ಬಾಲಿವುಡ್ ನಟಿ ಸೋನಾಕ್ಷಿ ಸಿನ್ಹಾ ಮತ್ತು ಹುಮಾ ಖುರೇಷಿ ಅಭಿನಯದ ಬಹು ನಿರೀಕ್ಷಿತ ಡಬಲ್ ಎಕ್ಸ್‌ಎಲ್ ಸಿನಿಮಾದ ಟ್ರೈಲರ್ ಬಿಡುಗಡೆ ಆಗಿದೆ.
ಸತಾರಾಮ್ ರಮಣಿ ನಿರ್ದೇಶನದ ಡಬಲ್ ಎಕ್ಸ್‌ಎಲ್ ಸಿನಿಮಾದಲ್ಲಿ ಸೋನಾಕ್ಷಿ ಸಿನ್ಹಾ ಮತ್ತು ಹುಮಾ ಖುರೇಷಿ ಹೆಚ್ಚು ತೂಕ ಇರುವ ಹುಡುಗಿಯರಾಗಿ ಕಾಣಿಸಿಕೊಳ್ಳಲಿದ್ದಾರೆ. ಸಮಾಜದಲ್ಲಿ ಅಧಿಕ ತೂಕ, ಅತೀ ದಪ್ಪ ಅಥವಾ ದುಂಡುಮುಖದ ಮಹಿಳೆಯರು ಎದುರಿಸುತ್ತಿರುವ ಸಮಸ್ಯೆಗಳ ಹಿನ್ನೆಲೆಯಲ್ಲಿ ಮನೋರಂಜನಾತ್ಮಕ ಸಿನಿಮಾ ಮೂಡಿ ಬರುತ್ತಿದ್ದು, ನವೆಂಬರ್ 4ರಂದು ಚಿತ್ರ ತೆರೆಗೆ ಬರಲಿದೆ. ಈಗಾಗಲೇ ಬಿಡುಗಡೆಯಾಗಿರುವ ಟೀಸರ್, ಇಂದು ಬಿಡುಗಡೆ ಆಗಿರುವ ಟ್ರೈಲರ್ ಆಕರ್ಷಕವಾಗಿದೆ.
- " class="align-text-top noRightClick twitterSection" data="">
ಸಮಾಜವು ಹೆಣ್ಣಿನ ಸೌಂದರ್ಯ, ದೇಹದ ತೂಕದ ಕುರಿತು ಹೇಗೆಲ್ಲಾ ಚರ್ಚೆ ನಡೆಸುತ್ತದೆ ಎಂಬುದನ್ನು ಹಾಸ್ಯಮಯವಾಗಿ ಹೇಳಲು ಈ ಚಿತ್ರ ಪ್ರಯತ್ನಿಸಿದೆ. ಜೊತೆಗೆ ಅಧಿಕ ತೂಕದ ಮಹಿಳೆಯರು ತಮ್ಮ ಗುರಿ ಹೇಗೆ ತಲುಪುತ್ತಾರೆ, ಕನಸನ್ನು ಹೇಗೆ ನನಸಾಗಿಸಿಕೊಳ್ಳುತ್ತಾರೆ, ಜೀವನದಲ್ಲಿ ಎದುರಿಸುವ ಸವಾಲುಗಳೇನು ಎಂಬ ಎಲ್ಲ ವಿಷಯಗಳನ್ನು ಚಿತ್ರ ಒಳಗೊಂಡಿದ್ದು, ಟೈಲರ್ ಇದರ ಸಂಕ್ಷಿಪ್ತ ರೂಪವಾಗಿದೆ.
