ನಟ ಹೃತಿಕ್ ರೋಷನ್ ಹಿಂದಿ ಚಿತ್ರರಂಗದ ಫಿಟ್ನೆಸ್ ಸೆಲೆಬ್ರಿಟಿಗಳಲ್ಲಿ ಒಬ್ಬರು. ಬಾಲಿವುಡ್ ನಟರಲ್ಲಿ ಹೃತಿಕ್ ರೋಷನ್ ಮಾತ್ರ ನೋಟ, ಫಿಟ್ನೆಸ್, ನಟನೆ, ನೃತ್ಯ ಮತ್ತು ಆ್ಯಕ್ಷನ್‌ನಲ್ಲಿ ಯಾವುದೇ ಹಾಲಿವುಡ್ ನಟರನ್ನಾದರೂ ಸೋಲಿಸಲು ಸಮರ್ಥರಾಗಿದ್ದಾರೆ. ಇವರು ಜಿಮ್ನಲ್ಲಿ ದೇಹವನ್ನು ದಂಡಿಸುತ್ತಾ ಸಖತ್ ವರ್ಕೌಟ್ ಮಾಡುತ್ತಾರೆ. ಇದೀಗ ನಟ, ತನ್ನ ಶರ್ಟ್ಲೆಸ್ ಫೋಟೋವನ್ನು ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ತಮ್ಮ ದಂಡಿಸಿದ ದೇಹವನ್ನು ತೋರಿಸುತ್ತಾ ಅಭಿಮಾನಿಗಳಿಗೆ ಟ್ರೀಟ್ ನೀಡಿದ್ದಾರೆ. ಇದು ಇಂಟರ್ನೆಟ್ಗೆ ಕಿಚ್ಚು ಹಚ್ಚಿದೆ.
ಫೋಟೋ ಶೇರ್ ಮಾಡಿಕೊಂಡಿರುವ ನಟ, 'ಹಿಂದಿನ ದಿನ' ಎಂದು ಕ್ಯಾಪ್ಶನ್ ನೀಡಿದ್ದಾರೆ. ಚಿತ್ರದಲ್ಲಿ, ಅವರು ಶರ್ಟ್ ರಹಿತವಾಗಿ ತಮ್ಮ ಬೆನ್ನನ್ನು ಪ್ರದರ್ಶಿಸುವುದನ್ನು ಕಾಣಬಹುದು. ಜೊತೆಗೆ ಕಪ್ಪು ಟೋಪಿ ಮತ್ತು ಕಪ್ಪು ಪ್ಯಾಂಟ್ ಧರಿಸಿದ್ದಾರೆ. ಅವರು ಸಾಮಾಜಿಕ ಜಾಲತಾಣದಲ್ಲಿ ಫೋಟೋವನ್ನು ಕೈ ಬಿಟ್ಟ ತಕ್ಷಣ ಅಭಿಮಾನಿಗಳು ಪ್ರೀತಿಯ ಸುರಿಮಳೆಯನ್ನೇ ಹರಿಸಿದ್ದಾರೆ.
ಇದನ್ನೂ ಓದಿ: ’90 ಬಿಡಿ ಮನೀಗ್ ನಡಿ’.. ನಟ ವೈಜನಾಥ್ ಬಿರಾದರ್ರ 500ನೇ ಚಿತ್ರದ ಟ್ರೈಲರ್ ರಿಲೀಸ್.. ಸಿನಿಮಾ ಬಿಡುಗಡೆ ದಿನಾಂಕವೂ ಘೋಷಣೆ
ಬಳಕೆದಾರರೊಬ್ಬರು, "ನೀವು ಈ ಜಗತ್ತಿನಲ್ಲಿ ಅತ್ಯಂತ ಸುಂದರ ಮತ್ತು ವಿನಮ್ರ ವ್ಯಕ್ತಿ, ನಿಜವಾಗಿಯೂ ನಾನು ನಿಮ್ಮ ದೊಡ್ಡ ಅಭಿಮಾನಿ." ಎಂದು ಕಮೆಂಟ್ ಮಾಡಿದ್ದಾರೆ. ಮತ್ತೊಬ್ಬರು, "ಹಾಟೆಸ್ಟ್ ಹೃತಿಕ್ ರೋಷನ್ ಸರ್" ಎಂದು ಬರೆದಿದ್ದಾರೆ. "49 ವರ್ಷವಾದರೂ ನಿಮ್ಮ ದೇಹದ ಫಿಟ್ನೆಸ್ ಕಾಯ್ದುಕೊಂಡದ್ದು ನಿಜಕ್ಕೂ ಆಶ್ಚರ್ಯ" ಎಂದು ಪ್ರತಿಕ್ರಿಯಿಸಿದ್ದಾರೆ.
