ರಿಷಭ್ ಶೆಟ್ಟಿ ನಟಿಸಿ ನಿರ್ದೇಶನ ಮಾಡಿರುವ ಕಾಂತಾರ ಚಿತ್ರ ಅತ್ಯುತ್ತಮ ಯಶಸ್ಸು ಗಳಿಸಿ ದಾಖಲೆಯ ಗಳಿಕೆಯನ್ನು ಮಾಡಿದೆ. ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ಕೆಜಿಎಫ್2 ಬಳಿಕ ಸ್ಯಾಂಡಲ್ವುಡ್ನಲ್ಲಿ ಅತಿ ಹೆಚ್ಚು ಗಳಿಕೆಯನ್ನು ಕಾಂತಾರ ಚಿತ್ರ ಕಂಡಿದೆ. ಇಂದಿಗೂ ಚಿತ್ರ ಮಂದಿರದಲ್ಲಿ ಕಾಂತಾರ ಪ್ರದರ್ಶನ ಕಾಣುತ್ತಿದೆ. ಕೇವಲ ಕನ್ನಡ ಚಿತ್ರರಂಗವಲ್ಲದೇ ಹಿಂದಿ, ತಮಿಳು, ಮಲಯಾಳಂಗಳಲ್ಲೂ ಚಿತ್ರ ಯಶಸ್ಸು ಕಂಡಿದೆ.
ಅಲ್ಲದೇ ಚಿತ್ರಕ್ಕೆ ನೀಡುವ ಐಎಮ್ಡಿಬಿ ರೇಟಿಂಗ್ನಲ್ಲೂ ಕಾಂತಾರ ಮೇಲುಗೈ ಸಾಧಿಸಿದ್ದು, ಕಡಿಮೆ ಬಜೆಟ್ನಲ್ಲಿ ದೊಡ್ಡ ಗಳಿಕೆ ಮಾಡಿದ ಸಿನಿಮಾ ಎಂಬ ಪಾತ್ರಕ್ಕೆ ಕಾಂತಾರ ಕಾರಣವಾಗಿದೆ.
ಇನ್ನು, ಚಿತ್ರವನ್ನು ವೀಕ್ಷಣೆ ಮಾಡಿರುವ ನಟ, ನಟಿಯರು, ನಿರ್ದೇಶಕರು, ನಿರ್ಮಾಪಕರು ಚಿತ್ರದ ನಿರ್ಮಾಣ, ಕ್ಯಾಮರಾ ವರ್ಕ್, ಹಾಡುಗಳು ಸೇರಿದಂತೆ ರಿಷಭ್ ನಟನೆ ಕುರಿತು ತಮ್ಮ ಅಭಿಪ್ರಾಯಗಳನ್ನು ಹಂಚಿಕೊಳ್ಳುತ್ತಿದ್ದಾರೆ. ಇದೀಗ ಕಾಂತಾರ ಚಿತ್ರ ವೀಕ್ಷಣೆ ಮಾಡಿರುವ ಬಾಲಿವುಡನ ಖ್ಯಾತ ನಟ ಹೃತಿಕ್ ರೋಷನ್ ಅವರು ತಮ್ಮ ಟ್ವಿಟರ್ ಖಾತೆಯಲ್ಲಿ, ಕಾಂತಾರ ಚಿತ್ರ ನೋಡಿ ತುಂಬ ಕಲಿತುಕೊಂಡಿರುವೆ ಎಂದಿದ್ದಾರೆ.
ರಿಷಭ್ ಶೆಟ್ಟಿ ಅವರ ಕನ್ವಿಕ್ಷನ್ ಸಿನಿಮಾ ಅಸಮಾನ್ಯವಾಗಿಸುತ್ತದೆ. ಚಿತ್ರದ ಕಥೆ, ನಿರ್ದೇಶನ, ನಟನೆ ಅತ್ಯುತ್ತಮವಾಗಿ ಮೂಡಿ ಬಂದಿದೆ. ಅಲ್ಲದೇ ಚಿತ್ರದ ಕ್ಲೈಮ್ಯಾಕ್ಸ್ ನನ್ನನ್ನು ರೋಮಾಂಚನಗೊಳಿಸಿದೆ. ನನ್ನ ಪರವಾಗಿ ಚಿತ್ರ ತಂಡಕ್ಕೆ ಅಭಿನಂದನೆಗಳು ಎಂದು ಟ್ವೀಟ್ ಮಾಡಿದ್ದಾರೆ.
ಇದನ್ನೂ ಓದಿ: ಅಪ್ಪು ವೇದಿಕೆಯಲ್ಲಿದ್ದಿದ್ದರೆ ಕಾಂತಾರ ಅಂತಿದ್ರು, ರಿಷಬ್ ಶೆಟ್ಟಿಯನ್ನು ಅಪ್ಪಿಕೊಳ್ಳುತ್ತಿದ್ರು: ಪ್ರಕಾಶ್ ರೈ
