿತು. 2019 ರಲ್ಲಿ LKG, ಘೋರ್ಖ, A1 ಮತ್ತು ಜಾಕ್​ಪಾಟ್​ ಸಿನಿಮಾಗಳಲ್ಲಿ ಕಾಣಿಸಿಕೊಂಡರು.

ಆದರೆ, 2020 ರಲ್ಲಿ ಅವರ ಯಾವುದೇ ಸಿನಿಮಾಗಳು ಬಿಡುಗಡೆಯಾಗಿರಲಿಲ್ಲ. 2021ರಲ್ಲಿ ಮೂರು ಸಿನಿಮಾಗಳಲ್ಲಿ ನಟಿಸಿದ್ದ ರೆಡಿನ್​, ಮುಂದಿನ ವರ್ಷ 2022 ರಲ್ಲಿ 11 ಸಿನಿಮಾಗಳಲ್ಲಿ ಕಾಣಿಸಿಕೊಂಡರು. ಈ ವರ್ಷ ತಮ್ಮದೇ ದಾಖಲೆಗಳನ್ನು ಮುರಿದು ಸುಮಾರು 12 ಚಿತ್ರಗಳಲ್ಲಿ ನಟಿಸಿದ್ದಾರೆ. ಸದ್ಯ ಅವರು ಸೂರ್ಯ ನಟನೆಯ ಬಹುನಿರೀಕ್ಷಿತ 'ಕಂಗುವಾ' ಮತ್ತು 'ವಾಸ್ಕೋಡಿಗಾಮ' ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ.

ಇದನ್ನೂ ಓದಿ: ರಜನಿಕಾಂತ್​ರನ್ನು ಬಿಳಿ ಕೂದಲಿನಲ್ಲಿ ತೋರಿಸಬೇಡಿ ಎಂದಿದ್ದರಂತೆ ಫ್ಯಾನ್ಸ್!