ಎರಡು ತಿಂಗಳ ಹಿಂದೆ ಹೃತಿಕ್ ರೋಷನ್ ಫಿಟ್ನೆಸ್ ಫೋಟೋವನ್ನು ಹಂಚಿಕೊಂಡಿದ್ದರು. "ನಾನು ಈ ಫೋಟೋವನ್ನು 2022ರ ನವೆಂಬರ್ನಲ್ಲಿ ತೆಗೆದುಕೊಂಡಿದ್ದೇನೆ. ಆದರೆ, ಸರಿಯಾದ ನಿದ್ರೆ ಮತ್ತು ಪೌಷ್ಠಿಕ ಆಹಾರದಿಂದ ಈ ದೇಹವನ್ನು ನಾನು ಇಂದಿಗೂ ಸ್ಥಿರವಾಗಿರಿಸಿದ್ದೇನೆ. ಕೆಲವರಿಗೆ ಆಹಾರ ಮತ್ತು ನಿದ್ರೆ ತಮಾಷೆ ಎನಿಸಬಹುದು. ಆದರೆ, ಇದು ನಿಮ್ಮ ಮನಸ್ಸು ಶಾಂತವಾಗಿರಿಸಲು ಸಹಾಯಕವಾಗಿದೆ. ಜೊತೆಗೆ ವ್ಯಾಯಾಮ ಮಾಡುವುದು ಮತ್ತು ಜಿಮ್ಗೆ ಹೋಗುವುದು ಕೂಡ ಒಳ್ಳೆಯದು. ಅದರೊಂದಿಗೆ ಧ್ಯಾನ ಕೂಡ ನಮ್ಮ ಸಂತೋಷವನ್ನು ದುಪ್ಪಟ್ಟು ಮಾಡಲು ಸಹಕಾರಿಯಾಗುತ್ತದೆ. ಆದರೆ, ಇದೆಲ್ಲವೂ ನಿಮಗೆ ನೀರಸ ಎನಿಸಬಹುದು. ಈ ರೀತಿಯ ಪರಿಶ್ರಮದಿಂದ ವಿಸ್ಮಯ ಸಂಭವಿಸಬಹುದು" ಎಂದು ಬರೆದುಕೊಂಡಿದ್ದರು. ಈ ಫೋಟೋ ನೋಡಿದ ಅಭಿಮಾನಿಗಳು ಫಿದಾ ಆಗಿದ್ದರು.
ಹೃತಿಕ್ ರೋಷನ್ ಸಿನಿಮಾ ವಿಚಾರವಾಗಿ ನೋಡುವುದಾದರೆ, ನಟ ಕೊನೆಯದಾಗಿ ಸೈಫ್ ಅಲಿ ಖಾನ್ ಅವರೊಂದಿಗೆ ಆಕ್ಷನ್ ಥ್ರಿಲ್ಲರ್ ಚಿತ್ರ ವಿಕ್ರಮ್ ವೇದದಲ್ಲಿ ಕಾಣಿಸಿಕೊಂಡರು. ಹೃತಿಕ್ ಮುಂದೆ ಸಿದ್ಧಾರ್ಥ್ ಆನಂದ್ ಅಚರ ಫೈಟರ್ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಈ ಚಿತ್ರದಲ್ಲಿ ದೀಪಿಕಾ ಪಡುಕೋಣೆ ಮತ್ತು ಅನಿಲ್ ಕಪೂರ್ ಕೂಡ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಫೈಟರ್ ಜನವರಿ 25, 2024 ರಂದು ಥಿಯೇಟರ್‌ಗಳಿಗೆ ಬರಲಿದೆ. ಇದರ ಜೊತೆಗೆ, ಜೂನಿಯರ್ ಎನ್‌ಟಿಆರ್ ಜೊತೆಗೆ ಅಯಾನ್ ಮುಖರ್ಜಿಯವರ ವಾರ್ 2 ನಲ್ಲೂ ಹೃತಿಕ್ ರೋಷನ್ ನಟಿಸಲಿದ್ದಾರೆ.
ಇದನ್ನೂ ಓದಿ: ಒಂದು ದಿನದ ಅಂತರದಲ್ಲಿ ಶಾಹಿದ್, ಸಾರಾ ಸಿನಿಮಾ ಬಿಡುಗಡೆ; ಬಾಲಿವುಡ್ನಲ್ಲಿ ಸ್ಟಾರ್ ಸಿನಿಮಾಗಳ ಘರ್ಷಣೆ
